Tiona 2
2
Ho'aha Tiona
1Mania raona opana marika Tiona 'eka ho'a tarea Iawe Warato'o naia. 2Ma 'eka arahu uri'ene:
<<Raona ma'uha paina nau na poi tarea Iawe
Ma 'e orisi nau.
Mania raona opana marika na poi tarea Iawe hana haiponiha
Ma 'o panoro hana aniha nau.
3'O u'ira'i nau raona touna asi,
No'o hi raona touna asi wau
Ma ahe'aheta 'e po'ota'i hai'o ohi nau;
Rikimana naho 'o ma apitaha kira
Kira apita hahi nau.
4Na ka arahu uri'ene, <'Ai'ene na asisi
no'o mania mamu;
tairihi na ka rao haitare kane ru'u
tarea tau maea 'o.>
5Asi 'e oni ohi nau ma karahinia na ka ko'u no'o,
Ma watawa ohi nau;
hi harisi ni asi 'ene kira hikusia pauku.
6Tarea rairarina hi irira na ko'u hihu'a;
makohu'a 'e omoi nau tarauna'i.
Tairihi i'o 'o torea maurihaku mania kiru,
Hai Iawe Warato'o nau.
7<<Horo'a nia manomanoku karahinia 'eka siko no'o,
ma na ni'irae tari 'o, Iawe,
ma ho'aha nau 'e ta'era'i tare 'o,
tarea hanua maea 'o.
8<<Tauna nia kira to'ito'o ana nununa hi'ona te 'are rete mao ai,
kira raa mania reteha nia 'e rae rauha hana kira.
9Tairihi inau, ha'ania mani amamatani raemanoha,
Na ka rao ha'aoho tare o a'i.
'Are uta nia na arahu akau a'i na ka rao tau retea.
Ha'amauriha 'are 'e iki mai mania Iawe>>.
10Ma Iawe eka arahu tarea marika 'ene, ma 'eka moata'ania Tiona ana hanua 'e kapa.
© 2024, Islands Bible Ministries. All rights reserved.