Jọn Ḍiepakụmaye
Ḍiepakụmaye
Jọn ḅe ḍuko Iḅi ọkwẹịn mị Jizọs Ḅe ḍiepakụmamẹ na ori anị simegbaso Tamụnọ Ḅe Ọkwẹịn mị-ẹ, anị, “Ḅo Tomoniḅọ sọ se mine na anga Ḅọ Ḅe-ẹ.” Ḍiri mị ḅara na ḍuko ḅara ḅụ, mị Iḅi Ọkwẹịn mị ini nwọ gịẹịnmẹ mịẹse anị go ḅọ ḅereniḅịa ọkụ na Jizọs Ḅe ori anị Tamụnọ Ḅe ḅereni Ḍụaḅọrọmaḅọ Ḅe-ẹ, Tamụnọ Tọkụ Ḅe, na Ọ̀ ḅụ ini nyana ḅereni mị ḅụ ini ḅọrọ ḍumo nyanaḅịa (Jọn 20.31).
Simegbaso Tamụnọ Ọkwẹịn mị anị Jizọs Ḅe-ẹ nwọḅẹ ye mị ḍiepakụma ḅẹrẹ mị ḅụgbiripumaye ḍiepakụmamẹ. Anị ḍiemẹ na Jizọs Ḅe anị Tamụnọ Ḅe ḅereni Ḍụaḅọrọmaḅọ Ḅe-ẹ, Tamụnọ Tọkụ Ḅe. Mà ḍukoaye ma ḍukomayema, àrị ḅụgbiripumaye ma pufinji ayema ḍieḅelemamẹ. Mị pẹkẹrẹ mị ḅụ ḍiri mị ḅie tọn-apụ Jizọs Ḅe ḅereni se, ḅo Oria ọḅụḍukoapụ sọ ọkụ mị ḍukomẹ, anịsịkị ísíapụma Ori na tụḅụrụ se Ò ḅereni ḍụkụkẹ. Ḅẹrẹtịḅị ma 13 (oyitẹrẹfịnjị) ọkịmun 17 (tẹrẹfasi) la gịẹịn koromamẹ Jizọs Ḅe na Oria ọḅụḍukoapụma na nyana iḅi nwẹngịgboloma ini Ò kun ḍin mị ḅụ. Wa pịkịna Oria ḅụkarakarama ọkwẹịnma na, Ọ̀ kọn ini pịrị kuḅie kụrọma ọkwẹịnma na nwọ ọrịmẹ ini Ọ̀ ḅakụḅaaḅịa sasoḅiri mị ḅụ. Kuluma ḅẹrẹtịḅị ma ini Ò kun ọkụ na, ḅẹrẹkọn Ọ̀ pịrị mị na, ini Ọ̀ ḅakụḅaa ọkụ mị na pịkị Oria fịḅụsịsẹ mị na nwọ ḍukomẹ, pịkịna Oria ḅụ se ọḅụḍukoapụma ḍie mị na, Ọ̀ fịḅụsịsẹ ḅọrọ sịkị.
Sẹfị ḅụ ini kun eremeniḅọ ma ḅẹrẹ mị (8.1-11) ini anịa ḅụ nwọ sime ([]) elekima nwọ chụamẹ, anịatịḅị tọn-a ḍiri-a pamba ḅie na ini tatarị pịkị sa ọkwẹịnma ḅie ḅụ na anị ofori-ẹ, anịsịkị tọn-apụ anị se jịn anga ḅụ gịẹịnmẹ.
Jọn ḅe simegbaso ḍumo mị na ḍiepịrịye nwọḅẹ ye mị ḍuko kụrọmamẹ Kraịst Ḅe ḅụ; na mị ḍiepịrịye mị mịọkụ anị sakị mẹ. Ini anị se Jizọs Ḅe damaḅo na ori anị ateli mị-ẹ, kọkọmaye mị-ẹ, pịkị ḍumo mị-ẹ nwọ ḅereniapụma pịrịmẹ. Mịẹse mị ḍieye mị tomonima ḅụokoroḅịa ẹrẹchị, Jọn ḅe ene ene ḅụ ḍumo ḅie paka ayema nwọse tọnma ọkwẹịn kọnmẹ, se tẹmẹ anga ḅe kọkọmaye nwọ ḍiemẹ. Arịa ḅụ tọn aye anị mengi, fịturu, enekuḅu, ananaḍikiḍikiḅọ ḅe na oria ananama na, pịkị elelenda ọkụ sime ye na anịa chịnmgbọlụma na.
Ḅẹrẹtịḅị Ma Ọrụrụ Ḅụ Sime Ọkụ Mị
Ye sakị ọkwẹịn 1.1-18
Jọn Mengisaraḅọ ḅe na Jizọs Ḅe Oria tatarị ọḅụḍukoapụma na 1.19-51
Jizọs Ḅe ḅelema nwẹngị fịrịma 2.1—12.50
Kuluma enema Jerusalẹm ḅie na, anị na kpeki nyọma ḅụ na 13.1—19.42
Nyanaḅọ Ḅe fịḅụsịsẹ mị na Ọ̀ ḅụ se tomonima ḍie mị na 20.1-31
Kuluma ọkwẹịn: Jịn ḅụ se tomonima ḍie Galili ama mị ḅie 21.1-25
The Bible Society of Nigeria