PĚNDARIADI 4
4
I Kain dẹ̌duang Habel
1Bọu ene i Adam nẹ̌sěngkawadang dingangʼi Hawa kawinge, kụ piạ e kal᷊uwaenge wawine ene e. I sie něhěndingu sěngkatau rariọ esẹ kụ nẹ̌bera, ”Ual᷊ingu tul᷊umangu Mawu e tangu iạ nakahombang sěngkatau anạ esẹ.” Tangu nisěbạ e rariọ ene si Kain.#4:1: Kain: Areng ini su werang Ibrani mangal᷊ene ”nakaěbạ”. 2Mase i Hawa e něhěndingkon l᷊ai sěngkatau anạ esẹ arenge i Habel. I Habel kai nakoạ měngangahạ domba, arawe i Kain tangu nakoạ mělahěnsinuang. 3Piran tempo samuring ene, i Kain něngal᷊ạ e sěngkamonaěng bọu kaěng sasuange wọu e nisěmbane su Mawu. 4#Ibr. 11:4 Mase i Habel něngal᷊ạe anạ u domba kaiakanenge wọu tal᷊oarang manga dombane, pinotọe kụ nionggọ sasěmba kapiaěnge wọu kěbị sasěmba e waugu Mawu. Mawu e lụl᷊uasʼi Habel dingangu sasěmbane, 5kai tawe nanarimạ i Kain dingangu sasěmbane. I Kain limangehẹ̌ marasai, kụ měngkate sědung gatine. 6Tangu něhengetangke Mawu e si Kain, ”Unụe i kau e limangehẹ̌? Unụe ghatinu e měngkai sedung? 7Mạengu i kau e mẹ̌koạ mapia, nal᷊ahẹ u i kau e měngkai lụhěming;#4:7: Nal᷊ahẹ u i kau e měngkai lụhěming; arau nal᷊ahẹ u Iạ měnarimạ u sasěmbanu. kai mạengu i kau e mẹ̌koạ dal᷊ai e tangu rosa e kai mạhědo mědeạu sumuẹ̌ su ral᷊ungu naungu. Dosa e mẹ̌karadiahang su watangengu, kai i kau e harusẹ̌ mamatạ i sie.”
8 #
Mat. 23:35; Luk. 11:51; 1Yoh. 3:12 Ene angkuěng i Kain su tuarine i Habel, ”Bọete i kitẹ makoạ sorong dahami.”#4:8: Piram baụ tungkangu kal᷊imonane: Bọete i kitẹ makoạ sorong dahami: Su teksẹ̌ u Ibrani e tawẹ apa manga wawera ini. Ene i sire nahumpạe sene, tangu i Kain měngkatewe timěmbo kụ němate tuarine i Habel.
9 Mawu e nakiwal᷊o si Kain, ”Kai suapa i Habel tuarinu?”
I Kain simimbang, ”Iạ běga wue. Kai měndal᷊ukadẹ̌ tuariku iạ e tangu?”
10 #
Ibr. 12:24
Bọu e Mawu něhengetang, ”Unụ e i kau někoạbe hal᷊ẹ̌ makạbawintogẹ̌ e? Dahan tuarinu e gụgahiorọ si Siạ bọu ral᷊ungu ěntana, kere tingihu mẹ̌gausẹ̌ bawal᷊ise. 11I kau e kai nituhungangu ane hakịu selain tawe makamunara ěntana. Ěntana ene seng naněsụ dahan tuarinu, tabidạu něhengẹ mohonge nanelohẹ̌ dahan tuarinu e piạ i kau měmate si sie. 12Mạeng u i kau e mahěnsinuange, ěntana e tawe mẹ̌gěllịu wuane apa-apa; i kau e sarung makoạ mẹ̌papalilị kụ tawẹ pẹ̌tanakenge su dunia ini.”
13Tangú angkuěng i Kain su Mawu e, ”Hukumangu e tumanịu mawěhạ kụ iạ e tawe makatul᷊ung ene. 14I kau e nanokol᷊u iạ bọu ěntana ini, marau wọu rarěntanʼU e. Iạ e sarung makoạ lěhigẹ̌ tawẹu pětanakeng su dunia, kụ iạ e sarung pateěng i saing makaěba si siạ.”
15Kai Mawu e něhengetang u, ”Tala. Kereu i kau e pateěng, tangú makoạ bawalare ute pitung katau ringangu i sain namate si kau e sarung lai pateěng.” Bọu ene Mawu e naměllọu tialane si Kain, tadeạu walạewe měnsang i sai mẹ̌sombang i sie kumbahang měmate. 16Tangu němehọe i Kain bọu těngom Mawu e kụ nẹ̌tanạ su wanua isẹ̌sẹ̌bạ, ”Pẹ̌papalilikang” su sěmběkan daki wọu Eden.
Pal᷊ahiteng Kain
17I Kain dingangu kawing e nakaěbạ anạ i rẹ̌dua esẹ isẹ̌sěbạ si Henokh. Bọu e i Kain němangung soa gẹ̌guwạ sěmbaụ, kụ nisěbạe timuhụ arengu anạ e. 18I Henokh i amang i Irad. I Irad i amang i Mehuyael. I Mehuyael i amang i Metusael, dingangu i Metusael e i amang i Lamekh. 19I Lamekh kinawinge ruang katau, i Ada rẹ̌duan Zila. 20I Ada něhěnding i Yabal, dingangu hiten Yabal e kai bansa mělahiking binatang kụ mạtanạ su ral᷊ungu selo. 21Tuarine isẹ̌sẹ̌bạ si Yubal, ringangu hiten Yubal e kai měnanalang u kěcapi ringangu suling. 22I Zila anạ e i Tubal-Kain, ringangu hitene měnaněsal᷊ẹ̌ haghing apal᷊iwụ#4:22: Měnaněsal᷊ẹ̌ haghing apal᷊iwụ; tungkangu kal᷊imona sěmbaụ e: i upungu kal᷊awọu kipung, mapapandeng uase. nikoạ bọu tambaga ringangu uase. Bawineng Tubal-Kain tuari e isẹ̌sěbạ si Naama. 23Nẹberạ e i Lamekh su kawinge rarua,
”Ada ringangu i kau Zila, daringihẹ̌ko i rua!
Umbaseng sěngkatau takụ nipate ual᷊ingu i sie nělimadẹ̌ si siạ.
24Kereu pitung katau nipate waugu pinamalarẹ̌ pěmamate si Kain,
tangú iạ sarung měmate pitung pul᷊o pitu su kataune takụ pateěng kereu iạ kawe pateěng.”
Set dẹ̌duan Enos
25I Adam dẹ̌dua sěngkawingang nakareạ e anạ i rẹ̌dua esẹ kapia sěngkatau. Angkuěng i Hawa, ”Ruata e seng nangonggọu anạ esẹ piněngaweng si Habel, nạung seng nipateng Kain.” Ual᷊ingu ene i Hawa e něsẹ̌bạe areng u rariọ e i Set.#4:25: Set: Areng ini su werang Ibrani e tingihe mẹ̌sul᷊ung u wawera kụ mangal᷊ene ute ”seng nẹ̌gěllị”. 26I Set piạ anạ e esẹ kụ nisěbạ e si Enos. Seng su tempo ene taumata nanětạ e mẹ̌sẹ̌bạ arengu Mawu kereu mẹ̌suba e.
@ LAI 2003