Mattĕo 8

Bija Akaĺaki Dèbwè

(Mărko 1.40-45; Lŭka 5.12-16)

1B́ĕ Jezŭ gela khòlò̆kă nu, bija aboahò lôkôgè Ze le. 2Kîd́ò̆ tcabò̄ bija akaĺaki dèbwè le kî gò̄la thèb́è̆hta lōwa kî d́ò Cè, “B́ĭcè, Na tha kò ò ma d́ō, Nè mèwî za tèpwè jè,” cò d́òdo.

3Jezŭ wehta acukhò, Cò tòwè̄ lōwa alò kî cò d́ò, “Ja tha ò hŏ, wîhtage dakha.” Kîd́ò̆ taplakhă lò zi wîhtage gè. 4Mèhwă Jezŭ d́ò cè, “Hmăibò̄, d́ò̆sa ḿè bija dèbwè̆ ḿè, barasă le d́è̆lî̄ ne ne phŭgi, kî ibò̄ dèhlu htè Mŏzè hmèlagè, cab́ô̆htè akî ḿîbò̄ nî wîhtage athè̆thî d́ŏ cè tòcò anikhĭ nu.”

Klĭbodo Azôpho Dèbwè

(Lŭka 7.1-10)

5B́ĕ Jezŭ lenī hwă Kapèrnaum u bu nu, Rŏma aklĭbodo dèbwè lehtî Cè, za dakhòwè lōwa kî cò d́ò, 6“B́ĭcè, jô zôpho dèbwè gò̄laò hibu, cu cuthĭkhathĭ kî aeawè̄sô cè.”

7Kîd́ò̆ Jezŭ d́ò cè, “Je gē le mèhmage cè.”

8Ḿî klĭbodo d́òge Cè, “B́ĭcè, ja da ta mè Ne gē lenī ji hikholè̄ ńò, barasă d́òhtabò̄ Ne lē dôhmô̆ lò kî jô zôpho gā hmage tèpwè. 9Manè̄, ji ḿî bija aò dècô̆thèlè̆ akălè̄ dèbwèbwè, kî klĭpho aò ja kălè̄ ò, kî, ‘Le d́ŏnu,’ jò d́ò dèbwè d́ō, ze le tèpwè. Alewe dèbwè ‘Le b́ĕjo,’ d́ō, ze le tèpwè. Kî jò d́ò jô zô jè bwè ‘Mèdè gōjo,’ d́ō, zè mè tèpwè.”

10Jezŭ thîhè̆b́è dèjî̄b́è ajo d́ō, Zè htèdômô̄dahmăgè kî cò d́ògè alekô Ze le tòcò, “Jò d́ò̆sa thĭ adî̄ahma, Ja ta pani dèb́u ado pwĕ gōjo d́ŏ Israè̆lpho tòcò aklè̆ nu ńò, 11Kîd́ò̆ Jò d́ò̆sa thĭ htè d́ŏ lumuhta nu kî d́ŏ lumula nu bija òèòò gē lekò̆ kî gā sańăplokò̆ Abraham, kî Izăko, kî Jăkòb d́ŏ Mò̄kho Ahtĭage abu acud́èkho akhahtî nu. 12Barasă htĭge aphoali tòcò kè̄ b́è hnahèhtakò̆ d́ŏ akhlŏ dèkhiklè̆ nu. D́ŏnu dèjodèha, dè edithô̆edithè̆ kò òkò̆.” 13Mèhwă Jezŭ d́ò klî̆bodo, “Ge d́ò̆è, kî dè gŏmi kî ḿî d́ò̆è ni nikhĭ acab́ô̆ nu b́ugè nu.”

Kîd́ò̆ anu dèthèrè lò, zô zôpho hmagegè.

Petru Amubwē

(Mărko 1.29-34; Lŭka 4.38-41)

14B́ĕ Jezŭ dole Petru ahibu nu, Ca tcahtî lōwa amubwē gò̄laò ascwihta cè. 15Kîd́ò̆ Cò tòwè̄ lōwa acukhò lò, kî ascwi cè hlè̆mè̄ danāgè kî zè wè̄hto mèò̆mèa ni tèpwègè lōwa tòcò.

Dèbòdèba Alewe Tòcò

16B́ĕ lumula nu, bija lei Cò ò bija Ahnèò òè̆bwè, d́ō Za hna hèhtaphlòḿĭ tèpwè dèhnè tòcò kî Zè dèjî̄b́è dôhmô̆, kîd́ò̆ ascwi tòcò nu, Zè mèhmage lŏ tepwè lōwa. 17Acab́ô̆ Prò̆fèt Izaĭah d́òdòlògè nu, apĕhtazòhtagè htè cò d́ò, “Zî phîkè̆ wi scwi wè sè̆ kî Ci b́iizāigè wè dèhtodèba nu.”

Dèkhassègnè̆ D́ŏ Dèlôkô Jezŭ Ale

(Lŭka 9.57-62)

18Jezŭ tcahtî bija aboahò ò khwè̆b́agè Cè d́ō, Za hnagè Zo bōhmubicè tòcò gē gewè pèllè alewe dòkhò̆wō. 19B́ĕnu Skrĭbāpho dèbwè lehtî cè kî cò d́ò, “Sara, ne le d́òlè̄ arră nu je gē lekô tèpwè na kă.”

20Barasă Jezŭ d́ò cè, “Htwimi tòcò abu ò; htŏpho tòcò abi ò; barasă Bija Apho gō bò̄lai ako ale tò ò ńò.”

21Zo bōhmubicè alewe dèbwè d́ò Cè, “B́ĭcè, i Mò̄kô je ge b́ŭlă ŭsu ja pa tîkî.”

22Barasă Jezŭ d́ò cè, “Lekôbò̄ Je le; athĭ tòcò kū b́ŭlă dò̆ d́ò̆è alū.”

Gīllimob́ĭ D́ŏ Hnòkho

(Mărko 4.35-41; Lŭka 8.22-25)

23Jezŭ khè̆htanī khlĭbu d́ō Zo bōhmubicè tòcò lenīkôgè Ca kă. 24Kîd́ò̆ tcabò̄, gīllimob́ĭ a sô̆ dobōhtagè pèllèbu pwĕ acab́ô̆ htĭblîhtanīgè khlĭ abu nu. Ḿî Cè nu Zò sòḿĭthebĕgè. 25Zo bōhmubicè tòcò leb́ôhtî Cè, zo htowè̄ lōwa kî d́ò, “B́ĭcè, mèhlô̆htabò̄ wa tîkî, wi gī thĭ b́è be lò!”

26Jezŭ d́ò cè tòcò, “Thĭ scisă manè̄? Ŏ bija adèb́u scipho tòcò?” Mèhwă Zò sò̆hto, Zò hò̆gè gīllimob́ĭ kî pèllè d́ō, pwè, Gīlli kî pèllè òzògè do.

27Mègōnu d́ō, bija tòcò htèdômô̄dahmăgè kî cò dò, “Ajo dèbwè ḿî bija danè̄? Gīllimob́ĭ kî pèllè hnò̆nu ma sòkhĕńegè Ze lē!”

Dèhnahèphlòmĭ Dèhnè d́ŏ Gerăsa

(Mărko 5.1-20; Lŭka 8.26-39)

28Kîd́ò̆ b́ĕ Zo dole pèllèwe alewe dòkhòwō htè Gedasènpho alākhobu nu, bija ahnèò gībwè hèhta lūkho abu kî ze lescĭ lōwa aklè, zu khŭ zè hè̆gè pwĕ acab́ô̆ bija dèbwè̆ dè hèkô b́u klè anu tòb́ò̆ ńò nu. 29Kîd́ò̆, tcabò̄, za haphu kî cò d́ò, “Nè kî wa b́èkjahlè lōwa danè̄? Ŏ Jezŭ, Kib́ĭcè Apho? Amunimuthè̆ dukhlŭ b́è hnî̆ńò nu, Ne le mèssèngè̆gè wa ā?”

30Tò òjîkî cè tòcò ńò, htò òèòò dobo a asè. 31Kîd́ò̆ dèhnè tòcò dakhòwè cè, ad́ò, “Na gā hna hèhta wa b́ĕjo d́ō, hna lenībò̄ wa htò aboahò aklè̆ tîkî.”

32Cò d́ò lōwa tòcò, “Le d́o.” Zè hèhta kîd́ò̆ lenī htò ahîklè̆. Kîd́ò̆, tcabò̄, htò thèd́è̆bo cwèladēnī ane khò̆tăpla lò d́ŏ pèllèbu nu, kî alaothĭ lŏ tèpwègè htĭ.

33Atcai htò tòcò sè gegè kîd́ò̆ zo donī u bu d́ō, cò d́ò̆sa lŏ dèphî̆htagè tòcò nu kî bija ahnèò dèbwè nu awîakè̆kè̆. 34Kîd́ò̆, tcabò̄, bija aò u bu gŏ abwè hèhta kî lescĭ Jezŭ, kîd́ò̆ b́ĕ za tcahtî lōwa nu, za damògè lōwa cab́ô̆htè Zè gè̄ hèhtaphlòḿĭbò̄ lōwa alākhobu nu.

目前選定：

Mattĕo 8: GRNT21

醒目顯示

複製

想在你所有裝置上儲存你的醒目顯示？註冊帳戶或登入

了解更多Geba Roman New Testament的詳情

Mattĕo 8

熱門經文出自
Mattĕo 8

聖經:

Karen, Geba

譯本: Geba Roman New Testament - GRNT21

Mattĕo 8

Mattĕo 8

熱門經文出自 Mattĕo 8

聖經:

Karen, Geba

譯本: Geba Roman New Testament - GRNT21

Mattĕo 8

熱門經文出自
Mattĕo 8