Matteyo 27
27
Iyarai Yesu Ihosiere Pilato
(Mar 15:1; Luk 23:1-2; Yoa 18:28-32)
1Nyia motie berien iwwahuni nyia ehumak elettaha 'daŋ iko lahou arabotie ittohori Yesu. 2Ifiti nyia isi inyi ta aririk, ette iyaru jio Pilato, amondir olo gala Roma.
Aye ono Yuda
(Ehanita 1:18-19)
3 #
Ehanita 1:18-19
Ninyia amijak Yuda, etinyiaŋani, jio aŋotoni naye jio Yesu, ette inyi iloit ataji honyi, ette inyiaharu hunyia robiyaa atomuana hunihoi jio ehumak elettaha iko lahou, 4ette jiaran, “Eyyau ni itinyiaŋaniere latulo ollo obeŋ eyyau jihonyi.”
Itarraŋi nyia isi jihonyi, “Hunohoi anyio? Ottenu erre hoi hama!”
5Attati Yuda iruoŋoro arobiyaa hua itua Haji emojit enne ittokon, ette leten igororo. 6Ati, ohuruni nyia ehumak elettaha arobiyaa hua, ette jiaran, “Arobiyaa hoto huna. Tania, obeŋi efahita hohoi aŋatani isi ottunani ittunit ono Aaji emojit enne ittokon.” 7Ninyia iwwahuni isi, ette iduhuna arobiyaa hua, ette inyiaŋuniere Amana ono Layyani Tobuaha, oŋida onuhattarik aterejok. 8Ania, iloŋorik amana nyia “Amana Hoto” many iko ahana. 9#Sak 11:12-13 Itasirunierek ekiana Yeremia ekianani Hollum, ninyia ojiari inyi jio, “Iduhuni isi arobiyaa atomuana hunihoi, arobiyaa hunyia iduhuni onyiok Israele edumit honyi, 10ette inyiaŋuniere Amana ono Layyani Tobuaha, ihuo iramak nyia ani Lamonye.”
Ifiyo Pilato Yesu
(Mar 15:2-5; Luk 23:3-5; Yoa 18:33-38)
11Owotia nyia Yesu ihosiere mondir olo Roma, linyia ifiyo 'to inyi jiojio, “Iyye Hobu Yudei?”
Itarraŋ nyia Yesu ojio, “Iyye ijio ihuo nyia.” 12Ati obeŋ nyia inyi itarraŋ erositi huno ehumak elettaha iko lahou.
13Attati Pilato jiaran jihonyi, “Ibeŋ iyye itaniŋu erre arriai hunne itisiahinierek isi iyye?”
14Ati obeŋ nyia inyi itarraŋ, ara duadi bu obo abotie jio etisiahita hua, many illillihari mondir bebe.
Aŋotonia Ye jio Yesu
(Mar 15:6-15; Luk 23:13-25; Yoa 18:39—19:16)
15Ohohitta nyia mondir olo Roma atulo babus abotie to oloŋ ono neyom ono allaŋan, alla awahi aati. 16Owon nyia obo atulo babus elle idiefer bebe, afure honyi Yesu Barabas. 17Ninyia attubanie aati arriai, ette Pilato ifiyo isi jiojio, “Iwahata itai ahohi ni alali, Barabas kuyya Yesu elle iloŋoi Olonyimoto?” 18Omijak nyia inyi jio inefunie nyia isi Yesu jihonyi ta ahaini hosi.
19Ninyia howon Pilato itua haji lokikoi, ifahu nyia ŋoruoi honyi jihonyi eram jio, “Hèjiŋak jio eram ono atulo ollo obeŋ ipali, nyio, ettigemi ani arigiai honyi duo arue.”
20Ati isusuye nyia ehumak elettaha iko lahou Yudei aati oŋida iramani Pilato ohohi jihosi Barabas buo itattoho Yesu. 21Ati inyiak Pilato ifiyo isi jiojio, “Iwahata itai ahohi ni jihatai ŋai tehiji hula arrihai hulo?”
Itarraŋi nyia isi jio, “Barabas!”
22Buo Pilato ette ifiyo isi ojio, “Ehan 'tadi ni anyio jio Yesu elle iloŋoi Olonyimoto?”
Itarraŋi nyia isi 'daŋ jiojio, “Isihonia inyi likruce!”
23Ati ifiyo nyia Pilato isi jio, “Anyio ipali enne ihan inyi?”
Ati iwuwoŋitai nyia isi bebe jiojio, “Isihonia inyi likruce!”
24 #
Edasita 21:6-9 Ninyia igonyu Pilato jio ettallik inyi inyiak ihan obo ariŋ, nyio, itterio nyia aŋalafa, iduhu inyi omuk aari, ette ifinia ihosiere waati, ette jiaran, “Abeŋ ni awon jio aye atulo olo! Eram hatai ania!” 25Buo aati 'daŋ ette itarraŋ ojio, “Ijiara nooto honyi oŋiyo hohoi iko lonyirok hohoi.”
26Attati Pilato ihohina Barabas jihosi, ette itabak Yesu, ette isiarana inyi jihosi ijiara isihoni likruce.
Osuhotierek Oseŋer Yesu
(Mar 15:16-20; Yoa 19:2-3)
27Attati oseŋer Pilato iyaru Yesu ihaŋ enne ittok ono Mondir, buo eluluŋ hosi 'daŋ ette ittubanio iger Yesu, 28ette ihouna aboŋojin honyi 'daŋ addi, ette itiyyafana inyi aboŋo anariet. 29Attati isi iyyir egoria hikua, ette itiyyafana ihou honyi, ette itaŋuahina atelek ihani iŋet honyi, ette irigoŋo ihosiere honyi, ette isuhotiere inyi jiojio, “Hobu Yudei Moŋ!” 30Omitani nyia isi amilak jihonyi, ette ibak ahou honyi ta atelek. 31Ninyia attohuni isi asuhotiere inyi, ette isi ihouna noduo boŋo, ette itayyafana inyi aboŋojin honyi, ette irihoro inyi addi isihoniere likruce.
Isihoni Yesu Likruce
(Mar 15:21-32; Luk 23:26-43; Yoa 19:17-27)
32Ninyia afuoi isi, oruaŋanie nyia isi iko obo atulo olo Sirine, afure honyi Simone, ette oseŋer italoronia inyi akruce Yesu ta ajore. 33Ninyia afanyi isi jio amaji enne ifurani Golgota, onno ojio 'to jio, “Amaji Hotio Hou.” 34#Afureta 69:21 Diya, isiarani nyia isi jio Yesu afino enne iŋala iko obo ariŋ onno odua. Ati ninyia iniŋ Yesu, ette inyi ihara imat inyi.
35 #
Afureta 22:18 Isihoni nyia isi inyi likruce, ette ihihor aboŋojin honyi te ehutuŋai. 36Ania, ette isi itoŋo diya irririari inyi. 37Igioroni nyia isi etisiahita huna totto hide hou honyi jio, “Yesu olo, Hobu Yudei.” 38Isihoni nyia buo fe isi omuk ahahalak likrucehien: abotie tetteŋet honyi, buo ollobo tettehorroŋ honyi.
39 #
Afureta 22:7; 109:25 Attati aati 'daŋ hunyia adahai 'to tolia inninniŋa ossi hosi, ette sehina jihonyi emoriti jiojio, 40#Mat 26:61; Yoa 2:19“Ijio nyia bu iyye jio iremik iyye itattur Aaji emojit enne ittokon buo inyiak iduhonia ihalu oŋitek hunihoi! Italuahu bu ahuan hoi, elle ira iyye Lonyi Hollum! Ollu ifau to hide Kruce.”
41Ihuo nyia buo fe, itafittaŋie nyia ehumak elettaha inyi, isi iko ettiyanak ifahita, buo lahou ojiori jio, 42“Italuahu nyia inyi aati hullomuk, buo ittallik italuahuna ahuan honyi. Obiaŋara soho inyi hobu Israele? Ijiara inyi ollu to hide kruce, buo adi hohoi ette iruk jihonyi. 43Iyihi inyi jio Hollum buo fe akafatio ahou jio inyi Lonyi Hollum. Oyyu, hamijiete alla awak Hollum italuahuna inyi!” 44Ette buo fe ahahalak hinyia isihoni ikonyi likrucehien morio inyi ihuo nyia.
Aye ono Yesu
(Mar 15:33-41; Luk 23:44-49; Yoa 19:28-30)
45Ninyia ara akil fanni, ette edumele iriok 'tir 'tir afau 'daŋ many otuk asahien hunihoi. 46#Afureta 22:1 Ninyia ara ihuo asaa etahunihi otto otoriai, ette Yesu iluaha jiojio, “Eloi, Eloi, lema Sabakttani?” onno ojio 'to jio, “Hollum hoŋ, Hollum hoŋ, nyio ibasak iyye nani”
47Attati omuk aati hinyia owotia 'to diya itayiruna inyi, ette jiaran, “Iloŋo latulo olo Elija!” 48#Afureta 69:21 Teya teya, ette obo olosi iduhuna espony, ette difonia itua fino enne iruattiŋo 'to, ette ihasana itelek, ette igumana jihonyi oŋida ojur.
49Ati ojiori nyia hullomuk jio, “Itilauna, hamijiete kuyya ollo ottu adi Elija italuahuna inyi!”
50Inyiak Yesu iluaha woŋ woŋ, ette iye.
51 #
Ajiŋuna 26:31-33 Attati aboŋo etihi otto tua Haji emojit enne ittokon iguasa arrihai, to hide many ifau, ette afau ikikiro, buo amaruoi ette ibuara sar sar. 52Buo elumio ette iŋa, ette itubuhuna aati Hollum arriai hunyia oye 'to; 53ette isi ijiŋuna addi telumio. Buo ninyia ibuhu Yesu toye, ette isi ifuatan Ibore Gala Elibo, buo aati arriai ette igonyuna isi.
54Ninyia igonyu ajafit iko oseŋer hunyia owoni 'to ikonyi ekikiro fau iko erre 'daŋ hunyia iduoŋi 'to, ette abaŋi inef isi, ette isi jiaran, “Lonyi Hollum duadi olo luŋa.”
55 #
Luk 8:2-3 Owoni nyia buo fe aŋoruo diya hunyia omijie 'to alamarai. Ijifunie nyia isi Yesu to Galilea iluahiere inyi. 56Ihiji hosi owon nyia Maria Madalina, Maria honye Yakobo iko Yosefu. Owon nyia buo fe ŋoruoi Sebedeyo diya.
Anuhana ono Yesu
(Mar 15:42-47; Luk 23:50-56; Yoa 19:38-42)
57Nyia kekai, ette lobo asamani olo Aremeteya ittuna alla anya Yosefu. Ara nyia buo fe inyi ahejifani Yesu. 58Olo nyia inyi jio Pilato imojuniere ahuan Yesu. Attati Pilato iramana jio oŋida isiarani jihonyi. 59Ette Yosefu ikafaru inyi, ette ibubunana inyi ta aboŋo enuhit aŋejuk, 60ette itaferihina inyi ilume honyi aŋejuk ninyia obuahak Yosefu itua moruo. Ette inyi ittaboronia amoruo enne ittok ihutuk ilume, ette leten addi. 61Owoni nyia diya ba Maria Madalina iko Maria ebotie. Itoŋoi nyia isi buo attanyi jio elume nyia.
Erririak Hutte Ilume
62Ara nyia ebotie holoŋ noloŋ Sabatto, ette ehumak elettaha iko Farisei ittubanio ihosiere Pilato, 63#Mat 16:21; 17:23; 20:19; Mar 8:31; 9:31; 10:33-34; Luk 9:22; 18:31-33ette jiaran, “Lettok, egigilu hohoi jio, ninyia hèsu ologesem alia, ojio nyia inyi jio, ‘Itubuhuni adi nani ihalu oŋitek hunihoi.’ 64Tania, ifak eram, ijiara ihumi irriria elume nyia many iholoŋ etahunihi. Nyio, ŋadi lejifak honyi ofuoi hahalaru ahuan honyi te lume, buo ette ifuatan iramana aati jio itubuhuni inyi toye. Agalik adi agesemi ana ninyia hosiere.”
65Attati Pilato iramana isi jio, “Iyatti erririak, ijiara ofuoi irriria elume nyia ihuo iremehina itai irriria.”
66Ania, ette isi fuatan, ette ihum duanyana elume ania, ette idiaharu erririak oŋida ihumi irriria.
© The Bible Society in South Sudan 2003