লুক 12
12
যীশু চালাক আৰা লোভনি বিষিনায় তৗৰৗঙি
(মথি ১০:২৬,২৭)
1 #
মথি 16:6; মার্ক 8:15 উ সময় হাজাৰ হাজাৰ মাৰাবদো অৗগ্রৗম সায়মৗন সাকসানি পিৰায় সাকসা ক্রৗয়ৌ, উ সময় অৗগচাক যীশুৱা শিষ্যদো ব্রাকৌ, “ননোক ফৰীশীদোনি চালাকমৗন দপঙি হৗৰি পাতাং হুশিয়াৰ সায়। 2#মার্ক 4:22; লুক 8:17 নাত্নে যিয়ো পতকচানা উগুনা গাবাংমৗন তান্নি কুনু জিনিষ তংচা। 3উনান গৗমৗন ননোক আন্ধাৰায় যিয়ো ব্রাঙা, উৱো জিসিঙায় নানা, আৰা নৗগৌ পুমায় নাচৰ গাকসংমৗন যিয়ো ব্রাঙা, উৱো নুৰচাল পিৰায় পতকঙা।
চানা খিৰ নিগা
(মথি ১০:২৮-৩১)
4 “অৗ ইনি লৗগৗদো আং ননোকো ব্রাকাং, যি ম্রাদো কানো গাথাতনি জিখৗমায় হাসকেসান তাংমাঞ্চা, অনোঙা তাʼখিৰ। 5নাত্নে চানা খিৰ নিগা উৱো আং ননোঙা দুন লাওঙা: গাথাতনি জিখৗমায় নৰকৱাঙা বাকায়লাওং গৗমৗন যি ম্রানায় ক্ষমতা তৱা, উনা খিৰ, দৱা আং ননোঙা দুনতাং উনা খিৰ।
6 “মাংবৗঙা ঘৰচিকিয়ো পৗশি অৗংনিংনি ফালচা কনায়? আৰা উদো ঈশ্বৰ নৗকতোঙায় গসানান দাবান মাঞ্চা। 7ননোঙি দৗখৗমায়ঙি হৗৱৗৰদোবান লেকেনি সায়ৌ। তাʼখিৰ ননোক তৗক্রৗই ঘৰচিকিনি চৗইবা দাম নানাং।
স্বীকাৰ সায়ঙি আৰা বাকায়ঙি বিষিনায়
(মথি ১০:৩২,৩৩; ১২:৩২; ১০:১৯,২০)
8 “আৰা আং ননোকো ব্রাকাং, চাংবা মাৰাবদোনি মাজাৰায় আঙো স্বীকাৰ গাসায়া, মাৰাবনি স্বাৱা ঈশ্বৰনি দূতদোনি মাহাঙায় উৱো স্বীকাৰ গাসায়ঙা। 9নাত্নে চাংবা মাৰাবদোনি মাহাঙায় আঙো স্বীকাৰ গাসায়চা, ঈশ্বৰনি দূতদোনি মাহাঙায় উৱোবান স্বীকাৰ গাসায়চানা।
10 #
মথি 12:32; মার্ক 3:29 “আৰা চাংবা মাৰাবনি স্বানি আকেষায় উতুংবা ক্রৌ ব্রাকা, উম্রা মাফ মান্না; নাত্নে চাংবা পিতাৰ আত্মাৱো নিন্দা গাসায়া, উম্রা মাফ মাঞ্চানা।
11 #
মথি 10:19,20; মার্ক 13:11; লুক 21:14,15 “আৰা মাৰাবদো জেলা ননোকো আয়সান নগৱাঙা আৰা শাসন গাসায়ঙি আৰা তাংগামদোনি কৗতৗইঙা লালাঙা, উ সময় বিগিনা জবাব লাওঙা এবা উতুং ব্রাকঙা, উন গৗমৗন তাʼশুংশুং। 12আতাঙা উতুং নিগা উৱো পিতাৰ আত্মাৱৗন উ সময়ায় ননোঙা তৗৰৗং লাওঙা।”
মূর্খ ধনীনি ক্রৌ
13জিখৗমায় মাৰাবদোনি মাজাৰায়প্রিং সাকসা উৱো ব্রাকৌ, “অৗ গুৰু, ইনি আৱানি সম্পতি ফানি গৗমৗন ইনি ভৗইনা দুনলাও।”
14নাত্নে উম্রা ব্রাকৌ, “অৗ মাৰাব ননোঙি মাজাৰায় বিচাৰ গাসায়ঙি এবা ফায়লাওঙি গৗমৗন চাং আঙো বাসায়বিয়া?” 15জিখৗমায় উম্রা অনোকো ব্রাকৌ, “হুশিয়াৰ বেবাক লোভৱায়প্রিং আপো সামলায়মৗন লা, আতাঙা জৗব্লৗপৗইমৗন পাং বেনেন মাৰাবনি সম্পতিয়ায় উনি চৗল্পাকৱা তংচা।”
16আৰা উম্রা অনোকো গসা তিমলৗইলাওঙি ব্রাকৌ, “সাকসা ধনী মাৰাবনি হাৱায় তৗক্রৗই আবাদ সায়ৌ। 17উম্প্রিং উম্রা মনায় শুংশুংমৗন ব্রাকৌ, ‘আং উতুং তাঙা? ইনি আবাদ তান গৗমৗন হাদাম তংচৌ।ʼ 18জিখৗমায় উম্রা ব্রাকৌ, ‘আং ইগিনা তাঙা, ইনি মায় চাসাংদো দৗবৗইমৗন গদ-গদা হাম্মা, উম্প্রিং উবায় ইনি বেবাক আবাদদো তান্না। 19আৰা ইনি চৗল্পাকৱো ব্রাঙা, চৗল্পাক তৗক্রৗই বৗসৗৰান গৗমৗন নৗনা তৗক্রৗই জিনিষ ৰুবুঙি সায়ৌ; নেন্তাক, স্বাহ, নৗঙ আৰা খুসীমান।ʼ 20নাত্নে ঈশ্বৰ উৱো ব্রাকৌ, ‘অৗ জাম্বা, তিনিং ফাৰায়ৗন নিনি চৗল্পাকৱো নিনায়প্রিং লান সায়ঙা, উগুৰৗন নৗং ই ৰুবুংতানিয়ো চানি সায়ঙা?’ ”
21উম্প্রিং যীশু বুসুনায় ব্রাকৌ, “চাংবা ঈশ্বৰনি গৗমৗন ধন ৰুবুংচৗইমৗন অৗপিনি গৗমৗন ধন ৰুবুঙা, উম্রা ইগিনা সায়ঙা।”
ঈশ্বৰনায় বিশ্বাস গাসায়
(মথি ৬:২৫-৩৪)
22জিখৗমায় উম্রা নগোমি শিষ্যদো ব্রাকৌ, “উনান গৗমৗন আং ননোকো ব্রাকাং, উতুং স্বাহনা ব্রাকৗইমৗন চৗল্পাকনি গৗমৗন এবা উতুং কান্না ব্রাকৗইমৗন কাননি গৗমৗন তাʼশুংশুং। 23আতাঙা স্বাহনি নৗঙি চৗইবা চৗল্পাক আৰা কান্নি চুন্নি চৗইবা কানা গদা। 24কাউৰাদো শুংশুংমৗন চৗই, অনোক কায়বান কায়চা; হানবান হানচা, অনোঙায় ভাণ্ডাৰ এবা চাসাং তংচা। তেওবেনেন ঈশ্বৰ অনোং গৗমৗন স্বাহনি আহাৰ লাওমৗন পাঙা। 25ননোক তৌদোনি চৗইবা বৗদৗই দাম নানাং। আৰা ননোঙি মাজাৰায় চাংবা শুংশুংমৗন অৗপিনি ৰঞ্জতৱো মুকসা দাব্রায় মানা? 26উনান গৗমৗন ননোক খৗব পৗমৗৰ কৗমন যুদি তৗৰৗই মাঞ্চাৰৗন আতাং বিষিনায় আতাঙা শুংশুঙা? 27#১ ৰাজা 10:4-7; ২ বংশ 9:3-6 আৰা পাথাৰায়ঙি কনাৰি ফুল বিগিনা বাঢ়ায়া উৱো শুংশুংমৗন চৗই, উদো কৗমবান তৗৰৗইচা, হৗন্তৗংবান পাঞ্চা, তেওবেনেন আং ননোকো ব্রাকাং, শলোমন উনি বেবাক সম্পতিমৗনবান উদোনি গসা গানান চৗইতৌঙি তংচা। 28উনান গৗমৗন পাথাৰায়ঙি সামফাঙা তিনিং তৱা আৰা গানাপোন ফংকৰায় সৌলাওঙি সায়া, উৱোন যুদি ঈশ্বৰা ইগিনা চৗইতৌতিনা, উগুৰৗন অৗ বিশ্বাস আপৗইসৗন বাৰা, ননোকো বিপাংকায় চৗইতৌতিন্না।
29 “উনান গৗমৗন ননোক উতুং স্বাহনা, উতুং নৗঙা ব্রাকৗইমৗন তাʼশুংশুং আৰা তাʼচিন্তৗই; 30আতাঙা জগতৱায়ঙি জৗতিদো ই বেবাকন শুংশুঙা; নাত্নে ননোঙি স্বৗর্গায় তয়তোঙি আৱা ই বেবাকন ননোঙা নিগা ব্রাকৗইমৗন দাসমানা। 31উন চৗইবা ননোক উনি ৰাজ্য লাম, উগুৰৗন ইদোবান ননোঙা লাও সায়ঙা।
স্বৗর্গায় ধন ৰুঙি
(মথি ৬:১৯-২১)
32 “অৗ পৗমৗৰসা পুৰুন পাল, তাʼখিৰ, আতাঙা ননোঙা ৰাজ্য লাওঙি গৗমৗন ননোঙি আৱা যুগুত সায়ৌ। 33ননোঙায় যা তৱা, ফালমৗন দান লাও, ননোঙি গৗমৗন ইগিনা মনদুকীৰ বানায়, যিয়ো ত্রাকৗইমৗন লৗইচানা, যিবায় চোৰবান চোৰমাঞ্চা, চংবান নষ্ট গাসায়চা, ইগিনা স্বৗর্গায় অৗপিনি গৗমৗন ধন ৰুবুং। 34আতাঙা যিবায় ননোঙি ধন, উবায় ননোঙি মনবান পাংঙা।
বিসিংমৗন তোঙি
35 #
মথি 25:1-13
“ননোক সৗঙ হায়মৗন বৗতি দাপাকৗইমৗন তং; 36#মার্ক 13:34-36 আৰা ননোক বিয়ৌৱায়ঙি খাওৱানায়প্রিং অনোঙি গিৰা বিবা বালৗইমৗন ফৗইঙা, উৱো সামায়মৗন পাঙি ম্রাদো গানা সায়, যাতে উম্রা ফৗইমৗন নুগ্দুৰ টোক টোকাৰৗন উন গৗমৗন নাকাব দাওলাও মানা। 37গিৰা ফৗইমৗন যি চৗকিৰদো বিসিংমৗন পাঙি নৗকা, অনোক সাবাস! আং ননোকো খৗন্তৗকৗন ব্রাকাং, উম্রা সৗঙ হায়মৗন খাওৱানায় আম্বাকতিনমৗন আৰা কৗতৗইঙা ফৗইমৗন পতায়ঙা। 38যুদি লাবনিং এবা লাবথাম কায় ফৗইমৗন উগুনা নৗকফৗয়া অনোক সাবাস। 39#মথি 24:43,44 ইয়ো নাং দাসমানা যে, চোৰা বি সময় ফৗইঙা উৱো গিৰা দাসমানৰৗন বিসিংমৗন তয়মৗন, অৗপিনি নৗগৌ হাকাৰ হতনা গৗমৗন লাওচা। 40ননোকবান বিসিংমৗন পাং; আতাংঙা যি সময় ননোক শুংশুংচানা, উ সময়ৗন মাৰাবনি স্বাৱা ফৗইঙা।”
বিশ্বাসী এবা বিশ্বাস তংচা চৗকিৰ
(মথি ২৪:৪৫-৫১)
41উম্প্রিং পিতৰ ব্রাকৌ, “অৗ প্রভু নিং গৗমৗনসৗন না বেবাং গৗমৗন ই তিমলৗইঙি নৗং ব্রাকৌ?”
42প্রভু ব্রাকৌ, “উ বিশ্বাসী নৗগৌ তাংগাম আৰা বুদ্ধিনাং মাৰাব চাং? যি মাৰাবো উনি গিৰা অৗপিনি মাৰাবদোনি পিৰায় বাসায়া, যাতে উম্রা অনোঙা ঠিক সময়ায় স্বাহনি লাৱা। 43উ চৗকিৰা সাবাস, যি মাৰাবো উনি গিৰা, ফৗইমৗন উগুনা তৗৰৗইঙি নৗকা! 44আং ননোকো খৗন্তৗকৗন ব্রাকাং, উম্রা উৱো বেবাঙিন পিৰায় তাংগাম বানায়ঙা। 45নাত্নে উ চৗকিৰা যুদি মনায় ব্রাকা, ইনি গিৰা ফৗই গৗমৗন বৗলৌঙা, উম্প্রিং উম্রা চৗকিৰ বৗকিৰদো তকৗইমৗন পাঙা স্বাহনি নৗঙায় নাৰামমৗন পাঙা; 46যি সময়ায় উম্রা নৗইমৗন পাঙি শুংশুংচানা, আৰা যি সময়ায় উম্রা দাসমাঞ্চা, উ সময়ৗন উ চৗকিৰনি গিৰা ফৗইঙা, আৰা উৱো তুক্রাক অৗংনিং তাকৗইমৗন বিশ্বাস তংচা মাৰাবদোমৗন উম্রা ভৗগৗ মাসানা।
47 “আৰা যি চৗকিৰা প্রভুন ইচ্ছা দাসমান বেনেন তৗয়াৰ সায়চান আৰা উনি ইচ্ছা গানা কৗম তৗৰৗইচান, উম্রা খৗব তক মাসানা। 48নাত্নে যি মাৰাবা দাসমাঞ্চায়মৗন তক মাসানি কৗম তৗৰৗয়া, উম্রা আপৗইসাসৗন তক মাসানা। আৰা যি মাৰাবনায় তৗক্রৗই লাওঙি সায়তানা, উনায়প্রিং তৗক্রৗই লাম্মি সায়ঙা, আৰা যি মাৰাবনা ম্রাদো তৗক্রৗই গৗথৗই লাওতানা, উনায়প্রিং তৗক্রৗই পিনি সায়ঙা।
কদেঙি বিষিনায়
(মথি ১০:৩৪-৩৬)
49 “আং বাসমাতায় বাৰ গাজালাক্লাও গৗমৗন ফৗইতানা, উৱো যুদি তিয়ৗন পাকাৰৗন বিগিনা সায়মৗন! 50#মার্ক 10:38নাত্নে আং গসা বাপ্তিষ্মৱায় বাপ্তিষ্ম মান নিগা, উৱো সায়চা লাগেত আং বিপাংকায় দুঃখ মান নিগিনি সায়ঙা। 51আং বাসমাতায় শান্তি লাও গৗমৗন ফৗইতানা ব্রাকমৗন ননোক শুংশুংতা নাতুং? আং ব্রাকাং উগুনা দংচা, নাত্নে কদেকতিন গৗমৗনসে ফৗইতানা। 52আতাঙা তিনিংপ্রিং গসা নৗগৌৱায়য়ৗন মিকবৗঙা জৰায় সায়ঙা, মিকথামা মৗংনিংনি আকেষায় আৰা মৗংনিঙা মিকথামনি আকেষায় সায়ঙা। 53#মীখা 7:6 আৱা স্বানি আকেষায়, আৰা স্বাবৗন্তৗইয়া আৱানি আকেষায়, আমায়বাৰজু স্বামিচিকনি আকেষায় আৰা স্বামিচিকজু আমায়নি আকেষায় সায়ঙা; নৗইজু নামসানি আকেষায়, আৰা নামসাজু নৗইনি আকেষায় জৰায় সায়ঙা।”
সময় দাসমান্নি
(মথি ১৬:২,৩)
54আৰা উম্রা ম্রাদো ব্রাকৌ, “ননোক জেলা ৰাসানদু পাতাং ৰৗম্বু দাগাল সায়ঙি নৗকা, ৰাং দাতনা ব্রাকা আৰা উগুনান সায়া। 55আৰা জেলা চাৰেক পাতাং নাম্পাৰ জেপা, উগুৰৗন খৗব ৰাসান তুঙা ব্রাকা, আৰা উগুনান সায়া। 56অৗ চালাকনাংবাৰা, ননোক বাসমাতায়ঙি আৰা স্বৗর্গায়ঙি সময় ফায়মৗন চৗই কাপা, নাত্নে ই সময়ো আতাঙা ফায়মৗন চৗই কাপচা?
ঠিক মতো বিচাৰ গাসায়ঙি
(মথি ৫:২৫,২৬)
57 “খৗন্তৗক বিয়ো আতাঙা আপ্রোং গৗমৗন বিচাৰ গাসায় কাপচা? 58উনান গৗমৗন মুগ্দৗইমৗন বিচাৰ গাসায় মাৰাবনাঙা লৗইতোঙায়ৗন, লামায় উবায়প্রিং জকঙি গৗমৗন শুংশুং; উগুনা দংচাৰৗন উম্রা নৗঙো বিচাৰ গাসায়ঙি মাৰাব নাঙা বৗল্লৗং বৗতৗইমৗন লালাঙা; উম্প্রিং দাৰগাৱা নৗঙো জেলায় চৗকৗইমৗন তান্না। 59আং ননোকো ব্রাকাং, পৗশি পিসাক গসনান গসতমাঞ্চা লাগেত, নৗং উবায়প্রিং পতক মাঞ্চানা।”
The Bible Society of India
© 2023, Used by permission. All rights reserved. More