मत्ती 13
13
किसान और बीज कौ दृस्टान्त
(मरकुस 4:1–9; लूका 8:4–8)
1बा दिनां ईसू घर तै निकरकै झील के किनारे पै जाय बैठौ। 2और #लूका 5:1–3 वाके जोरै इतनी बड़ी भीड इकठ्ठी है गयी और बू भीड़ केमारै नाव में जायके बैठ गयौ और सबरी भीड किनारे पैई खडी रही। 3 बानें बिनकूं दृस्टान्तन में भौत सी बात बताईं। ईसू नें कही, “एक किसान बीज बोयबे निकरौ। 4जब बू बीज बो रयौ हतो तब कछू बीज रस्ता के किनारे पैई गिर गये और चिड़ियन नें आयकें बा बीज कूं चुंग लये। 5कछू बीज कंकरीली धरती पै गिरे म्हांपै गहरी मट्टी न मिलबे की बजैह ते बे बीज जल्दी उपज आये। 6और जब घाम निकरी तौ पौधे झुलस गये और जड़ न पकरबै की बजैह ते सूख गये। 7कछू बीज कटीली झाड़िन में गिरे और झाड़ी बढी और झाड़ी नें पौधन कूं दबाय लियौ। 8पर जो बीज अच्छी धरती पै गिरे, बे उग आये और बढ़कें फल दैवे बारे भये कोई सौ गुना, कोई साठ गुना, कोई तीस गुना फल लाये। 9जाके जौरै सुनवे के कान होबें बू सुन लैबे।”
दृस्टान्त कौ मतलब
(मरकुस 4:10–12; लूका 8:9–10)
10चेलान नें ईसू ते कही, “तू लोगन कूं दृस्टान्तन में बात चौं बताबतुए?”
11ईसू नें बिनते कही, “सुरग के राज कौ भेद जानबे कौ अधिकार केवल तुमेंई दयो गयौए, बिनकूं नांय। 12#मत्ती 25:29; मर 4:25; लूका 8:18; 19:26चौंकि जाके जौरै है बाय और जादा दयौ जाबैगौ और वाके जोरै भौत है जाबैगौ। पर जिनके जोरै कछू नांय बा पैते बेऊ छीन लयो जाबैगौ जो वाके जोरै हतुऐ।” 13मैं दृस्टान्तन में बताबतूं, चौंकि,
“बे देखत भयेऊ न देखैं
और सुनत भयेऊ न सुनें और न बू समझें।”
14जा तरैह ते परमेस्वर की ओर ते बतायबे बारे यसायाह की बात पूरी होते।
“ ‘तुम कानन ते सुनौगे, पर कछू समझ में नांय आबैगौ,
और तुम आंखन ते देखत रहौगे, पर तुम कछू देख नांय पाओगे।
15चौंकि इन लोगन की बुद्धी भ्रस्ट है गयी है।
और इन्नें अपने कान बन्द कर लिये हैं,
बिन्नें अपनी आंख मूंद लयीऐं।
कऊं ऐसौ नांय होबे कै जे आंखन ते देखबे लगे,
और कान ते सुनें,
और मन ते समझबे लगें,
और जि पापन ते मन फिरामें और मैं इनकौ उद्धार करूं।’
16 #
लूका 10:23,24 पर धन्य हैं तुमारी आंख जो देखतै और तुमारे कान जो सुनतैं। 17चौंकि मैं तुम लोगन ते सच कैह रयौ हूं,भौत से परमेस्वर की ओर ते बात बताबे बारे और धरमी लोग इन बातन नें सुनबो और देखबो चाहते हते। जिनें तुम देखत और सुनतौ। पर बे इनें ना सुन सके ना देख सके।
बीज बोयबे बारे दृस्टान्त कौ मतलब
(मरकुस 4:13–20; लूका 8:11–15)
18“अब तुम बीज बोयबे बारे दृस्टान्त कौ मतलब सुनों। 19रस्ता के किनारे पै बोए गये बीज बिन लोगन कूं दिखातै। जिन्नें परमेस्वर के राज कौ वचन सुनकें नांय समझौ और जो वचन वाके मन मैं बोयौ गयौ है, बाय सैतान आयकै छीन लै जातै। 20कंकरीली धरती पै गिरौ भयौ बीज बिन लोगन कूं दिखातै जो वचन कूं सुनकें खुसी के संग मान लेतै। 21पर बे वचन कूं अपने मन में नांय रख पात और परमेस्वर के वचन की बजैह ते उनपै जब दुख संकट और परेसानी आतै और लोग उन्नें सतातें तौ बे भरोसौ करबे ते पीछे हट जातैं। 22झाड़िन में गिरे भये बीज उन लोगन कूं दिखातै जो वचन कूं तौ सुनतें पर संसार की चिन्ता और धन-दौलत कौ लोभ-लालच वचन कूं दबा देतै और बू फल नांय लाबत। 23अच्छी धरती पै बोयौ गयौ बीज बे लोग है जो परमेस्वर के वचन कूं सुनतै और समझतें बू वचन उनमें फल लाबतै कोई सौ गुनों कोई साठ गुनों और कोई तीस गुनों।”
अच्छे और जंगली बीज कौ दृस्टान्त
24ईसू ने बिनते एक और दृस्टान्त में बात कही, “सुरग कौ राज बा आदमी के जैसौए जानें अपने खेत में अच्छौ बीज बोयो। 25जब सब सो गये तब वाकौ दुसमन आयौ और वाके गेहूँ के खेत में जंगली बीज बोयकै चलौ गयौ। 26जब गेंहू उपजे और बामें बाल लगबे लग गईं तब बिनके संग में जंगली बीजऊ उपजे।
27“तब मालिक के सेबक ने कही, ‘हे मालिक का तुमनें अच्छौ बीज नांय बोयौ हतो? तौ जि जंगली बीज कांते आय गयौ?’
28“तब बा मालिक नें कही, ‘जि काऊ दुसमन कौ काम है।’
“तब सेबक ने बा मालिक ते कही, ‘अगर तू कहे तौ इन जंगली पौधन कूं उखाड़ दऊं।’
29“फिर बा मालिक नें कही, ‘कहूं ऐसो ना होय कै तुम जंगली पौधन के संग में गेंहू कै पौधन्नेंऊ उखाड़ लैओ। 30कटबे तक दोनोंन्नें संग बढन देओ। कटबे के बखत में काटबे बारेन ते कहुंगो, कै सबनते पैहले तुम उन जंगली पौधन्नें इकठ्ठौ करकें जराबे काजै गठरी बांध लेओ और गेंहून नें मेरे गोदाम में इकठ्ठौ कर देओ।’”
राई के दाने कौ दृस्टान्त
(मरकुस 4:30–32; लूका 13:18–19)
31ईसू नें लोगन कूं एक और दृस्टान्त बतायौ, “सुरग कौ राज बा राई के दाने के समान है जाकूं एक किसान नें अपने खेत में बोयौ। 32बू सबरे बीजन ते छोटौ है पर जब बू बढ़ जातै तब बू सबरे साग पात के पौधन ते बड़ौ है जातै और ऐसौ पेड़ है जातै कै आकास के पंछी वाकी डारन में बसेरौ कर सकतैं।”
खमीर कौ दृस्टान्त
(लूका 13:20–21)
33ईसू ने लोगन कूं एक और दृस्टान्त बतायौ, “सुरग कौ राज बा खमीर की तरैह ते है जाकूं काऊ औरत नें तीन पसेरी आटे में मिलायौ और बू सबरौ आटौ खमीर है गयौ।”
ईसू कौ दृस्टान्तन कूं बताबौ
(मरकुस 4:33–34)
34ईसू लोगन्नें सब बात दृस्टान्तन में समझाबत हतो। बू बिनते बिना दृस्टान्तन के कछू बात नांय करतौ हतो। 35जाते परमेस्वर की ओर ते बात बतायबे बारे की जि बात पूरी है जाय,
“मैं दृस्टान्तन में बोलुंगौ,
जो बातें जगत की उत्पत्ती ते छिपी रहीं हैं, मैं उन बातन्नें उजागर करूंगो।”
जंगली बीज के दृस्टान्त कौ मतलब
36जब ईसू भीड कूं छोड़कै घर में आयौ, तब वाके चेलान नें वाके जौरै आयकै पूछी, “हमें बा जंगली बीज के दृस्टान्तन कौ मतलब समझाय दै।”
37तब ईसू नें बिनते कही, “अच्छौ बीज बोयबे बारौ मैं, ‘मनुस्य कौ बेटाऊं’। 38और खेत जि संसार है अच्छे बीज कौ मतलब जि है सुरग के राज के लोग और जंगली बीज कौ मतलब है आदमी जो सैतान की सन्तान है। 39बू दुसमन जानें जंगली बीज बोयौ हतो बू सैतान है। और कटाई कौ समै जगत कौ अन्त है, और कटाई करबे बारे सुरग दूत हैं।
40“जैसे जंगली पौधा इकठ्ठे करके जराए हते, बैसेई जगत कौ अंत हैबैगौ। 41तब मैं, ‘मनुस्य कौ बेटा’ म्हांते सुरग दूतन्नें भेजूंगौ और बे वाके राज में ते सबरे पापी दुस्ट और कुकरमिन नें जो लोगन कूं पाप करबे काजै उकसावते, 42बिन सबन कूं इकठ्ठौ करके बा नरक की आग में फिकबा दुंगो, जहां पै केवल दांत पीसबौ और रोबोई होबैगौ। 43तब धरमी अपने सुरगीय पिता के राज में सूरज के समान चमकिंगे। जाके जौरै सुनवे के कान होबें बू सुन लैबे।
मोती और छिपे खजाने कौ दृस्टान्त
44“सुरग कौ राज खेत में छिपे भए खजाने की तरैह है, जो काऊ आदमीऐं मिलौ और बानें बू दुबारा ते खेत में गाढ़ दियौ, बू इतनों खुस भयौ कै बानें खुसी केमारै अपनों सब कछू बेचकैं बा खेत कूं मोल खरीद लेतै।
45“सुरग कौ राज बा अच्छे मोती ढूढबे बारे ब्यापारी के जैसौ है, 46जब बाय एक भौत कीमती मोती मिल जातै, तौ बू अपनों सब कछू बेच देतै और बा भौत कीमती मोतीऐ मोल लै लेतै।
जाल कौ दृस्टान्त
47“सुरग कौ राज बा बड़े जाल की तरैह है जो मछली पकरबे काजै समुन्दर में डारौ गयौ। और जाल हर तरैह की मछलिन ते भर गयौ। 48तब मछुआरे जाल कूं खैंच कै किनारे पै लै आऐ और बिनने अच्छी-अच्छी मछली बरतनन में इकठ्ठी कर लयीं और बेकार बेकार मछली फैंक दयीं। 49संसार के अन्त में ऐसौ ही होगौ। सुरग दूत आयकै धरमियन्नें दुस्ट ते अलग करिंगे, 50और दुस्टन कूं नरक की आग के कुन्ड में झोंक दिंगे, मापै बे लोग रोबिंगे और दाँत पीसत रैहबिंगे।”
51ईसू ने कही, “का तुम लोग जिन सब बातन्ने समझ गये?”
चेलान नें उत्तर दियौ, “हाँ।”
52ईसू ने बिनते कही, “हरेक सास्त्रन कूं सिखाबे बारे जो सुरग के राज में चेला बन चुके हैं। बे बा घर के मालिक के समान है, जो अपने खजाने में ते नई और पुरानी चीजन्नें निकारतै।”
नासरत नगर में ईसू कौ आयबों
(मरकुस 6:1–6; लूका 4:16–30)
53जब ईसू दृस्टान्तन्नें कैहबे के बाद म्हांते चलौ गयौ। 54और अपने नगर नासरत में आयकें, बिनके पिराथना घरन में जायकें बिन्नें ऐसी सिछा दैबे लगौ, जापै बे सब अचरज करके कैहबे लगे कै, “जाकूं जि ग्यान और सामर्थ के काम कांते मिले? 55का जि मरियम और बढई कौ बेटा नांय और का जाके भईयन कौ नाम याकूब, यूसुफ, सिमौन और यहूदा नांय? 56का जाकी बहन हमारे बीच में नांय रैहती? तौ फिर जाय जि सबरौ ग्यान कांते मिलौ है?” 57#यूह 4:44जाके मारें बिन्नें ईसू कूं नांय अपनांयौ।
पर ईसू नें कही, “कै कोई परमेस्वर की बात बतायबे बारौ अपने नगर और घर कूं छोड़कै सब जगैह पै सम्मानित होतै।” 58और बिन लोगन के भरोसौ ना करबे की बजैह ते ईसू नें म्हांपै कोई सामर्थ के काम नांय करे।
NonCommercial-NoDerivatives 4.0 International (CC BY-NC-ND 4.0)