熱門經文出自 लुका 23

分享

अनि येसुन बाज्‍ले, “हे ब्‍वा, हेल्‍काइ माफ गर्‌खन किनारइभने हेल्‍किन केति गर्‌तिन आछत हेल्‍काइ था बइने।” अनि सिपाइकिन चिठ्‌ठा हालिके येसुकर लुगा आफि-आफिनाइ बाड्‌ला।

येसुन होलाइ बलल्‍ते, “साँच्‍चि मुइ तुइलाइ बल्छु, आज ने तुइ मुइसिन स्‍वर्‌गनाइ हक्‍नार आछस।”

ह्‍व पछि होइनिन येसुलाइ बलल्‍ते, “हे येसु, तुइ आफ्‍ने राज्‍यनाइ आइतिन मुइलाइ पुनि सम्‍जि।”

अनि बड्‌खो सोरिन साराइतिन येसुन बाज्‍ले, “हे ब्‍वा, मुइ मोर आत्‍मा तोर हातनाइ दिछु।” ह्‍य बाजिके येसुन परान त्‍याग्‍ले।

जब होलत खप्‍परे बल्‍ल ठउँनाइ आइपुग्‍ला, उछि होल्‍किन येसुलाइ कुरुसनाइ झुन्‍डाइला र ह्‍व दुइटाइ अपराधिल्‍काइ पुनि एउटोलाइ येसुकर दाइने पटि र अर्‌कोलाइ देब्‍रे पटिकर कुरुसनाइ झुन्‍डाइल्याक।

लगभग दिउँसो बार बजेसिन तिन बजे सम्‍म सारा देसनाइ आँधारिन छोपल्‍ते। घामिन पुनि उज्‍यालो बइदिल्ते र मन्‍दिरनाइ टाङ्‌ल पर्‌दा उप्‍रसिन हेठ्‌ठसम्‍म दुइ भाग हकिके च्‍यात्‍तिल्‍ते।

इन्‍खा हक्‍ल देखिके कप्‍तानिन परमेसोरकर पर्‌सन्‍सा गर्‌तिन बाज्‍ले, “साँच्‍चि ने ह्‍य मानुस धर्‌माति रइलसइ।”