METIU 16
16
Mcngapla:ma:nam Agerko Lcngkanru:tei Cmnam
(Mark 8.11-13; Lu:k 12.54-56)
1Odo Parisi:kvdv:dclang Sadduki:kvdv:dc gva:to, odokkc Bvm ankang kangkvpc cmna bulu Bvm taycngamo:tok kanggodko lcngkantok cmna lulvgto. 2Bv bulum lubito, “Yumc ayir a:ycmvlo, nolu ludo, ‘Do:rc:ycpc: kapila:nc domvrtc lv:dag.’ 3Odokkc ro:ycmvlo ludo, ‘Silo: bottcn csar sarycpc, kapila:nc do:mvrtc lv:dag odokkc mvrdung.’ Nolu do:mvrtcm ka:begnamdcmpc lulenlua:la lubila:dag, ckvdaggom ayirlok anggodkvdv:dcm lulen-lua:la lubila:mang. 4Aisi:ma:nc odokkc aminc:ng langgo:nc ope:yc kanggodko ka:pc cmna madag, ckvdaggom Jona:mc lcngkannam kanggoddok angupc oko kanggodcmsin lcngkanma:yc.” Cmpige:la Bv bulum mcpakto odokkc gvpakgcto.
Parisiclang Sadduki:kvdv:dok Komirang
(Mark 8.14-21)
5Cdvlo agom tadjvgla gvmvnnc tani: kvdv:dc kekondo:pc kongko:la ko:pv:tonc bulu pitang aborkosin bompcnammcm mitpanto. 6Jisubv bulum luto, “Parisi: kvdv:dok odokkc Sadduki: kvdv:dok go:sa:bonc komircm ansutoka.”
7Odokkc bulu buluk ara:lo agom luka:mvnsuto, scmpc lula, “Ngolu pitang aborkosin bomtomang.”
8Cmpige:la Jisubv, cdcm ansula, luto, “C:i adji:oko mc:jvgnckvdv:nga, kapila nolukkc pitangc kamang cmna nolu akonc akoncm luka:mvnsudun? 9Nolu su:paksin mcnga:la ka:ma:danci? Nolu lv:ying anggo tani:dok pita:borngodcm mc:pa:ma:nci, odokkc nolu cddv gempakojc gingkumsutonc? 10Cdcmanggom lv:ying api:dok pita: borpi:dcm, odokkc cddv gempakopc nolu gingkumsutonc? 11Ngo pitang agomcm lumangai cmna nolu cdcm kapila mcngkinma:n? Parisi:kvdv:dok odokkc Sadduki:kvdv:dok go:sa:bonc komircm ansutoka.”
12Odo bulu mcngkinto Bv:jc bulum pita:lok komircm lumang cmna, ckvdaggom Parisi:kvdv:doklang Sadduki:kvdv:dok luyirnam kvdv:dcmmvnc: ludang.
Jisukc Agomcm Pitorbv Lulennam
(Mark 8.27-30; Lu:k 9.18-21)
13Odokkc cdvlo Jisubv Kaesarea Pilipi: jilado:pc gvtonc, Bvk agom tadjvgla gvmvnnc tani:kvdv:dcm tawuto, “Tani:lok awodcm tani:kvdv:dc okko cmdang?”
14Odokkc bulu luto, “Akke ludag Jo:n Baptismo bincbv, akedc ludag Elija:bv, odokkc akedc Jeremia:bv:manggom Ru:ncpvnckc agom lungornckvdv:dok akonc.” Bv bulum luto.
15“Ckvdaggom nolu sc:kobv cmna ngom mc:dang?”
16Simon Pitorbv luto, “No:na Kristodc, turra du:nc Ru:ncpvnckc Awodc.”
17Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto. 18Odokkc ngo ludung, no Pitorc odokkc odo vlvng taycdo ngok mondoli:ycm molvgyc odokkc uiamongcsin mopenla:ma:yc. 19Ngo nom taycng among migomkc dungko mo:pvdok sabi:dcm biyc, odokkc okodcmci no mo:pvso edkabycnc cdcmci taycngamo:to edkabyc, odokkc okodcmci mo:pvso edge:ycnc cdcmci taycng amo:to edge:yc.”
20Odo Bv kvnggv:pc Bvk agom tadjvgla gvmvnnc tani:kvdv:dcm Bv Kristobv cmna lulvgko luto.
Jisubv Bvk Ipusire:clang Sinam Lubinam
(Mark 9.2-13; Lu:k 9.28-36)
21Odo ayirdokkc Jisubv Bvk agom tadla gvmvnnc tani:kvdv:dcm Bv:jc Jerusalempc gvpc iyc odokkc abv:nc kinncpa:nc kvdv:dokkcm odokkc poyirnckvdv:dokkcm ipusire:ycm pa:pcnammc, odokkc mokeycpc, odokkc lowumlo turmoycku lcngkanrobomkang. 22Odokkc Pitorbv angupc gvyodboge:la Bvm lutckla lurobbomkang, scmpc lula, “Ru:ncpvncbv ayang-aboka:langka, Ru:tuma! Cdcmpc cdvlosin nokkolo ima:yc.” 23Ckvdaggom Bv gvkutsuto odokkc Pitormc luto, “Ngok lamkupc gvkang, Satana! No ngokkcpc invgsikorncko; kapila:nc no Ru:nc pvnckcpc imang, cmpige:la tani:kvdv:dokkcpc idag.”
24Odo Jisubv Bvk agom tadjvgla gvmvnnc tani:kvdv:dcm lubito, “Tani: akonc ngok lcdulo gvmvnpc mc:ycnc, bvm avdc avycm cmmumc cmna lusumotok odokkc bvk kurusdcm jo:motok odokkc ngok lcdulo gvmvnmotok. 25Kapila:nc sc:koi bvk turnamcm moturru:ycnc cdcm yogmoyc, odokkc sc:kobvi ngok lcgangc bvk turnamcm yogmoycnc bv cdcm pa:yc. 26Kapila:nc tani: akodokkcpc bv sc mo:pv rcngam appv:scm pa:do odokkc bvk avkc turnamdcm yogmodomvlo cdc okkom pa:ycn? Cdcmanggom tani: akonc bvk turnamdok lcgangc okkom bila:ycn? 27Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku. 28Aropakpc, ngo nolum lubidung, sc akke dagla dung sc:kobulu sinamcm pangkvma:ycnc bulu Tani:kc Awodcm Bvk migom doko mo:pvdo ka:begma:sisscm.”
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.