IRPHUTNA 1
1
Thilsiam thurchi
1Pathianin a phut taka irnêng le irvân a siama, 2rammual hi mumalboi le a korong ringot a nia; tui inthûk tak chung khom an thim khaka; Pathian irtha khan tui chunghai chu a op maia. 3#2 Kor 4.6 Khan Pathianin, “Vâr hong om ri se” a tia; khanchu vâr a hong om ta. 4Khan Pathianin vâr chu a ena, a sa a ti oka; khanchu Pathianin vâr le inthim chu a’rsentir ta. 5Pathianin vâr chu “Sûn” a tia, inthim chu “Zân” a tia. Khanchu a sûn khatna zîng le khohloi a om tâka.
6 #
2 Pet 3.5
Khan Pathianin, “Tui le tui kâra khan boiruak liantak om sianlân, kha khan tui le tuihai chu irsen ri se,” a tia. 7Khanchu, Pathianin, boiruak lian tak chu a siama, boiruak lian tak hnuaia tui omhai le boiruak lian tak chunga tui omhai chu a’rsentir tâka. Khaang tak khan a hong ni ta. 8Khan Pathianin boiruak lian tak chu “Irvân” a tia, khanchu khohloi a oma, zîng tiang a oma, kha kha sûn hnina.
9Khan Pathianin, “Irvân hnuaia tui omhai chu hmunkhata luang khôm sianlân, mual le tâng chu inlang ri se,” a tia. Khanchu khaang tak khan a hong ni tâka. 10Pathianin mual le tâng chu “Irnêng” a tia, tui om khômhai chu “Tuipuihai” a ti tâka, khan Pathianin kha kha a ena, a sa a ti zapa. 11Khan Pathianin, “Irnêngin hloisûl, chîmu, thei kunghai, irnênga an chi om dân hrang anga ra, a ra sûnga a chi omhai chu hong ra suak ri se,” a tia. Khanchu, khaang tak khan a hong ni ta. 12Khanchu irnêngin hloisûlhai, chîmuhai an mâni chi om dân hrang anga chi neihai, thing an mâni chi om dân hranga ra, a ra sûnga a chi omhai chu an suak ta. Khan Pathianin a ena, a sa a ti zapa. 13Khanchu khohloi a oma, zîng a oma, kha kha sûn thumna.
14Khan Pathianin, “Sûn le zân irsentir hrangin irvân boiruak lian taka khan vârhai om sianlân; khahai kha irsinsiana hai, zoro hai, sûn hai le kumhai inhriatna hrang ni ri se, 15irnêng invâr hrangin irvân boiruak lian taka khan vârhai om ri se,” a tia. Khanchu khaang tak khan a hong ni tâka. 16Khan Pathianin vâr roiinpuitak inhni khi a siama, vâr roiinpui ual kha sûn roirêltu hrangin a tia, vâr roiinpui loi ual kha zân roirêltu hrangin; ârsihai khom khi a siam sa. 17Khan Pathianin an nihai kha irnêng invârtir hrangin irvân boiruak liantak chunga khin a siaa; 18sûn le zân chunga roirêl hrang le vâr le inthim chu irsentir hrangin, Pathianin kha kha a ena, a sa a tia. 19Khanchu khohloi a oma, zîng a oma, kha kha sûn minlina. 20Khan Pathianin, “Tuihaiin thilsiam hringna nei tamtak insua mai sianlân, vatehai khom irnêng chunga irvân boiruak liantak inhonga hin vuang sup sup ri sehai,” a tia. 21Khanchu Pathianin tuipuia sa liantak takhai a siama, thilsiam hringna neia châng thei tinrêng, tuia insua tâkhai kha, an mâni chi om dân hrang ang takin a siama, va mitha nei tinrêng khom an mâni chi omdân hrang ang sengin a siam. Pathianin kha kha a ena, a sa a tia. 22Khan Pathianin, “Irchi tamtak nin irchi ata hong pung unglân, tuipuihaia hong sip roi, vâhai khom irnênga pung ri sehai,” tiin sat a vura. 23Khanchu khohloi a oma, zîng a oma, kha kha sûn ringana.
24Khan Pathianin, “Irnênga thilhringhai chu an mâni chi omdân lam angin sa murdi an omdân ang chitin om ri se,” a tia. Khanchu an hong om tâka. 25Khanchu Pathianin ram sa, insûng sa an chi omdân hrang siamin le irnênga bokvâka thilhring murdi a isiamhai kha a ena, khan Pathianin a sa a ti tâka.
26 #
1 Kor 11.7
Khanchu Pathianin, “Ama irangpuiin mihriama siam inlân, tuipui sûnga nga le chunglêng vahai, le sa murdihai chunga irnênga bokvâka thilhring murdihai chunga ircham inneitir ki ti,” a tia. 27#Mt 19.4; Mk 10.6 Khanchu Pathianin ama irangpuiin mihriam a siama, ama ang zekin pasal le nupang a siama. 28#Irp 5.1-2 Khanchu Pathianin sat a vurhaia, Pathian ngêtin an kuang khan, “Irchi tamtak sema pung hrangin, irnêng chung hi lua sipin, nin ircham takin inomtir roi, tuipui sûnga ngahai chunga, chunglêng vahai chunga khom, thilhring irnêng chunga bokvâka fe murdihai chunga ircham nei roi,” a tia. 29Khanchu Pathian ngêtin, “Irngai roi, irnêng chunga chîmu tinrêng le thing tinrêng thing ra nei murdi nangni ki ipêk a ni, nin bu hrangin. 30Khan irnênga sa murdihai kôla khom, chunglêng va murdihai laia, thil irnênga bokvâka fehai laia khom, hringna nei murdihai kuanga khom, an bu hrangin sûlhringhai ki ipêk a ni,” a tia. 31Khanchu Pathianin a thilsiam murdi a ena, irngai ro, a sân a sa a ti oka. Khanchu khohloi a oma, zîng khom a hong om tâk a ni, a sûn rukna chu.
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.