JON AbEng jetthuk
AbEng jetthuk
Jon ma raangwah Nginkongsen pumma Jisu pa roantang roangjêng rãng Joban jabkhab ngama khesok eka, “atea mihnyan nyuchharãng danglahma nãngkhu demnâng sôngtông katwah.” Titab pumma ngaeka, are Nginkongsen raang ekapa are titab weihte hehma Jisu pa Joban ma mihnyan nyuchha pângte kohmin ngama toamsem tahpa ngama chenjetwak a, ngale atea Joban Chha, ngale thinma atenâng putedâlem junma thinkhope chohmin ngama chenjetwak a ngama raangeka (20.31).
Jisu pa roantang roanjêng Joban jabkhab ngama jetthuk diko, are Nginkongsen kowah khebeng thôanko, rongrup patritli moatlem moeka heh junma Jisu pa Joban Chha ngale atema Pângte kohmin ngama toamsem tahpa ngama khesok eka. Ngale areko patritli moatlem ngin hehmin thôkoh ehi. Are titab pumma Jisu nâng mihnyan heh chenroh putedâlem lahma ate dijunte rãng dangtah a erengin hehmin thôkoh ehi, ngale khuka hehma atenâng leputedâlem thangma ate lelatnâng dangeka ngin hehmin thôkoh ehi. Nyapkha 13-17 ko Jisu ate loatkhhekjâ rangpen ko ate dijunte heh demnâng chenroh aroamma dangtah a erengin heh raangeka, ngale ate rittekjâ sanhêmthah ko Jisu ma ate dijunte hehnâng rîn akhah ngin heh raangeka. Khedithôan kowah nyapkhako Jisu loatkhhek ngin, chêmsiet ngin, ate rittek ngin, ngale ngaksatwâng ngin, ngale ate ngaksatwâng diko ate dijunte heh tânâng loathông ngin heh raangeka.
Dihiaknyu dela demnâng kaamchhih molahma chohloat ngin (8.1-11) pa raangeka, phumma khakanâng leraang thangmemin etonga, ngale wanwanthe ma johraang lahmemin tonga.
Jon ko Krista junma roantang roanjêng roandông choh nginkong raangeka, are hînhô pa athângheh ma bângchoh lihma khediko henhenma Jisu pa lemkhô, toangtang ngale roandông ngama putedâlem eka ereheh memin chohmin. Jon titab kowah wanthe nyahrãng asenthôan pa dangeka, Ju ngewah nginlinlin pa tâjetrãng nãngma jengrewah kep aloeki chhahkhem hehnâng thakthô lahma ju ngenâng thakmîn lahma raangeka, jo, phhekchhah, wenphiak, saaksokte ngale ate saak heh, erediko angurbãng ngale anguri hehnâng thakthô lahma raangeka.
Arekowah heh aroh phenraang eka
Abeng jetthuk (1.1-18)
Jon baptis ngale khebâng thôan Jisu dijunte heh (1.19-51)
Jisu ma mihnyan heh tânâng Joban moatlem moatngin (2.1—12.50)
Athôan rangwo jâko Jeroselem ngale jeroselem kêanâ wah hah hehnâng (13.1—19.42)
Teso ngakhinwâng ngale ate loathông ngin (20.1-31)
Athôan: Galili nâng loathông ngin (21.1-25)
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.