Markos 13
13
13 Ik.
1Orowa, Shinuma Kamui kora kenru orowa no soine wa oman, aige, koikara guru shinen Shinuma otta ene itak-hi :— Epakashnu guru, tap nep okai shuma nep okai chisei ingara! 2Orota Yesu ene itak-hi :— Tan okai poro chisei e nukara ya? Teda an ukata ukata okai shuma obitta ahachire wa shinep ka ukata ande shomoki kusu ne na, sekoro itak.
3Orowa, Shinuma Kamui kora kenru samake un Kanran ush nupuri kata a wa an ita, Petros newa Yakob newa Yoannes newa Andreu newa arorokishne no Shinuma otta ene nu-hi :— 4Tap okaibe hembara hetuku ya? orowa, tap orushpe obitta uweomare kuni kusu ne paha ta hemanda shirosh an nangoro ya? nei ambe un nure wa un kore, ari nu. 5Orota Yesu ene itak heashi :— Iteki moshima guru echi shiren wa kokandama kuni yaitubare yan. 6Inne utara Ku reihei ani hine araki wa, Kuani Shinuma ne, ari itak wa inne utara shiren wa kokandama kusu ne. 7Orowa, tumiram hene, tumiram assuru hene, echi nu chiki, iteki kimatek yan: tap okaibe hetuku kunip ne ruwe ne! Koroka, keseke anak ne naa shomo ruwe ne! 8Inambe gusu ne yakun, uirup anak ne uirup ko-tumi koro, moshiri anak ne moshiri ko-tumi koro: usa okai kotan ta shiri-shimoye an; kemush iki kusu ne: tap okaibe unuwap eatpake ne ruwe ne na.
9Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne. 10Orowa, ingi moshirʼun uirup otta Pirika shongo hoshiki no aeupaskuma kusu ne na. 11Orowa, utara echi ani wa ekoshi ita, nekon a katu an itak ani ye ya, iteki etokota nishomap yan; koroka, nei pakihi ta nep ne yakka echi koropare an ambe ani echi ye kusu ne; echi yaikota ye itak shomo ne, Ashkanne Ramat ye itak ne ruwe ne gusu ne na. 12Ainu iriwak anak ne koro ainu iriwak araigere gusu ekoshi, michi anak ne koro poho ekoshi kusu ne; orowa, po utara anak ne koro eshikop kopiuki wa raige kusu ne na. 13Samata, echi utara anak ne Ku reihei rengap gusu obitta no okai utara orowa no aetunne kusu ne: koroka, kesehe pakno yaishiporore guru anak ne, nei guru anak kashi-a-obiuki kusu ne na.
14Koroka, shomo ash kuni ushiketa aetunne wendep ash shiri echi nukara ita (orooitak guru iramu yan), 15nei ita Yudea un utara nupuri otta ko-kira: orowa, chisei kata an guru chisei otta an okaibe uk kuni gusu iteki ran wa ahun yan: 16orowa, toi otta an guru hokannashi mip uk gusu iteki hoshipi yan. 17Koroka, honkoro guru newa ito nonde guru yaisambepokash humi! 18Tap okaibe iteki mata-pa otta an kuni inonno-itak yan. 19Inambe gusu ne yakun, nei toho ta anak ne Kamui kan rok moshiri heashi wano tane pakno hene, tane wano hembara pakno ne yakka isam pakno an aeramuchuptekbe hetuku kusu ne na. 20Orowa, Utarapa anak ne nei toho taknere shomoki chiki, nen ne yakka shomo kashi-a-obiuki ruwe ne, koroka, Shinuma numge anumge utara rengap gusu nei toho ataknere nisa ruwe ne. 21Orowa, nei ita anak ne, ingara, Kiristo teda an toada an ari an itak ani ye guru an chiki, iteki eishokoro yan; 22inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na. 23Koroka, echi yaitubare yan: ingara, etoko wano nep ne yakka echi nure ash nisa ruwe ne.
24Koroka, nei toho ta nei aeramuchuptekbe aokere ita anak ne, tokap chup akunnere, kunne chup pekere atte shomoki, 25orowa nochiu anak ne kando orowa no rapapse, samata, kando un kiroro ashuyeshuye kusu ne. 26Orowa, Ainu Poho anak ne poro kiroro newa nupeki-hi koro wa nishkuru o wa ek shiri utara nukara kusu ne. 27Orowa no, Shinuma anak ne koro hauturumbe payere wa moshiripa pakno moshirigesh pakno, kando-pa wano kando-gesh pakno ine rera wano koro numge utara uwekarapare kusu ne na.
28Ichijiku chikuni ankushkerai itak-maukushte-itak nu yan: koro uitek tane liapuru wa ham hetukure yak anak ne sak ehange ruwe ne sekoro echi eramʼan; 29tap korachi ne yakka tan okaibe hetuku shiri echi nukara chiki, Shinuma ehange no an, apa samaketa an ruwe ne ari an ambe eraman yan. 30Son no echi otta Ku ye, tambe obitta auweomare pakno tane okai ainu ikiri isam shomoki kusu ne. 31Kando newa toi anak ne isam kusu ne: koroka, Ku ye itak anak ne isam shomoki kusu ne ruwe ne. 32Koroka, nei toho hene, pakihi hene, eramʼan guru shinen isam, kando ta okai hauturumbe ka, Poho ka, eramu an shomoki. 33Ouse Michi patek eramʼan ruwe ne. Yairamatte wa shiruwande hemhem ki, inonno-itak hemhem ki yan: nei pakihi hembara ta an ya echi erampeutek ruwe ne gusu ne na. 34Nei ambe anak, Koro usshiune utara otta mondum koropare, iki kuni moni pishno gusu esanniyo, samata, apa pungi ne yakka shiruwande kuni kashpaotte, oya moshiri ta reushi gusu koro chisei ande ainu korachi ne ruwe ne. 35Tambe gusu, shiruwande yan: inambe gusu ne yakun, chisei kon nishpa hembara ta ek ya, shiri-onuman ita hene, an noshike ta hene, niwatori chikap hau koro ita hene, kunneiwano ita hene, echi eramushkare ruwe ne gusu ne na: 36ikineipeka ika Shinuma ekushkonna ek wa echi mokoro shiri anukara na. 37Echi otta Ku ye itak obitta no okai utara otta Ku ye :— Shiruwande yan.
© British and Foreign Bible Society 1897, 2018