Génesis 36
36
Esauri sïrukua
1Íksï jintesti Esau o enka ísï mitanhapka eska Edomiri sïrukua. 2Esau Kanaani anapu tempechani úaspti: Ada, Eloni uáp'ani nanakani enka jitita anapuepka, Ajolibama, Ana uáp'a nanakani enka Sibóni uáp'epka jitita anapu. 3Ka Basemati, Ismaeli uáp'a nanaka ka Nebaioti pirenchi jempani. 4Esauli, Adani tempuspti ka Elifasini kámaspti, ka Basemati jinkuni kámapka Reueli jakankurhitaspti. 5Ajolibama, Jeusi, Jaalami ka Koreni kámaspti enka Esau jinkuni káapka enkaksï Kanaani irekani jápka.
6Esauli tempaechani, uáp'a nanaka ka tatakechani, ka iámentu enkaksï chéni jémpo ánchekorhempka, manakorherichani ka iámentu ampe enka xáni Kanaani jatsikorhekua tánakorhepka móskuaspti máteru echerirhu, ka erachi jempa Jakobini jarharespti. 7Nóteruksï úsïremptia márku jarhani irekani jimpo jatsikorhekua echeri ka manakorherichaksï uánesptia ka nóteruksï jatanhesïremptia, 8jimposï Esau, Seiri juátarhu nípti irekani. Esauli o enka Edomi ísï mítenhapka.
9Íksï Esau sïrukuespti, Edomitecheri sïrukua enkaksï Seiri juátarhu irekapka. 10Íksï Esau uáp'echespti: Elifasi, Adami uáp'a enka Esau témpepka, Reueli uáp'a enka Esau témpepka. 11Elifasi uáp'echa, Temani, Omari, Sefo, Gatani, ka Senasi. 12Timna, Elifasiri témpa jémpespti Esau uáp'a, ka Amalekini kámaspti. Íksï Adani uáp'echespti ima enka Esau témpepka. 13Reueli uáp'echaksï, Najati, Séraji, Sama ka Misaespti, íksï Basemati uáp'echespti enka Esau témpepka. 14Tatakecha enka Ajolibama káapka Esau jinkuni ima enka Ana uáp'a nanakepka enka Siboni uáp'epka ísptiksï: Jeúsi, Jalani ka Kore, Esau uáp'echa.
15Juramuticha enkaksï Esau sïrukuani juramukuapka, Elifasi uáp'echa, Esau uáp'a k'éri, juramutichaksï íspti Temani, Omari, Sefo ka Senasi. 16Kore, Gatani ka Amaleki íksï jintespti Elifasiri juramutini Edomi echeri, íksï Ada uáp'espti. 17Ka íksï Reueli uáp'echespti, Esau uáp'a, juramuticha Najati, Seraji, Sama ka Misa, íksï Reueli sïrukua jémpecha juramutispti Edomi echeri, íksï Basemati sïrukuespti enka Esau témpepka. 18Ojolibama uáp'echaksï enkaksï juramutipka ima enka Esau témpepka ka Ana uáp'a nanakeni, ísptiksï: Jeúsi, Jalani, ka Kore. 19Íksï iámentu juramutichespti Esau uáp'echa, o enka támu ísï mítenhapka eska Edomi.
20Íksï Seiri uá'pechespti enka jorita sïrukuepka, enkaksï jima irekapka: Lotani, Sobali, Sibeoni ka Ana. 21Disóni, Eseri ka Disani, joritecheri juramutichesptiksï Edomi echeri. 22Lotani uáp'echaksï Jori, Jemanisptiksï ka Timna enka Lotaniri pirenchipka. 23Sobali uáp'echa Albani, Manajati, Ebali, Sefo ka Onamispti. 24Siboni uáp'echa, Aia ka Anaespti. Ana imespti enka ítsï exentapka jima enka no nema irekapka jimak'ani enka táte jempani ch'anchaki erankunkuani jamani jápka. 25Ana uáp'echa, Disoni ka Ojolibamaespti, Ana uáp'a nanaka. 26Disoni uáp'echaksï, Jemdani, Esbani, Itrani ka Keranispti. 27Eseri uáp'echaksï Bilani, Saabani ka Akanispti. 28Disani uáp'echaksï Usi ka Aranispti.
29Íksï joreucheri juramutichespti, Lotani, Sobali, Siboni ka Ana, 30Disóni, Eseri ka Disani. Íksï intespti juramutini joritecheri, Seíri echeri, jatsikorhesptiksï nani juramuni.
31Juramuticha enkaksï irechepka Edomi echeri, úrhetku enkaksï Israeli uáp'echa nótki jatsiuempka irechechani, ísptiksï: 32Bela, Beori uáp'a Edomi irecha, ka k'éri ireta Dinaba. 33Enka Bela uarhipka, Jobabi, Seraji uáp'a niáraspti irecheni ima enka Bosra anapuepka. 34Enka Jobabi uarhispka Jusani niaraspti irecheni Temani echeri. 35Enka Jusani uarhispka, Jadadi, Bedadi uáp'a niáraspti irecheni ima enka Madiani antapka uarhipeni Moabi echeri, k'éri ireta Abita jakankurhispti. 36Enka Jadadi uarhispti, Samla, Masreca anapu irechespti. 37Enka Salma uarhispka, Sauli juramuspti Rejoboti, Éufrates iurhekua uánamukutini. 38Enka Sauli uarhipka, Baala Janani, Akbori uáp'a niáraspti juramuni. 39Enka Baali Janani, Akbori uáp'a uarhipka, Jadadi juramuspti k'éri ireta Pau, imeri tempa Mejitabeli jakankurhisïrempti, Metredi uáp'a nanaka, Mesabi uáp'a nanaka.
40Íksï jintesti juramuticha Esau sïrukuecha, nani enkaksï juramupka ka nénaksï jakankurhisïrempki: Timna, Alba, Jeteti, 41Ojolibama, Elá, Pinoni. 42Senasi, Temani ka Mibsari, 43Magdieli ka Irami íksï Edomi juramuspti, nani enkaksï irekani jápka. Edomi, Esauespti enka edomiecheri táte jémpepka.
Biblia en P´urhépecha, Michoacán, México © Sociedad Bíblica de México, A.C.