E’doza 7
7
Yi tiza ambori
1 #
Zab 91:1-10; Ebra 11:7; 1 Pet 3:20; 2 Pet 2:5, 9; E’do 6:9; Zab 33:18, 19 Yehova nga ’yo Noa ma tia, Mi emu mi’i ’ba mi vile joa ’diyi be dria, emi fi maburua, mani mi ndrele kililiru ma milia a’bianzi ’diyi ma eseliarisi. 2#Lev 11:1-31Mi ma o’du mi be anyapa alaru ’diyi aziri aziri, ago piyi aroni be; te anyapa alaru ku ’diyi iri iri, ago piyi aroni be; 3mi ’du aria ’bua ’diyi indi aziri aziri, ago piyi aroni be, ori ta mbazu idriru wudrikuru dria ma dria. 4#Yob 22:16; 2 Pet 2:5Te ace nga o’du aziri, mani ngazu ozoo fezu ’dizu nyakua o’du kali su etusi inisi dria; ma nga afa idri be mani o’bale ’diyi ma dri ja dria nyaku ma driarisi. 5#E’do 6:22; Zab 119:6Noa nga di ’ye tro tro ekile e’yo dria Yehovani azile eri ma tiarile.
6Noa ma elini caria turu azia ’boria yi tiza nga eca nyaku ma dria ra. 7#Mat 24:38-39; Luk 17:27; Ebra 6:18Noa nga di fi maburua eri’i anzi erini pie, oku erini pie, anzi ma okupiyi be, yi tiza ma e’yosi. 8Anyapa alaru ’diyi piyi anyapa alaru ku ’diyi pie, aria pie, afa dria acipi aci valesi nyakua ’diyi pie, 9nga fi Noa vu maburu ma alia iri iri, ago pi aroni be, Munguni azile Noa ma tiarile. 10Te eri nga eca ’dini o’du aziri nde ’diyi ma vutia, yi tiza nga ovu nyaku ma dria.
11 #
2 Pet 3:6; E’do 8:2; O’be 8:28; Eze 20:19; Zab 78:23; Isa 24:18; Mal 3:10 Noa ma eli turu azia ma mba iriri ma mbao’du mudri drini azirisi, o’du nde ’dasi yi aliru amboru ma yi a’di dria nga ova okposi, ’bu ma derisa nga yi ozi mgboru. 12Ozoo ’di nyaku dria o’du kali su etusi inisi dria. 13O’du nde alu ’dasi Noa pi nga fi maburu ma alia, Semi pie, Hamu pie, Yafeti pie, yi anzi Noani, Noa vile okuri pie, anzi eri vile ’diyi ma okupiyi be dria; 14yi fi yi’i anyapa asea ’diyi pie dria esele yini vusi, anyapa akua ’diyi pie dria esele yini vusi, afa dria acipi aci valesi nyakua ’diyi pie esele yini vusi, aria dria pie esele yini vusi, ada aria ma esele dria dria. 15Afa rua be ovupi ava idrini be ’diyi dria nga fi dria Noa vu maburu ma alia iri 16#Zab 91:1-16; 17:8; 145:20; 1 Pet 1:5Afa dria rua be fipi ’diyi fi ago aroni be, Munguni e’yoni azile eri ma tiarile; Yehova nga di eri ma ti opi ci.
17Yi tiza ovu nyaku ma dria o’du kali su; yi nga ti ra, nga maburu enga uru, eri nga di ovu ’duzaru uru nyaku ma dria. 18#Zab 104:26Yi nde ti okposi aga ra, ti amboru nyaku ma dria; maburu nga di aci yi dria. 19#Zab 104:6Yi nde aga tu nyakua, a’bu oni izu izu ’bu dria ma etia ’diyi dria ma dri ci; 20yi nde aga kpere uru ca wuale mudri drini towi ’dipi, a’bu oni ambo ambo ’diyi ra. 21#E’do 6:13, 17; Yob 22:16; Mat 24:39; Luk 17:27; 2 Pet 3:6Afa rua be acipi nyakua ’diyi odra dria ra, aria piyi, anyapa akua ’diyi pie, anyapa asea ’diyi pie, afa dria acipi aci valesi nyaku ma dria ’diyi pie, ’ba pie dria dria; 22#E’do 2:7afa dria ava idrinirini ovuzu yi ma omvu talaa ci ovupi nyaku a’wiru ma dria ’diyi odra dria ra. 23#Eze 14:14; Mal 3:17, 18; Ebra 11:17; 1 Pet 3:20; 2 Pet 2:5Ja afa dria idriru ovupi nyaku ma dria ’diyi ma dri ra, ’ba piyi, anyapa pie, afa acipi aci valesi ’diyi pie, aria ’bua ’diyi pie; ja yi ma dri dria nyakuarisi ra. Ku kiri Noani a’dule, ’ba ovupi eri be maburu ma alia ’diyi be’i. 24#E’do 8:3, 4Yi nde ti okposi nyaku ma dria o’du turu alu drini kali towi.
Bible in Lugbara © United Bible Societies, 1966.