লুক 14
14
যীশু সাকসা ৰোগী মাৰাব তেনেমি
1সানসা চিনিং নেন্তাঙি বাৰায় ফৰীশীদোনি মাজাৰায় সাকসা তাংগামনি নৗগৌৱায় স্বাহন গৗমৗন দাংতোঙায় অনোক উৱো চৗইমৗন পাংতা। 2উ সময় সাকসা কান পকতোঙি মাৰাব উনি খৗতৗয়ায় তৱা। 3যীশুৱা আইনগিৰ আৰা ফৰীশীদোনায় সৗঙৌ, “নেন্তাঙি বাৰায় তেনেম মান্না, না মাঞ্চা?”
4নাত্নে অনোক অৗকৗৰচৗপ পাঙৌ। উম্প্রিং উম্রা উৱো লৌমৗন তেনেমৌ, আৰা দিমসেতৌ। 5#মথি 12:11 আৰা উম্রা অনোকো ব্রাকৌ, “ননোঙি মাজাৰায় চাং তৱা, যি মাৰাবনি গাধা এবা মুশুহৗল চুৱায় ক্রৗইৰৗন উম্রা নেন্তাঙি বাৰায় হৰচকচানা?”
6উম্প্রিং অনোক উ ক্রৌনি জবাব লাও মাঞ্চৌ।
পৗমৗৰ সায়ঙি আৰা সিবৗইঙি
7উ সময় নিমন্ত্রণ মান্তানি ম্রাদো বিগিনা পেনেম হাদাম বাসায়মৗন লাআ উৱো নৗকৗইমৗন যীশুৱা অনোঙা তিমলৗইমৗন ব্রাকৌ: 8#আদত 25:6,7 “চাংবা ননোকো বিয়ৌনি খাওৱানায় কালাংৰৗন, পেনেম হাদামায় তাʼ আম্বাক, আতাঙা নিনি চৗইবা চাংবান মানায়নাং মাৰাবান কালাং মাস্তানি সায় মানা, 9আৰা যি মাৰাবা নৗঙো আৰা উৱো নিমন্ত্রণ লাওতানা উম্রা ফৗইমৗন নৗঙো ব্রাকফৗইৰৗন, ই মাৰাবনা হাদাম লাও; উ সময় নৗং পুনুকৗইমৗন চৗদৗৰায় আম্বাং নিগিনা। 10নাত্নে নৗং জেলা নিমন্ত্রণ মানা, লৗইমৗন চৗদৗৰায় আম্বাক, উম্প্রিং যি মাৰাবা নৗঙো নিমন্ত্রণ লাওতানা, উম্রা লৗইমৗন ব্রাঙা, লৗগৗ পিৰায় লৗইমৗন আম্বাক আৰা যি মাৰাবদো নৗংমৗন আম্বাকতানা, অনোঙি মাহাঙায় নৗং দুৰুকঙি মাসানা। 11#মথি 23:12; লুক 18:14 আতাঙা যি মাৰাবা অৗপিন আপাৱো গদা ব্রাকৗইমৗন শুংশুঙা, উৱো পৗমৗৰ তাঙি সায়ঙা, আৰা যি মাৰাবা অৗপিন আপাৱো পৗমৗৰ তাকা উৱো গদা তাকঙি সায়ঙা।”
12জিখৗমায় উম্রা উৱো নিমন্ত্রণ গাসায়তানি মাৰাবোবান ব্রাকৌ, “নৗং জেলা সানদুপুৰায়ঙি এবা ফাৰায়ঙি খাওৱান যুগুত গাসায়া, উবায় নৗং অৗপিন লৗগৗ এবা নিনি ভৗইদো এবা নিনি ভৗগীদো এবা নিনি নৗগৌ কৗতৗইঙি ধনী মাৰাবদো তাʼক্লাং; অনোকবান নৗঙো ক্লাং মানা আৰা নৗং বৗদৗল বাৰ দাবাল নিগিনি সায়ঙা। 13নাত্নে নৗং জেলা খাওৱান যুগুত গাসায়া, উ সময় গৰীৱ নুলুৱা, লেঙ্গেৰা আৰা কানাদো নিমন্ত্রণ গাসায়; 14উম্প্রিং অনোক নৗনা দাবাল গৗমৗন হাসকেসান তংচৗইমৗন নৗনা সাবাস লাওঙা; আতাঙা ধর্মীদো হেংশ্রায়ঙি সময় নৗং বৗদৗল দান দাবাল মাসানা।”
গদা খাওৱাননি তিমলৗইঙি
(মথি ২২:১-১৯)
15ই বেবাক ক্রৌদো নায়মৗন, উমৗন অৗগ্রৗম খাওৱানায় আম্বাকতানি মাৰাবদোন মাজাৰায়প্রিং সাকসা মাৰাব উৱো ব্রাকৌ, “উম্রা সাবাস যি মাৰাবা ঈশ্বৰনি ৰাজ্যৱায় খাওৱান স্বাহনা।”
16উম্রা উৱো ব্রাকৌ, “সাকসা মাৰাব গদাগৗক গসা খাওৱান যুগুত গাসায়মৗন তৗক্রৗই মাৰাবনা নিমন্ত্রণ লাৱৌ। 17জিখৗমায় স্বাহন সময় অৗপিনি চৗকিৰ দ্বাৰায় ‘তি যুগুত সায়ৌ ফৗই!’ ব্রাকৗইমৗন নিমন্ত্রণ মান্তানি মাৰাবদো কালাং গৗমৗন দিমসেতৌ। 18উ সময় অনোক বেবাকৗন গসৗন সায়মৗন মাফ পিয়ৌ; পৰথম মাৰাবা ব্রাকৌ, ‘আং হাʼ তালাকসা পৗৰৗয়ৌ, উৱো চৗইলৗই নিগা, মাফ পিয়াং আঙো বাদ লাও।’ 19আৰা সাকসা ব্রাকৌ, ‘আং হৗলবৗঙা মুশু হৗল পৗৰৗইতানা উৱো থাক চৗই গৗমৗন লৗইতা; দয়া গাসায়মৗন আঙো বাদ লাওবায়।’ 20উম্প্রিং সাকসা ব্রাকৌ, ‘আং বিয়ৌ গাসায়ৌ উনান গৗমৗন লৗই মাঞ্চানা।’ 21জিখৗমায় উনি চৗকিৰ ফৗইমৗন বেবাক খবৰদো দুন লাওফৗয়ৌ। উম্প্রিং নৗগৌ গিৰা ৰাহাওমৗন নগোমি চৗকিৰো ব্রাকৌ, ‘মামাৰ লৗই নগৰায়ঙি লাম গদায় আৰা লাম পৗমৗৰাঙা লৗইমৗন গৰীৱ, নুলুৱা, লেঙ্গেৰা, আৰা কানাদো ইঙা কালাংফা।’ 22চৗকিৰা তাপৗং জবাব লাৱৌ, ‘মানায়নাং আপা যেগেনান তৗৰৗইঙি হুকুম লাৱৌ, উগুনান তৗৰৗয়ৌ আৰা তিবান হাদাম তৱা।’ 23উম্প্রিং গিৰা চৗকিৰো ব্রাকৌ, ‘নগৰায়ঙি লামাং আৰা পাথাৰ লাম পৗমৗৰাং লৗইমৗন মাৰাবদো ৰুবুংমৗন লাফা, যাতে ইনি নৗগৌ ফুঙা। 24আতাঙা আং ননোকো ব্রাকাং, উ নিমন্ত্রণ লাওতানি মাৰাবদো সাকসানান ইনি খাওৱানায়ঙি চাকায় মাসচানা।’ ”
খৗন্তৗক শিষ্যনি চৗদুগ দুনলাওঙি
(মথি ১০:৩৭-৩৮)
25সানসা চিনিং তৗক্রৗই মাৰাব হাঞ্জা গসা উমৗন অৗগ্রৗম লৗইতোঙায়, উম্রা চৗইবালমৗন অনোকো ব্রাকৌ, 26#মথি 10:37 “চাংবা ইনি নাঙায় ফৗইমৗন, অৗপিনি আমায়, আৱা, জৗগস্বা, জিনৌ-ভৗইদো আৰা অৗপিনি চৗল্পাকৱো ইনি চৗইবা কিচুন দংচা গানা মনায় গাসায়চা, উম্রা ইনি শিষ্য সায় মাঞ্চা। 27#মথি 10:38; 16:24; মার্ক 8:34; লুক 9:23 আৰা চাংবা ক্রুশ পায়মৗন ইনি জিখৗম ফৗইচা, উম্রা ইনি শিষ্য সায় মাঞ্চা। 28আতাঙা দালান নৗগৌ বানায় গৗমৗন ইচ্ছা সায়ৰৗন, অৗগচাক আম্বাকৗইমৗন আপ্রোকৗন খৰচনি হিচাব গাসায়চা পাঞ্চা দুকসুন নামি ননোঙায় চাংবা তৱা নাতুং? 29নৗগৌ ধাপসৗন চঙায়মৗন যুদি উম্রা দুসুন মাঞ্চা, উগুৰৗন মাৰাবদো বেবাকৗন চৗইমৗন উৱো মিনগিচিনা। 30আৰা ব্রাঙা, ‘ই মাৰাবা নৗগৌ চংমৗন দুকসুন মাঞ্চৌ।’ 31এবা চাং ৰাজাৱা আতাং ৰাজামৗন যুদ্ধ গাসায় গৗমৗন লৗইঙি অৗগচাক আম্বাকৗইমৗন শুংশুংচানা যে, নিংছি হাজাৰ সিপায় লায়মৗন ফৗইতোঙিমৗন, উম্রা সাছি হাজাৰ সিপায়মৗন উনি কৗতৗইঙা আগায় মান্না না মাঞ্চানা? 32যুদি মাঞ্চা উগুৰৗন শুতুৰদো পিজানায় তয়তোঙায়ৗন উম্রা দূত দিমসেতৗইমৗন মিলৗই গৗমৗন সৗঙা। 33উনান গৗমৗন ননোঙি মাজাৰায় চাংবা অৗপিনি বেবাকন বাকায়চা, উম্রা ইনি শিষ্য সায় মাঞ্চা।
গুণ তংচা সৗম
(মথি ৫:১৩; মার্ক ৯:৫০)
34 “সৗম পেনেম, নাত্নে উ সৗমনি প্রামিয়ো লৗইৰৗন, উতুংমৗন প্রামি তাং মান্না? 35উৱো হাʼ এবা সাৰনি গৗমৗনবান দাতচা; মাৰাবদো উৱো বৗৰাংসে বাকায় লাৱা। যিনায় নৗতৗম গৗমৗন নাচৰ তৱা উম্রা নৗতৗমৗন!”
The Bible Society of India
© 2023, Used by permission. All rights reserved. More