Génesis 5
5
Adántjö tupadanö jojodö tjimibiya ba̧ji̧ wȩyukwöja
1Böjanö wȩyukwi̧ma Adántjö tupadanö jojodö tjimibiya ba̧ji̧ wȩyukwi̧. Ja̧danö, Diosma jojodönö otidena, itedadajayedönö otidijetö. 2Iso̧nöbi isujunöbi otidijetö Diosma. Ja̧danö, ja̧ mölema otidajawö̧nö dösölö̧jinö edö pjatatakwo̧sa, jö̧ba̧lö webijetö: Yebawö kwuju̧kwaduwo böjȩ ba̧kwemeachibanö kwöba̧jekwachaduwo, jö̧ba̧lö. Ja̧danö, otidajawö̧nö öbabijetö, Jojodö, jö̧ba̧lö.
3Ja̧danö, Adánma, ciento treinta a̧yos bo̧ itji̧nö, itedadajayo̧nö 'yabebijetö, iteda ichejekwo̧nö. Jo̧ba itji̧nö Set, jö̧ba̧lö midijetö. 4Ja̧danö, Setnö 'yaebinemi tupakwöma Adánma ochocientos a̧yo ji̧jetö. Ja̧danö, i̧tji̧munö ju'wedönöbi 'yabebijetö, ömadönöbi ya̧dönöbi. 5Ja̧danö, Adán okobe jwiinö a̧yo ö̧jinama novecientos treinta a̧yo. Jejenö novecientos treinta a̧yo bo̧ wobijetö Adánma.
6Ja̧danö, Adán itji̧ Set mikwo̧ma ciento cinco a̧yo bo̧ itji̧nö 'yabebijetö, Enós mikwo̧nö. 7Ja̧danö, Enosnö 'yaebinemi tupakwöma Setma ochocientos siete a̧yo ji̧jetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 8Ja̧danö, Set okobe jwiinö a̧yo ö̧jinama novecientos doce a̧yo. Novecientos doce a̧yo bo̧ wobijetö Setma.
9Ja̧danö, Set itji̧ Enós mikwo̧ma noventa a̧yo bo̧ itji̧nö 'yabebijetö, Cainán mikwo̧nö. 10Ja̧danö, Cainánnö 'yaebinemi tupakwöma Enósma ochocientos quince a̧yo ji̧jetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 11Enós okobe jwiinö a̧yo ö̧jinama novecientos cinco a̧yo̧. Novecientos cinco a̧yo bo̧ wobijetö Enósma.
12Ja̧danö, Enós itji̧ Cainán mikwo̧ma setenta a̧yo bo̧ itji̧nö 'yabebijetö, Mahalalel mikwo̧nö. 13Ja̧danö, Mahalalelnö 'yaebinemi tupakwöma Cainánma ochocientos cuarenta a̧yo ji̧jetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 14Cainán okobe jwiinö a̧yo̧ ö̧jinama novecientos diez a̧yo. Novecientos diez a̧yo bo̧ wobijetö Cainánma.
15Ja̧danö, Cainán itji̧ Mahalalel mikwo̧ma setenta y cinco a̧yo bo̧ itji̧nö 'yabebijetö, Jéred mikwo̧nö. 16Ja̧danö, Jérednö 'yaebinemi tupakwöma Mahalalelma ochocientos treinta a̧yo ji̧jetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 17Ja̧danö, Mahalelma okobe jwiinö a̧yo̧ ö̧jinama ochocientos noventa y cinco a̧yo. Ochocientos noventa y cinco a̧yo bo̧ wobijetö Mahalalelma.
18Ja̧danö, Mahalalel itji̧ Jéred mikwo̧ma ciento sesenta y dos a̧yo bo̧ itji̧nö 'yabebijetö, Enoc mikwo̧nö. 19Ja̧danö, Enocnö 'yaebinemi tupakwöma Jéredma ochocientos a̧yo ji̧jetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 20Ja̧danö, Jéredma okobe jwiinö a̧yo ö̧jinama novecientos sesenta y dos a̧yo. Novecientos sesenta y dos a̧yo bo̧ wobijetö Jéredma.
21Ja̧danö, Jéred itji̧ Enoc mikwo̧ma sesenta cinco a̧yo bo̧ itji̧nö 'yabebijetö, Matusalénnö. 22Ja̧danö, Enocma Matusalénnö 'yaebinemi tupakwöma trescientos a̧yo Dioskwö jwaikwöda 'yi̧abijetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 23Enocma okobe jwiinö a̧yo ö̧jinama trescientos sesenta y cinco a̧yo. 24Isabenö jo̧bama Dioskwö jwaikwöda 'yi̧abijetö. Ikenama Enocma wobökönö omöna debi̧ babibijetö böjȩtjöma, Diosma mölejȩbe kaekwachajinö ja̧obetjö̧.
25Ja̧danö, Enoc itji̧ Matusalén mikwo̧ma ciento ochenta y siete a̧yo bo̧ itji̧nö 'yabebijetö, Lamec#5:25 Bena labebo̧ Lamec mikwo̧ma jelo̧, capítulo 4 laebinamaö̧kö̧. Bena Lamec mikwo̧ma Settjö tupadanö jojobina. Jelo̧ Lamec, captítulo 4 laebinama Caíntjö tupadanö jojobina. mikwo̧nö. 26Ja̧danö, Lamecnö 'yaebinemi tupakwöma Matusalénma setecientos ochenta y dos a̧yo ji̧jetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 27Matusalénma okobe jwiinö a̧yo̧ ö̧jinama novesientos sesenta y nueve a̧yo. Nnovesientos sesenta y nueve a̧yo bo̧ wobijetö Matusalénma.
28Ja̧danö Matusalén itji̧ Lamec mikwo̧ma ciento ochenta y dos a̧yo bo̧ itji̧nö 'yabebijetö. 29Jo̧ba itji̧nö midijetö Noé#5:29 Noé jö̧ba̧löma, usula tjemawi̧tjö tjö̧jibajinö pjabato̧, jö̧ba̧lö ökwöi̧danö ökwöobe hebreo tjiwenenö. , jö̧ba̧lö. Ja̧ imi, Noé jö̧ba̧löma baikwö wanekwachobe: Bitema ökwödönö pjaatakwo̧. Jo̧bama bemi niji, Isabenö Jo̧ leebinemi labinö dotodi̧tjö dö'wachobö pjaatakwo̧, jö̧ba̧lö. Jejenö jö̧ba̧lö, wanekwachobe ja imi, Noé jö̧ba̧löma. 30Ja̧danö, Lamecma Noénö 'yaebinemi tupakwöma quinientos noventa y cinco a̧yo ji̧jetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi. 31Ja̧danö, Lamecma okobe jwiinö a̧yo ö̧jinama setecientos setenta y siete. Jejenö setecientos setenta y siete a̧yo bo̧ wobijetö Lamecma.
32Ja̧danö, Lamec itji̧ Noé mikwo̧ma quinientos a̧yo bo̧ itji̧ Sem mikwo̧nö 'yabebijetö. Ja̧danö, ju'wedö i̧tji̧munöbi, ömadönö 'yabebijetö Noéma, Cam mikwo̧nö, Jafet mikwo̧nö.
©2021, All Rights Reserved