Genesis 6
6
Onanara murima wa athu
1 #
Yob 1.6; 2.1 Mvo athu yaambilliiwa woonjerereya va ellapo yavatthi nave mvo anamwalli yayariwiiwa, 2anamwani aallopwana a Mulluku#6.2 anamwani…Mulluku: apaalle ddookumi ddooddullu apaalle anamwani aallopwana a milluku. yahoona wi anamwalli a athwaayo yaari ooreera, sika yahaamba waatthella ayo yaakondilliiwa. 3Sika Apwiya yaallota wi, “Ngiwa kaakhullella wi muthu akhalleke ni okumi woohimalla vawi tti mwiilli wookhwa. Waambeella ollello okumaaye onaakomelleke miyakha 120.” 4#Num 13.33Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle.#6.4 anamwani…Mullukwaalle: apaalle ddookumi ddooddullu apaalle anamwani aallopwana a milluku. Alliwaalla yaari anamwani oodduwelliwa navettho athu oovuwa va mallapo akhallaayo.
5 #
Mat 24.37; Luk 17.26; 1 Pet 3.20 Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara, 6yaamoriwa ethakaraka wi yahaaphatusa athu ni waahiya va ellapo yavatthi. Vawi murima wahaavoreya wunchichi, 7vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.” 8Koma Nowa aheerelliwa echifundo ni Apwiya.
Epilli ya Nowa
9 #
2 Pet 2.5
Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku. 10Aari ni anamwani aallopwana araru, Shemu, Hamu ni Yafeti. 11Koma athu attheene a ellapo yavatthi yaari a echiwawa vamiitthoni va Mulluku nave ochimwa wiwa waari virive veko. 12Mulluku awehille ellapo yavatthi ahoona wi tti yoonanara, ekaamba yawi athu attheene yaari oonanara wunchichi.
13Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa. 14Omake echombo ni matabwa a muteekho wa nnjalle. Okawe ezipinda muwarimmo nave oyimare ni onyoma otte ni muwari mwene. 15Orekama wa echombweeyo okhalle mamita 140. Okhuveya okhalle mamita 23 nave oya muddullu okhalle mamita 13 ni hafu. 16Omake epattho#6.16 epattho: apaalle niwindo. ya echombweeyo nave ohiye mpata wa masentimita 50 variyari va epatthweeyo ni mukhwipi mwiwa. Oyimake mootthinddaanyera, ekhalle ya enyumba ddiraru nave mukhwipi mwene mukhalle nchiwi. 17Kineeromurupiha murimu a echigumula va ellapo yavatthi wi oononge erive ello yookumi. Ddeko ddittheddene dda va ellapo yavatthi ddineerokhwa, 18koma kineerokeraatthiha echipangano ni weyaano. Ovollowe muchomboni weyaano ni mwaariyo owaakattho anaawo ni awariwa. 19Nave ovollochihe mu echombweeyo enama dda orive mutundu, nankhoro ni yaamutthiyana wi ddisungiwe ni okumi. 20Epallame ni enama dduullupalli ni ddawaapadda dda mitundu ddoohiyanahiyana, ddivollowe muchomboni wi ddisungiwe ni okumi. 21Okusettho ddoocha ddoohiyanahiyana wi nyuwaano ni enamannddo mwacheke.” 22#Ahe 11.7Sika Nowa aheera moollikana ni mmo Mulluku amulamulelleeye.
The Bible in Elhomwe © The Bible Society of Malawi, 2019.