Markos 4
4
4 Ik.
1Orowa shui Shinuma atui samta epakashnu heashi nisa ruwe ne. Awa, orota shiri poro inne utara uwekarapa, Shinuma chip otta ahun wa atui kata a pakno ne ruwe ne; inne utara obitta atui sam un ya ta okai. 2Orowa, itak-maukushte itak ani inne orushpe epakashnu nisa ruwe ne; epakashnu rapoketa ene itak-hi :— 3Nu yan: ingarʼan, Piyehe etoita gusu shine toita guru oman nisa ruwe ne; 4etoita rapoketa ru paruruta hachiri piye an, awa, chikap reu wa nei ambe e ruwe ne. 5Orowa, moshimap anak ne watara-ush kapan no toi an ushiketa hachiri; nani nei ambe hetukba, toitoi kapara ushike ne ruwe ne gusu ne na: 6orowa, shinrit isambe ne gusu chup ri koro shukuschire, 7aige, shumumge nisa ruwe ne. Orowa, ai-ush ni tumugeta hachiripe an, awa, ai ush ni hetukba wa nei piyehe eteyeba, aige, ibe-o shomoki ruwe ne. 8Orowa, moshima an piyehe anak ne toitoi pirika ushike kata hachiri, orowa, ibe-o, hetukba wa poro ne; orowa, wan e tu hotne pakno hene, re hotne pakno hene, ashikne hotne pakno hene, shipiraspa nisa ruwe ne. 9Shui ene itak-hi :— Nu kuni kisara koro guru nu yan.
10Orowa, Shinuma pui no an ita tun ikashima wa niu tura no okai, okari un utara Shinuma otta nei itak-maukushte-itak gusu uwepekennu nisa ruwe ne. 11Orowa, orota Shinuma ene itak-hi :— Kamui moshiri gusu an anuina ambe anak ne echi otta akore; koroka, soita okai utara otta obitta no okaibe itak-maukushte-itak ani akan ruwe ne; 12ikineipeka nei utara iteki hosari wa atusare kuni ne, ingara wa nukara, yakka, ramepakare shomoki; inu wa nu, yakka, eramʼan shomoki ruwe ne gusu ne na. Orowa, orota Shinuma ene itak-hi :— 13Tan itak-maukushte-itak echi eramʼan shomoki ruwe? Yakun, hemanda ani obitta no okai itak-maukushte-itak eramʼan kusu ne ya? 14Toita guru anak ne itak etoita ruwe ne. 15Itak aetoita wa ru parurugeta okai utara anak ne tambe ne ruwe ne; nei utara nu okere koro nani Satan ek wa nei oshiketa aetoita itak uina ruwe ne. Orowa, watara-ush kapan no toi an ushiketa aetoitap shem korachi, 16nei utara itak nu chiki nani yaikopuntek wa koro; orowa, nei utara yai-oshiketa shinrit isam, 17koroka irukai okai; orowa, itak gusu aeramchuptek hene aepokbap hene hetuku chiki nani ureechiu ruwe ne. 18Orowa, moshima okaibe ai-ush ni tumugeta aetoitap ne; tan utara anak itak nu, 19orowa, moshiri gusu an nishomap hene, ikorobe kokandama ambe hene, orowa, moshima okai ambe ibeshikashure-hi ahup wa itak eteye hine ibe-o shomoki ruwe ne na. 20Orowa, pirika toi kata aetoitap anak ne tambe ne, nei utara itak nu wa koro, orowa, wan e tu hotne pakno hene, re hotne pakno hene, ashikne hotne pakno hene ibe-o ruwe ne.
21Orowa, orota Shinuma ene itak-hi :— Ratchako koro wa ek chiki set kata aande gusu shomoki no chomba choropoketa hene shotki choropoketa hene aande gusu ne ruwe he an? 22Nep ne yakka anuinap anak ne asarare gusu anuina ruwe ne; orowa, nep ne yakka akamurep anak ne anukare gusu akamure ruwe ne na. 23Nu kuni kisara koro guru an chiki, nu yan. 24Orowa, orota ene itak-hi :— Hemanda echi nu ya yaitubare yan; echi pakari wa kore nei no, echi gusu apakari kusu ne, orowa, naa echi otta akore kusu ne na. 25Inambe gusu ne yakun, koro guru otta akore kusu ne; koro shomoki guru orowa no koro wa an ambe ne yakka aetaye kusu ne gusu ne na.
26Orowa, Shinuma ene itak-hi :— Kamui moshiri anak ne ainu toi kata piyehe chari korachi ne; nei guru 27kunne-to ta hene tokap-to ta hene hotke hemhem ki hopuni hemhem ki, orowa, nekon a aetoita piyehe hetuku wa shukup ya eramushkare. 28Toitoi rengaine ibe-o; hoshiki no ra an, orowa no push an, orowa no push otta okai epa ibehe an ruwe ne. 29Koroka, nei ibehe chi yakun, nani iyokbe aomare, nange kuni pa epa ruwe ne gusu ne na.
30Orowa, Shinuma ene itak-hi :— Nekon a Kamui moshiri chi koherayere kusu ne ya? Nekon a itak-maukushte-itak ani nei ambe pita kusu ne ya? 31Shine karashi piyehe koheraye ruwe ne, nei ambe shiri kata aetoita chiki, toi kata an obitta no okai piyehe kasu no pokashnu nokanbe ne a yakka aetoita chiki hetuku, 32orowa, moshima okai ham kasu no poro ne, samata, poro teke piraspa; rik un chikap nei sempiriketa shini eashkai pakno ne ruwe ne na, sekoro itak.
33Okai utara anak ne nu eashkai pakno Shinuma itak-maukushte-itak ani orota itak nure nisa ruwe ne; 34itak-maukushte-itak isam no otta Shinuma ye shomoki: koroka, yaiikiri no okai ita koro koikara utara otta obitta pita nisa ruwe ne na.
35Nei toho ta shiri-onuman an ita, ikushta paye yanro, ari utara otta ye. 36Orowa, inne utara ande wa chip otta Shinuma an korachi tura wa atui-tomotuye nisa ruwe ne. Orowa, moshima an chip ne yakka tura no okai ruwe ne. 37Awa shiri rui rera mau hetuku, riri anak ne chip ahun, chip shikte koro pakno ahun nisa 38ruwe ne. Shinuma yaikota anak ne chip umta chieninuibe koro wa mokon ruwe ne: aige, utara Shinuma mososo wa orota ene itak-hi :— Epakashnu guru, chi utara aisamka ange shiriki-i Aokai ramu-eunin ruwe? 39Aine, Shinuma mosh wa rera kopao, samata, Ratchi, mo no an, ari an itak ani atui otta ye. Orowa, rera isam wa poro neto an ruwe ne. 40Orowa, nei utara otta — Hemanda gusu echi ishitoma ya? Naa shomo echi eishokon ruwe he an; ari itak. 41Orowa, utara poron no ishitoma wa utashpa ene itakhi :— Yakun, tan guru nen ne ruwe he an? Rera ne yakka atui ne yakka koro itak nu ruwe ne.
© British and Foreign Bible Society 1897, 2018