VPOM Dangphank
Dangphank
Genesis ge dah nyings vjyuk gas vpom vyang ge zis nghuot. Haih sauhbuk gas maukhung nyeisjvng gvnkhanh cho, cangsoeu dius dah vpom vyang, nyeisjvng thoq mas yaunos yahge shanghsenh cho dah vpom, Mangso dius yah khasoeh zomh cho taiq. Vpom vyang lyis vjyuk aiq doeus yoh khyoq.
(1) Sonzoh 1-11 Maukhung nyeisjvng gvnkhanh cho yahge cangsoeu dius nyau jens dah cangxeih mvnyei. Heimha bos cho ka Adam yahge Ewa, Ka-in yahge Abel, Noa yahge jeisnhauq cho yahge Babilon tyoeuqzvm cho tsain nghuot.
(2) Sonzoh 12-50 Israel dius jens dah cangxeih phauh thyeih mvnyei. Cangxeih vyuk gas Mangso lhyi lomsjingh, domsyos gyo cho mha yikhyoh duot dah Abraham nghuot. Hauh thang mha nyah lo Isak, nyah nyeilo Yakop (Israel eq ge) yahge Yakop dah lo 12 yuk, Israel 12 koq dah vpom, dah mvnyei bos. Lo jens 12 yuk mas Yosep dah cho yahge Yakop nyah lo jens yahge nyamoq dah yhen dius jens Egutu mau pheh e nyeis das xiklyis bweh loh cho lhyi senhtyau lhaih toh.
Haih buk gas dius jens dah mvnyei lyis taiq. Hauh mvnyei gas Mangso ka cangxeih yahge yhaugyen thank dah cho cha kuot goeus ge zis nghuot. Haih buk gas Mangso maukhung nyeisjvng lyis gvnkhanh ge top taiq zis yah xi lha Mangso ka nyah dius jens lyis tsoq las yoeuh gomh das ge dah dangthoengh yah vthang sau toh. Buk gonh mas yhaugyen thank soeu ka kuot shuot bang lyis soetuon lha joeng, nyah dius jens lyis uhshe lha pangh, nyamoq dah mvnyei lyis gis nhang dah Mangso nghuot. Dius dvnyau dah lomsjingh cho mvnyei yahge hauh lomsjingh cho tsoq las kang dwis nyeis das xiklyis pangh das nyhenshang haih gohnhamp dah sauhbuk lyis lhaih toh.
Danggvn
Maukhung nyeisjvng yahge cangsoeu dius dah gvnkhanh cho 1:1-2:25
Yaunos yahge shanghsenh cho dah vpom 3:1-24
Adam masyah Noa 4:1-5:32
Noa yahge jeisnhauq cho 6:1-10:32
Babel Tyoeuqzvm 11:1-9
Shem masyah Abraham 11:10-32
Phauh nyang mon dah lokhoq jens: Abraham, Isak, Yakop 12:1-35:29
Esau dah vnyau vshih jens 36:1-43
Yosep yahge nyah vmang moq yahge nyah vnoeuh 37:1-45.28
Israel dius jens Egutu mau mas 46:1-50:26
Ngochang Common Language Bible © Bible Society of Myanmar, 2010.