APOEM AYANG: 10
10
Noa nya: Zoo: yi da" Amyed Ashen yi
(1 Km 1:5-23)
1Hid bang: gi Noa da" nya: zoo: Shem- Ham yo' Yaphed bang: da" amyed ashen yi nghoid. Hid bang: soem" yug gi Tigyid shi thang: ri zooshang: yi yo" ago".
2Yaphed da" nya: zoo: yigi Goma- Magoga- Madai- Yavan- Thubala- Mashed yo' Thira bang: nghoid lho: nyang: kung: nyang: myeing yo" da" phoug" phyid" yi bue" lo boem. 3Goma da" amyed ashen yigi Askhena byumyu"- Riphad byumyu" yo' Thugama byumyu" yi nghoid. 4Yavan da" amyed ashen yigi Elisha byumyu"- Spain byumyu"- Kupru byumyu" yo' Rodesa byumyu" yi nghoid lho: 5Nyangnu" gi panglai: gyid yam cang moo yo' gugyoo: kang cang moo nyid yen" byumyu" yi da" phoug" phyid" yi nghoid bye:. He: da" zigi Yaphed da" amyed ashen yi nghoid lho: byukung: byuko' goo" loem: loem: nyid byo gyoo" lo wigi goo" moug: moug: nyid boem tho' agoo" nyang: myeing" nyang: kaid lo" boem.
6Ham da" nya: zoo yigi Khusha- Egutu- Libya yo' Khanan bang: nghoid lho: nyang: kung: nya: myeing" yo" da" byumyu" phoug" phyid" yi bue" lo boem. 7Khusha da" amyed ashen yigi Seba byumyu"- Havila byumyu"- Sabtha byumyu"- Rama byumyu" yo' Sabthekha byumyu" yi nghoid. Rama da" amyed ashen yigi Sheba byumyu" yo' Dedan byumyu" yi nghoid. 8Khusha gi Nimrod ga: da" yuggi zoo: dayug ri we' yo" lho: hau: su: gi mougmyid tho' mo xang: shi" da" gyi thang meing: zain: ung: su: bue" loo bye:. 9Aseing da" pang" thoug jeju" khyo" nyang: gi gyi: thang shoo" khaid su: dayug we' nghoid. Houg: yoomo mung" byu yigi «Aseing gi nang ri Nimrod ri yhang: ti" gyi: thang shoo" khaid su: bui" nhang: baja"» ga: dang: khyang" jo, loo bye:. 10Xang: shi" moo nyang: seing: da" nya: meing joem gi Babelon mo Babelon- Ereg yo' Akhado voo joem nghoid. 11Hau: moug: mo nyang: gi Asuri khyoo: xo' yhe: lo" lho: Nineve voo- Rehobod Ira voo- Khala voo joem ri sho: wigi 12Nineve voo yo' Khala voomoo" agyoo: moo Resen voo ri tam: too" bye:.
13Egutu da" amyed ashen yigi Ludia byumyu" Anam byumyu"- Lehab byumyu"- Naphtuha byumyu"- 14Pathrusa byumyu"- Khasluha byumyu" yi nghoid lho: Khreti mo Khasluha byumyu" gi Philisti byumyu" bue" loo bye:.
15Khanan da" nya: zoo: yigi mang: zeing yug Sidon yo' Hed nghoid lho: Sidon yo' Hed byumyu" da" phoug" phyid" bue" loo bye:. 16Khanan gi Yebusi- Amori yo' Girgashi byumyu" yi da" phoug" phyid" we 17Hivi- Arki yo' Sini byumyu"- 18Arvadi- Zemari yo' Hamad byumyu" yi da" phoug" phyid" we' nghoid. Khanan byumyu" yi agang gang nyid byo lo" zigi 19Khanan mougkyoo" gi Sidon mo mougpyi: shoid Gerara voo Gaza nam moo ju" sho' we' bidthu shoid Sodom- Gomora- Adma yo' Zeboim voo Lasha nam moo ju" sho' we' ju" loo" bye:. 20He: da" zigi nya: moug: nyang:- nyang: kung: nyang:- nyang: myeing" nyang: ji lho: nyid nyid boem da" Ham da" amyed ashen yi nghoid boem ago".
21Yaphed da" nya: mang: zeing Shem gi Hebre byumyu" dangain" da" phoug" phyid" nghoid. 22Shem da" nya: zoo: yigi Elam- Ashura- Arphaza- Luda yo' Aram bang: nghoid wigi nyangnu" gi nyang: kung: nyang: myeing" yo" da" byumyu" phoug" phyid" yi bue" lo boem. 23Aram da" amyed ashen yigi Uza- Hula- Getha yo' Mesha byumyu" yi nghoid. 24Arphaza gi Shela da" nya: phoo nghoid. Shela gi Ebera da" nya: phoo nghoid. 25Ebera gi yuggi zoo: eig yug yo"- dayug da" myeing gi Pheleg nghoid. Khasu" wim gari nya: ayo, aboin: moo mougmyid byu yigi moug: gam go" boem lho: gootu: dayug da" myeing gi Yoktan ga: zi nghoid. 26Yoktan da" amyed ashen yigi Almoda- Shaleb- Hazarmaved- Yera byumyu"- 27Hadoram- Uzala yo' Dikla 28Obala- Abimela yo' Sheba 29Ophira- Havila yo' Yoba byumyu" yi nghoid. Hid bang: dangain" gi Yoktan da" amyed ashen yi nghoid. 30Nyangnu" nyid da" mougmyid gi Mesha voo mo bidthu shoid Saphara boem moo ju" sho' nghoid. 31Hid: bang: gi nya: moug: nyang:- nyang: kung: nyang:- nyang: myeing" nyang: kaid lho: nyid nyid da" Shem da" amyed ashen yi nghoid boem ago".
32He: da" byumyu" yi dangain" gi nyang: ko' nyang: nyid byo gyo" lo da" Noa da" amyed ashen yi nghoid. Tigyid shi' thang: mo mougmyid byu yi dangain" gi Noa da" nya: zoo: yi mo nyid byo gyo" loo mo, nghoid.
Lacid Bible © Bible Society of Myanmar, 2009.