MARKKC 3
3
Alagc Sana:la Gvnc Tani:dc
(Met 12.9-14; Lu:k 6.6-11)
1Lckoda Bv kumko okumdo gva:to, odokkc odo alagc sana:la gvnc alag kanc tani:ko dungai. 2Odokkc bulu Bvm kami:to, yoddo longgcm bvm csa:moyckuji csa:mokuma:ycji cmna, odomvlo bulu Bvm aima:pc lula:pc cmna. 3Odokkc Bv tani:dcm sckkc sana:la gvnc alagc dungaji luto, “So:pc gva:tok.” 4Odokkc Bv bulum luto, “Lujvgluro lukampc yoddo longgcm ainc agercmyc: aima:n agercmyc gerpa:don, turnamko moturpa:donci cdcma:mvlo mokepa:donci?”
Cmpige:la bulu aso:pc dungkang. 5Odokkc Bv bulum aglvngsa:la kanggo:suto, asinkvdv:dok tornamkokki mc:yingko mcngkang, odokkc tani:dcm luto, “Nok alagdcm laglentok,” Bv cdcm laglento odokkc bvk alagdc aikangku. 6Parisi:kvdv:dc gvlenamkang, odokkc Bvk mc:rupc Herodkc tani:kvdv:dokki ru:suto, kapc Bvm mokepcikc cmna.
Siycng Ru:yido Tani:kcrcng
7Jisubv Bvk agom tadjvgla gvmvnnc tani:kvdv:dokki siycng ru:yipc gvlenkang, odokkc Galildokkc bojcrungko tani:yc yadkumsula yadmvnkang; 8Odokkc Judia:dokkc, Jerusalemdokkc odokkc Idumiadokkc, Jordan kekonolokkc odokkc Ti:rolokkc odokkc Sidondokkc bottcru:nc tani:kcrcngc, Bvk gernam appv:dcm tadla: tadla, Bvkkolo:p gvkang. 9Odokkc Bvk agom tadjvgla gvmvnnc tani:kvdv:dcm ollungko mosv:dopc tani:kvdv:dok lcgangc luto, ckvma:mvlo Bvm bulu nv:rumbomyc; 10Kapila:nc Bv bulum bojcrungcm csangamotoku, cmpige:la sckkc sckkc kinamc dunganc Bvm nvnga:bomna Bvm gakkvpc cmna ikang. 11Odokkc cdvlo: aima:nc yalokvdv:dc Bvm ka:begdaganc, bulu Bvk kcra:do kcda: dagai odokkc jc:dagai, “No Ru:ncpvnckc Aowo.”
12Odokkc Bv kvnggv:pc lurvdla Bvm kinapdopc lugo:ma:dopc lutumto.
Vyvngkolang Anyidcm Jisubv Balennam
(Met 10.1-4; Lu:k 6.12-16)
13Odokkc Bv adi:talc:pc re:sangkang, odokkc sc:kobulum Bv mc:tonc Bvkkolo:pc goga:to; odokkc bulu Bvkkolo:pc gva:to. 14Odokkc Bv vyvngkolang anyidcm, Bvk lcdulo du:mvndopc, 15odokkc agom lutadkapc gvdopc mclvgpc cmna, uikvdv:dcm mcnpakla:nam kemotangcm pa:dopc:
16Simonmc sc:kobvm Pitor cmna mintcmna minkanc; 17Jakobmc Jebidi:kc awodcm odokkc Jakobkc bvro Jo:nmc, sc:kom Bv Boanerges cmna mintcmna minnvgkaji, cdcm, do:mvr mvrnamdok awokvdv:dc; 18Andriwumc, odokkc Pilipmc, odokkc Bartolomiwmc, odokkc Metiumc, odokkc Tomasmc odokkc Alpaeuskc awo Jakobmc, odokkc Taddaeumc odokkc Kananolok Simonmc, 19odokkc Iskariotolok Juda:mc sc:kobv Bvm mirupc tolvgtonc.
Jisubv:lang Beeljebulbv
(Met 12.22-32; Lu:k 11.14-23; 12.10)
20Odokkc Bv okumpc gvkangku; odokkc yadkumsunc tani:kvdv:dc lckoda lckopc yadkumsukang, cmpc bulu dolang tv:langcitomang. 21Odokkc cdvlo Bvk ope:dc cdcm tadbegtonc, bulu mo:rongolo:pc Bvm ycnggapkapc gvlenkang, kapila:nc tani:kvdv:dc lutaksudagai, “Bv simatkang!”
22Odokkc ainc agom luyirnckvdv:dc sc:kobul Jerusalemdokkc gvdaganc luto, “Bvm Beeljebulc pa:dung, odokkc uikvdv:dok migom awodokki Bv uikvdv:dcm mcnpakdung.”
23Odokkc Bv bulum Bvkkolo:pc goga:to, odokkc bulum kvkanbila kvnam do:yingki luto, “Kapcnu uiyc uiycm mcnpakla:ycncm? 24Migom dungko amongkonc avyc angu angusumvlo, cdc amo:dc du:la:ma:yc. 25Odokkc okum akonc ayvkc crangkvdv:dokki angusumvlo cdc okumdc du:la:ma:yc. 26Odokkc uiyc ayv ayvdc ayvkc lcgangc darobmvlo odokkc angusumvlo, bv dagla:ma:yc, cmpige:la cdc du:la:ma:ycbong.
27“Ckvdaggom tornc tani:dcm ycnggabpo:danna yc:po:ma:mvlo, sc:kosin tornc tani:lok okum ara:lo:pc gva:la; attarkvdv:dcm rodla rodkutla:mayc.
28“Aropakpc, ngo nolum lubidung, tani:among kvdv:dokkcm appvng Pa:pkvdv:dcm mc:yinsuycku, odokkc Ru:ncpvncmc aima:pc okkomci bulu luycsong; 29cmpige:la sc:kobvi Angunnc Yalodcm aima:pc luycnc cdvlosin yogma:nc pa:binamlok imurc bvkkolo du:yc” 30Kapila:nc bulu luto, “Bvkkolo aima:nc yaloko dung.”
Jisukc Ancdc:lang Bvrrangkvdv:dc
(Met 12.46-50; Lu:k 8.19-21)
31Odokkc Bvk ancdc:lang Bvk bvrrangkvdv:dc gvdo; odokkc mo:rongolo dungge:la tani:ycm mca:lvgla Bvm goglenmoto. 32Odokkc tani:yc kcrcngko Bvk kcra:do dungai; odokkc bulu Bvm luto, “Nok ancdc:lang nok bvrrangkvdv:dc mo:rongclc dung, nom mala.” 33Odo Bv luto, “Sc:kobulun ngok annclang bvrrangkvdv:dc!” 34Odokkc Bvk dungkodo du:nckvdv:dcm kanggo:suge:la Bv luto, “Sc:buluna ngok annclang bvrrangkvdv:dc! 35Sc:kobvi Ru:ncpvnckc mcngkamdcmpc iycnc bv ngok bvrrangc, odokkc bvrmc, odokkc annc.”
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.