St. Luka 3
3
1Lone run wtyer-ko-wdyec na Tiberius Caesar beyn-did, ko Pontius Pilatus nom e pan Yudaea, ko Herodes beyn e Galilaea, ko Philippus uanmê-de beyn Ituraea ko pan Trachonitis, ko Lysias beyn Abilene, 2etong nim e tit Annas ko Kaiphas aci ben bei uet e Dén-did etong Yoannes, man e Zacharias ror-ic. 3Ko yen aci ben tede eben Yordan-yóu ko aci nyèc uák e long bi pyal e karác-ken; 4acit aci gor gor-ic uèl-ke Isayas ran e ting a luel: Kuoy e côl e yûic: Juirke kuèr e beyn; loyke alacok dôl-ke. 5Tût eben abi telîp, ko alel ko akut eben abi ray; ke a ngol-ic abi lacok, ko té-tyek abi a kuer lip; 6ko ring eben abi koyn e Dén-did ting.
7Ko yekan aci luel etong dut e koyc ci ben bei bi kêk uàk etong yen: Dyen e korōr, ye-nga aci uêk nyod, bak kat etong ghok (e Dén-did) bi ben? 8Ko yekan beike tau puat e long, ko dunke gal bak luel: Ghòg anong uâ-da Abraham; ké ghên a lek uêk, Dén-did yen a leu bi jot bey mîwt Abraham etong kurke. 9Ké yémanic yeb aci juir e mêy e tîm. Ko yekan, tim tok eben aci bi bei tau puat, abi tem ko abî cuat mac. 10Ko dut e koyc aci yen wtyèc ko aci luel: Ghôg abi ngu loy? 11Aci bêr ko aci lek kêk: Ke nong buong rou, bi yek ke cin buong; ko ke nong mîd, bi loy kele ya. 12Lone aci ben etong yen koyc Publikani ya ko aci lek yen: Beyn e nyic, ghôg abi ngu loy? 13Ko yen aci lek kêk: Dûne wtyèc kede auer etong ke cî tau etong uêk. 14Lone aci yen wtyèc ror e rèm ayá ko aci luel: Ghòg abi ngu loy ayá? Ko aci lek kêk: Dunke tât koyc ko dunke lom, ko myedke puou e ryop-dûn. 15Ko na koyc aci ngât ko aci tak e ke puot etong Yoannes ayin e yen Christus, 16Yoannes aci bêr ko aci lek kêk eben: Ghên a lak uêk e piu rabac; lone abi ben ke ʼuer ril e ghên, ko ghên aci bi joc bi dâk uat e uar-ke; yen abi uêk lak e uèy e Dén-did ko mac. 17Pûr e bòg e ye cyn; ko yen abi uec piñ ko abi kuet lôb e guk-de-ic, lone nyop aiyêl e mac ci bi dum atèr. 18Ayà kok acuec yen aci nyèc ko aci koyc uêt; 19Lone na yen aci Herodes beyn-e-nguan cil etong kene etong Herodias tin euanmê-de ko etong karác eben ci Herodes rek, 20(Herodes) aci lyeb etong kak eben ayá, ko aci Yoannes wtyòk ghun e rûk. 21Lone na koyc eben aci lak ko Yesus ayá acî lak, ko ci cor, wnyal aci rot lyeb-wtok, 22ko uêy e Dén-did e guop acit auér aci yid e Yesus nom, ko aci a kuoy etong wnyal: Yin man-dia ci wnyar; yen a dûr ghên. 23Ko na Yesus aci gol, yen acit run wtyer-dyak, yen acit koyc ngat, man Yoseph; kan man Heli; 24kan man e Matthat; kan man Levi; kan man Melchi; kan man Yanne; kan man Yoseph; 25kan man Matta-thias; kan man Amos; kan man Nahum; kan man Heli; kan man Ragge; 26kan man Mahat; kan man Mattathias; kan man Semei; kan man Yoseph; kan man Yuda; 27kan man Yoanan; kan man Resa; kan man Zorobabel; kan man Salathiel; kan man Neri; 28kan man Melchi; kan man Addi; kan man Kosam; kan man Elmadan; kan man Her; 29kan man Yesu; kan man Eliezer; kan man Mathat; kan man Levi; 30kan man Simeon; kan man Yuda; kan man Yoseph; kan man Yona; kan man Eliakim; 31kan man Melea; kan man Menna; kan man Mat-tatha; kan man Nathan; kan man David; 32kan man Yesse; kan man Obed; kan man Boz; kan man Salmon; kan man Naason; 33kan man Aminadab; kan man Aram; kan man Esron; kan man Phares; kan man Yuda; 34kan man Yakob; kan man Isaak; kan man Abraham; kan man Thare; kan man Nachor; 35kan man Sarug; kan man Ragau; kan man Phaleg; kan man Heber; kan man Sale; 36kan man Kainan; kan man Arphaxad; kan man Sem; kan man Noe; kan man Lamech; 37kan man Methusale; kan man Henoch; kan man Yared; kan man Malaleel; kan man Kainan; 38kan man Henos; kan man Seth; kan man Adam; kan etong Dén-did.
© British and Foreign Bible Society