Markos 9
9
9 Ik.
1Orowa, orota Shinuma ene itak-hi :— Son no echi otta Ku ye, tan okai utara tumugeta teda roshki wa okai utara anak ne Kamui moshiri auak ne kiroro ani ek shiri nukara pakno oara rai ambe sapke' katap shomoki kusu ne na, sekoro itak.
2Orowa, iwan rereko okaketa Yesu anak ne Petros newa Yakob newa Yoannes tura wa ainu isam ri nupuri hemesu nisa ruwe ne: awa, nei utara shik samata katuhu oya kat ne akan ruwe ne: 3koro mipihi anak ne shikayekaye wa shiri retan ruwe ne; amip retaraka guru mipihi iretaraka eaikap pakno retan ruwe ne. 4Orowa, Ericha anak ne Mose tura anukara, awa, Yesu tura uweneusara shiri an. 5Tata otta Petros ese wa Yesu otta ene itak-hi :— Babbi, chi utara teda okai ambe anak ne pirika ruwe ne: kash reppish chi kanro: shinep Aokai gusu, shinep Mose gusu, 6shinep Ericha gusu ne na, ari itak. Nep itak ani itak yak pirika ya erampeutek; nei utara shiri ishitoma shiriki nisa ruwe ne gusu ne na. 7Orowa, nei utara enkashike kashi-kamu shine nishkuru ek: aige, nishkuru wano, — Tambe anak ne Ku omap an Poho ne; Shinuma echi nu yan, sekorʼan hawe an ruwe ne. 8Orowa, ekushkonna ekeshne ingara koro, ouse tura no an Yesu moshima nen ne yakka anukara shomoki nisa ruwe ne na.
9Nupuri orowa no rap shiri an ita, Ainu Poho rai i orowa no hetopo-shiknu pakno iteki nen ne yakka otta nei orushpe nure kuni kashpaotte nisa ruwe ne. 10Awa, shinuma utara tan itak shikkashima; orowa no, rai i orowa no hetopo-shiknu sekorʼan itak itak ibehe, nekon a ibehe ne nangoro ya ani an ambe ani utashpa uwepekennu nisa ruwe ne. 11Orowa, utara anak ne Shinuma otta, Ericha hoshiki no ek kusu ne, ani kambi-nuye utara ye ambe gusu uwepekennu. 12Orota, Shinuma ene itak-hi :— Son no ka un, Ericha hoshiki no ek wa nep ne yakka iki: orowa, Ainu Poho hemanda okaibe ani ayairamshitnere wa otta shomo yaikatanu aki katu chieshinnuye wa an a? 13Koroka, echi otta Ku ye, Ericha ek okere, aige, gusu chieshinnuye wa an korachi utara anak ne rengaine nei guru gusu iki nisa ruwe ne na, ari itak.
14Orowa, koikara utara otta araki chiki nei okari poro inne utara newa kambi-nuye utara ko-uwepekennu shiri anukara. 15Awa, nani inne utara obitta Shinuma nukara chiki shiri kimatek wa orota hoyuppa hine ko-ongami nisa ruwe ne. 16Aige, orota nu wa Shinuma ene itak-hi :— Nei utara tura hemanda echi uwepekennu ruwe he an? 17Orowa, inne utara oshiketa shiueu anak ne ese wa ene itak-hi :— Epakashnu guru, shomo itak ramat shikatkare ku poho e otta ku tura wa ek; 18awa, neita ne yakka ashikatkare yupke ita ayasa; orowa, koishum oashinge wa nimaki niyorokara, orowa, sattek ne ruwe ne: E koro koikara utara nei ramat oashinge gusu ku koramkoro, koroka, 19eaikap ruwe ne, sekoro itak. Nei utara otta Shinuma ese wa ene itak-hi :— Aa eishokor-i sak ikiri, hembara pakno echi tura no Ku an kusu ne ya? Hembara pakno echi gusu Ku yaishiporore ya? En orota i ani wa ek yan, ari itak. 20Orowa, Shinuma otta atura wa araki: awa, nei guru Shinuma ingara chiki nani ramat anak ne, yupke no pitkere; aine, shiri kata hachiri wa teshke-teshke hine koishum oashinge nisa ruwe ne. 21Orowa, hembara wano tan tashum ki ruwe, koro michi otta Shinuma inu. Ponram orowa no ani nei guru ye. 22Orowa, kanna-kanna shinuma raige kuni ne abe otta hene wakka oshiketa hene eyapkiri ruwe ne, koroka, Aokai nep ka ki eashkai chiki, un erampokiwen wa un kashiobiuki wa un kore, sekoro itak. 23Orota Yesu ene itak-hi :— Ki eashkai! Eishokoro guru otta anak ne nep ne yakka an eashkaibe ne. 24Nani nei michi anak ne hawe ashte wa, ku eishokon ruwe ne, ku eishokor-i sakbe kashiobiuki wa en kore. 25Orowa, inne utara hoyuppa wa uwekarapa shiri Yesu nukara chiki, Ichakkere ramat ko-sakayokara wa otta ene itak-hi :— Shomo-itak ashpa uwopuk ramat, nei guru wano oashin wa, kannashui iteki otta ahun yan, ari ku kashpaotte na. 26Orowa, hawe ashte koro shiri shinuma pitkere chiki oashin: awa, nei guru rai guru korachi ne: shinuma rai okere ari inne utara poro sereke ye pakno ne ruwe ne. 27Koroka, Yesu anak ne koro tekehe kishima wa punire, orowa, shinuma hopuni nisa ruwe ne. 28Orowa, chisei orun ahun chiki koikara utara anak ne arorokishne no Shinuma otta, 29Chi utara nei ap oashinge eaikap ikkewehe nu ruwe ne. Aige, orota, nei okaibe anak ne moshima ambe gusu shomo ne, ouse inonno-itak an gusu oashinbe ne ruwe ne, ari itak.
30Orowa, shinuma utara nei kotan wano paye wa Gariraya moshiri kush nisa ruwe ne; awa, nen ne yakka iteki nei ambe eramu an kuni Shinuma kon rusui ruwe ne. 31Orowa, Shinuma koikara utara epakashnu wa, ene itak-hi :— Ainu Poho anak ne utara teke otta aekoshi, aige, nei utara Shinuma raige kusu ne; araige okere chiki rereko orowa no hetopo-shiknu kusu ne, ari itak. 32Koroka, utara anak ne nei itak ibehe erampeutek, samata, otta ibehe nu kuni ishitoma ruwe ne.
33Orowa, Kapernaum kotan ta araki: awa, chisei ta okai koro, — Ru hontomota nepi echi eukoyupekere ya? ani Shinuma nu ruwe ne. 34Koroka, nei utara nep ka ye shomoki inambe gusu ne yakun, iyotta pase guru nen ne ruwe he an sekorʼambe ani nei utara ru hontomota uwe-eukoyupekere nisa ruwe ne gusu ne na. 35Orowa, Shinuma a, aige, orota nei tu niu ikashima wa niu hotuyekara wa ene itak-hi :— Sapane rusui guru an chiki, nei guru iyotta keseke un gun ne, obitta no okai utara koro uitek guru ne kusu ne na, sekoro itak. 36Orowa, Shinuma shine pon guru uk wa utara noshiketa ande: orowa, tek omare wa nei utara otta ene itak-hi :— 37Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
38Yoannes anak ne Shinuma otta ene itak-hi :— Epakashnu guru, E reihei ankushtapne nitne kamui oashinge guru shinen chi nukara, awa, nei guru un osh ek shomoki gusu chi hattoki ash nisa ruwe ne, ari itak. 39Koroka, Yesu ene itak-hi :— Iteki hattoki yan: inambe gusu ne yakun, Ku reihei ankushtapne kiroro umbe ki wa tunashi no En ohaigekara guru isam ruwe ne gusu ne na. 40Un epokba shomoki gurʼanak ne un ramuoshma ruwe ne. 41Orowa, nen ne yakka echi utara anak Kiristo koro utara echi ne na gusu iku kuni wakka shine itangi echi kore gurʼanak ne, son no echi otta Ku ye, nei guru oara koro pummaha turainu shomoki kusu ne. 42Orowa, nen ne yakka tap okai En eishokoro pon guru shinen ure-epetchiure gurʼanak ne, nei guru koro rekuchi otta poro shumanishu aunu wa atui otta aeyapkiri katu nei guru gusu kasu no pirika ruwe ne. 43E koro tekehe e epetchiure yakun, oattuye yan: inambe gusu ne yakun, tu teke e koro wa Gehenna un, aushka eaikap abe un, oman kasu no eani hera wa ishu-i otta ahun katu anak ne eani gusu naa pirika ruwe ne gusu ne na. 45Orowa, e chikiri e epetchiure yakun, oattuye yan: inambe gusu ne yakun, e koro tu chikiri koro wa Gehenna otta aeyapkiri kasu no yaiewen wa ishu-i otta ahun katu anak ne eani gusu naa pirika ruwe ne gusu ne na. 47Orowa, e shikihi e epetchiure yakun, oashinge yan; tu shikihi koro wa Gehenna otta aeyapkiri kasu no, shine shik koro wa Kamui moshiri orun ahun katu eani gusu naa pirika ruwe ne gusu ne na; 48nei ushiketa koro mososhpe rai shomoki, samata, abe anak ne shomo aushka ruwe ne. 49Nen ne yakka, obitta abe ani shippo aushte kusu ne gusu ne na. 50Shippo anak ne pirika ruwe ne: koroka, nei shippo anak koro runnu mawe turainu chiki, nep ani nei mawehe aomare ya? Echi utara yaikota oshiketa shippo koro wa utashpa itomo an no okai yan.
© British and Foreign Bible Society 1897, 2018