Mareko 14
14
PENE XIV - 14
Te tuatua e ta ia Iesu: te akaimainu angaia: to Iuda pikikaa anga: te kaingakai openga: te au tuatua totou: te mamae i roto i te koro: te opu anga, te akava anga, to Petero uuna anga iaia.
1E #Mata 26:2; Luka 22:1; Ioa 11:55; 13:1E rua atura po toe e tae ei te pasa ra, e te kai akaopue koreia ra; te kimi ra oki te kau taunga nunui, e te au tata tuatua, i ta ratou ravenga pikikaa iaia, kia rauka aia ia ratou, ka tamate atu ei. 2Kua na ko ra ratou, Auraka i te rā oroa, ko te oripu aea te tangata.
3 #
Mata 26:6; Ioa 12:1,3; Luka 7:37 E tei Betania aia, i te kaingakai, i te are o te lepera ra o Simona, kua aere maira tetai vaine ma tetai pia alabata, e manongi narido, e mea apinga maata; vavaʼi ora i te pia, riringi maira ki rungao i tona mimiti. 4Riri akera tetai pae i roto ia ratou uaorai, na ko akera, Eaa teianei manongi i kaimoumouiaʼi? 5Naringa i okoia, e rauka mai e toru anere i te #14:5 Mata 18:28denari, e e maata atu oki, kia oronga atu na te putaua. Kua koumuumu iora ratou iaia. 6Kua karanga aturā Iesu, Vaio atu iaia, eaa kotou i tamanamanata atu ei iaia? e ravenga meitaki tana i rave mai iaku nei. 7#Deu 15:11Te noo tamou nei te putaua ki o kotou nei, e kia inangaro ra, e tika ïa kia takinga-meitaki atu: ko au nei ra, kare au e noo tikai ki o kotou. 8Kua rave aia i te tika iaia nei, kua aere takere mai aia e akamainu i toku kopapa nei, no toku tanumanga. 9Koia mou taku e karanga atu kia kotou nei, Te au ngai katoa e tuatuaiaʼi teianei evangelia i te ao katoa nei, e tuatua katoaia ta teianei vaine i rave nei, ei manako anga atu iaia.
10 #
Mata 26:14; Luka 22:3,4 Aere atura tetai o te tino ngauru ma rua ra, ko Iuda Ikariota, i te kau taunga nunui ra, kia tuku aia iaia kia ratou. 11E kite akera ratou, rekareka atura, akatau iora e, e o mai i te moni nana. Kua kimi atura aia i tana ravenga e tau kia tuku mai aia iaia.
12 #
Mata 26:17; Luka 22:7 E tae akera i te rā mua o te kai akaopue koreia ra, e ko ei i te pasa ra, kua na ko maira tana au pipi kiaia, E aere matou kiea e akonokono ei i te pasa kia kai koe? 13Kua tono atura aia i e toko rua puke pipi ana ra, na ko atura kia raua, Ka aere korua i te oire ra, e e aravei mai tetai tangata ia korua, te apai ra i te āriki vai; aru atu korua iaia. 14E i te ngai i tomoia atu e ia ra, e karanga atu korua i te pu o te are, Te ui maira te Orometua, Teiea te pia manuiri, kia kai au i te pasa e taku au pipi katoa? 15E nana e akakite mai ia korua i tetai pia maata, tei runga, kua manea takere; ei reira akonokono ei na tatou. 16Aere atura aua nga pipi ana ra ki roto i te oire, e koia tika atura tana i tuatua mai kia raua ra; kua akonokono iora raua i te pasa. 17#Mata 26:20&cE aiai atura, kua aere maira aia e te tino ngauru ma rua ra. 18Te noo ra ratou, e te kaikai ra, kua karanga aturā Iesu, Koia mou taku e karanga atu kia kotou nei, ka riro tetai o kotou nei, e kai katoa i ta tatou kaingakai nei, i te pikikaa mai iaku nei. 19Tupu atura to ratou taitaia, e kua ui tataki tai maira ratou katoa kiaia, Ko au ainei? e kua pera rai tetai, Ko au ainei? 20Kua karanga atura aia kia ratou, na ko atura, No te tino ngauru ma rua nei, ko tei tutou kapipiti o maua rima ki roto i te kapu nei. 21#Mata 26:24; Luka 22:22Te aere nei rai oki te Tamaiti a te tangata nei mei tei tataia nona ra; ko taua tangata ra e pikikaa mai i te Tamaiti a te tangata nei, e ae oki aia! e ngari ake te reira tangata naringa kare i anau mai.
22 #
Mata 26:26; Luka 22:19; 1 Kori 11:23 E te kaikai ra ratou, kua rave iora Iesu i te manga, kua akameitaki atura, vavaʼi iora, tuku atura kia ratou ra, na ko atura, Ka rave, ka kai; ko toku kopapa teia. 23Kua rave iora aia i te kapu, e oti akera i te akameitaki, tuku atura kia ratou ra, kua inu iora ratou ravarai. 24Kua na ko atura aia kia ratou, Ko toku toto teia, no te koreromotu ou ra, tei akamaringiia no te tangata e manganui. 25Koia mou taku e karanga atu kia kotou nei, Kare rava au e inu akaou i to roto i te ua vine nei, e tae uatu ki te rā e inu e au ei te wina ou i te basileia o te Atua ra.
26 #
Mata 26:30
E oti akera te imene, aere atura ratou ki vao i te maunga ra i Oliveta. 27#Mata 26:31Kua karanga aturā Iesu kia ratou, Ei teianei po e maitu ei kotou katoa iaku nei: kua oti oki i te tataia e, #Zeka 13:7“E pāpā au i te tiaki, e ka pueurikiriki ke oki te mamoe.” 28#Mare 16:7E kia tu akaou mai au ra, e na mua au ia kotou i te aere ki Galilea. 29Kua #Mata 26:33,34; Luka 22:33,34; Ioa 13:37,38tuatua mairā Petero kiaia i reira ra, Kia maitu te tangata katoa ia koe, kare takiri au nei. 30Kua na ko aturā Iesu kiaia, Koia mou taku e karanga atu kia koe, Akonei tikai, ei teianei po, kare e tae ki te rua o te kakaoa anga moa, kua tu toru oou uuna anga iaku. 31Kua tuatua viviki ua maira aia, Mate ua atu au ia koe na, kare rava ïa au e uuna ia koe. Kua pera maira oki ratou ravarai.
32 #
Mata 26:36; Luka 22:39; Ioa 18:1 E tae atura ratou ki tetai ngai, ko Getesemane te ingoa, kua tuatua maira aia ki tana au pipi, E noo kotou i ko nei, kia pure au. 33Kua arataki katoa atura aia ia Petero, ia Iakobo, e ia Ioane, rokoia iora aia e te rikarika, e te teiaa tukituki. 34Kua tuatua maira aia kia ratou, #Ioa 12:27Kua pini rava toku vaerua i te mamae mate maata: ka noo kotou i ko nei, e ara. 35Aere atura aia ki mua itio, tipapa iora ki raro i te one, pure iora e, kia tika ra, kia akaoraia aia i te reira ora. 36Kua na ko atura, #Roma 8:15; Gala 4:6E Aba, e taku Metua, #Ephe 5:7e tika te au mea katoa ia koe; e taoi ke atu i teianei kapu; #Ioa 5:39; 6:38kia tupu ra toou anoano; auraka toku. 37Kua oki maira aia, e rokoia maira, te moe ra ratou, kua na ko maira kia Petero, E Simona, te moe na koe? kare e tika kia ara koe i te ora iti okotai? 38E ara, e pure, kia kore kotou e rokoia e te timataanga: #Roma 7:23; Gala 5:17kua tika oki i te vaerua, te parukaua nei ra te kopapa. 39Kua aere akaou atura aia, e pure, okotai rai oki pure. 40E kia oki akaou mai aia ra, rokoia maira, te moe rai ratou, (i teimaa oki to ratou mata,) kare rava a ratou e tuatua kia tuatua mai kiaia ra. 41Kua oki maira oki aia, ko te tu toru ïa, kua na ko maira kia ratou, Ka moe ra, e kia anga marie te roi; oti ra ua, kua #Ioa 13:1tae ki te ora; i na, kua tukuia te Tamaiti a te tangata nei ki te rima o te aronga ara. 42#Mata 26:46; Ioa 18:2,3Ka tu, e taki aere tatou: i na, te vaitata mai nei te pikikaa mai iaku nei.
43 #
Mata 26:47; Luka 22:47; Ioa 18:3 E i reira ra, kare i oti taua tuatua nana ra, ko Iuda, tetai o te tino ngauru ma rua ra, kua aere maira ma te urupu tangata maata oki, ma te koke e te rakau no ko mai i te kau taunga nunui ra, e te au tata tuatua, e te aronga pakari ra. 44Kua tuku ana oki taua pikikaa ra i te akairo ia ratou, na ko atura, Ko te tangata taku e ongi atura koia ïa; ka opu atu iaia, ka arataki marie atu ei. 45E tei te tae mai anga aia ra, aere atura kiaia, na ko atura, E Rabi, Rabi; kua ongi atura oki iaia.
46Kua rave maira to ratou rima iaia, opu maira. 47Kua unui akera tetai o ratou i tu i vaitatao i te koke, tapotu atura i te tavini o te taunga maata ra, motu ke atura tona taringa. 48#Mata 26:55; Luka 22:52Kua karanga aturā Iesu na ko atura kia ratou, I aere mai kotou e opu iaku, ma te koke e te rakau, mei te mea e e keia ra? 49I noo ua na oki au i rotopu ia kotou i te au rā katoa, i te apii anga i roto i te iero, kare kotou i rave mai iaku i reira; #Sala 22:6; Isa 53:7&c; Luka 24:37; 22:44kia tupu ra te tuatua i tataia ra e tikaʼi. 50#Sala 88:8; Mare 14:27Kua akaruke iora ratou katoa iaia, oro atura. 51Kua aru maira tetai tangata ou iaia, ma te kakau pu ki rungao iaia: kua opu maira te au vaeau iaia. 52Akaruke iora aia i tona kakau, oro ua atura ma te kakau kore.
53 #
Mata 26:57; Luka 22:54; Ioa 18:13 Kua arataki atura ratou ia Iesu ki te taunga maata ra: kua putuputu oki te kau taunga nunui katoa, e te aronga pakari ra, e te au tata tuatua i reira. 54Kua aru aturā Petero iaia i muri roa, e tae atura ki te koro o te taunga maata ra, noo iora e te aronga tavini katoa, e murumuru iaia orai i te ai. 55#Mata 26:59Te kimi ra oki te kau taunga nunui ra, e te Sunederi katoa ra, i te kite ia Iesu, kia akaapa atu iaia kia mate; kare ra i kitea. 56E manganui oki tei tuku mai i te tuatua pikikaa iaia ra, kare ra ta ratou tuatua i tika. 57Kua tu akera ki runga e tokotai, kua tuku maira i te tuatua pikikaa iaia, na ko maira, 58Kua kite matou iaia i te tuatua anga e, #Mare 15:29; Ioa 2:19E vavaʼi au i teianei nao i angaia e te rima tangata nei, e kia po toru anake, kua akatu akaou au i tetai, tei kore i angaia e te rima. 59Kare katoa ta ratou tuatua i tika i reira. 60#Mata 26:62Kua tu akera te taunga maata ra i rotopu, e kua ui ia Iesu, na ko maira, Kare koe e tuatua mai? eaa ta nga tangata nei i tapepe mai ia koe nei? 61#Isa 53:7Te muteki ua ra aia, kare i ki ua atu. #Mata 26:63Kua ui akaou maira te taunga maata, na ko maira kiaia, Ko te Mesia aina koe, te Tamaiti a te Meitaki ra? 62Kua karanga aturā Iesu, Ko au ïa; #Mata 24:30; 26:64; Luka 22:69ka kite oki kotou i te Tamaiti a te tangata i te noo anga i te rima katau o Tei mana ra, e te aere anga mai na runga i te tiao rangi. 63Kua aae atura taua taunga maata ra i tona kakau, kua na ko atura, Eaa ua atu rai to tatou kite? 64Kua kite akenei kotou i te akakino Atua nei: eaa to kotou na manako? Kua tuatua akaapa maira ratou ravarai iaia, ka tau iaia te mate. 65Kua tutua atura etai pae i te uavare ki rungao iaia, e i akapuroku maira etai i tona mata, moto atura, na ko atura, Ka akakite mai ana i tei moto ia koe na: papaki atura oki te au tavini iaia i to ratou kapu-rima.
66 #
Mata 26:58,69; Luka 22:55; Ioa 18:16 E te noo ua rā Petero ki raro i roto i te koro, kua aere maira tetai tavini vaine no taua taunga maata ra: 67E kite atura aia ia Petero i te murumuru anga iaia orai, kua tiroi matariki atura iaia, na ko atura, I reira katoa oki koe ia Iesu i Nazareta ra. 68Kua uuna iora aia, na ko maira, Kare au i kite, kare katoa oki au i kite i taau i tuatua mai na. Aere atura aia ki vao i te tomoanga ra; e kua kakaoa iora te moa. 69#Mata 26:71; Luka 22:58; Ioa 18:25Kua akara akaou atura tetai tavini vaine iaia, kua tuatua akera ki te aronga i tu i vaitatao ra, No ratou teianei tangata. 70Kua uuna akaou iora aia. #Mata 26:73; Luka 22:59; Ioa 18:26E roa iti akera, kua tuatua maira te aronga i tu i vaitata ra ia Petero, Koia tika rai no ratou koe nei; #Anga 2:7e tangata Galilea oki koe, te tau ra oki toou reo. 71Kua tao iora aia i reira ra, ma te taputou, Kare takiri au i kite i teianei tangata ta kotou i tuatua na. 72#Mata 26:75Kua kakaoa iora te moa, ko te rua ïa o te kakaoa anga. Kua manako akerā Petero i ta Iesu i tuatua mai kiaia ra e, Kare e tae i te rua o te kakaoa anga moa, kua tu toru oou uuna anga iaku. Maara akera aia i te reira, aue iora.
The Holy Bible in Cook Islands Maori, Reprinted from the edition of 1888 © United Bible Societies, 1972.