Psalms 100
100
psalm C
Tuin: Old 100th
1Lat ilka clan in ilka lan’
Mak’ to the Lord a blythesome sang;
2Ser’ Him wi’ mirth ow’re a’ the yirth,
As ye intil His presence gang.
3Ken ilka ane, He’s God alane;
Oor Makkar, He and nane beside;
We are His folk, we are His flock,
Wha in His pasture may abide.
4Wi’ thankfu’ hert gang thro’ the yett,
And liltin’, a’ His Temple thrang;
It’s richt that we sood gratefu’ be,
And bless His name baith lood and lang.
5For God is kind, we a’ maun mind;
His mercy siccar aye sal be;
Lippen His truth, for it is sooth,
As age on age can testifee.
Metrical Psalms in Braid Scots, translated by Rev. T. T. Alexander published in 1928. This text is maintained by MissionAssist.