熱門經文出自 John 14

分享

“Nga nim ma nungmay sha ko phang, inungmay sha nim ma kochey phang. Mingkang eq chamal kot aa nga nim ma eshimal kopha mong. Nim tin nak cham shit aa etho nim nak cho inn.

Jesu aa piq ma batta, “Nga raa hun lam, asing etho rollung; nga lit eq utang tho Iwa relnáng jin thumoq.

“Nim tin nak tashit inn; Shkewa ma kam shing inn etho ngama tho kam shing inn.

Etharin Rapnongtey Asang Tsija sha Iwa imiing o takat phana, piq aa nim ma thaji raaq sha tatal kopha nin, etho chamtan nga nang ma bat taphang tang sha piq aa nim ma tasik kot phanin.”

“Utang eq iraaqkhat han aa etho iraaqkhat tat eq tong aa, piq aa hun ngama tinmat shing aa. Iwa tho ning ma tinmat shing na; nga tho ning ma tinmat shing náng etho nga ning ma takhi náng.”

Nga Iwa ching wang chu ang jo, piq aa nim ma adak rok nongtey kot na, piq salwet nim jamna tong na. Piq Asing Tsija, bara Shkewa asing sha nim ma takhi na. Mingkang miqtang eq piq sha jin kap moq, chammatakoi ning aa piq tha khimoq etho sammoq. Nim aa piq usam eq inn chammatakoi piq nim jaktung o tong aa, etho piq nim o angna.”

Chamlang otho nim aa imiing o chu nin nga usom eq náng, eshimal ang ajo Iwa phun amun sha Miqwasa o takhi na. Nim aa imiing o chamlang chu inn jo tho nga somlo eq náng.”

“Nim aa ngama tinmat angta phin jo i raaqkhat tang sha utat eq nin.

Iwa himna himkhok daqhan ang aa, ahung angta jo nga nim ma bat kot eq chak wang taphang, chammatakoi nga nim rangma haq ban kacha wang ang.

Nga wang eq nim rangma haq ban kacha wang ang jo nga wey kaphang jo ijamoq nim sol chuwan phanáng, nga barina tong náng eshina nim tho utong angnin.

Thomas aa piq ma pitta, “Teyhungwa, nang bari náng ka u sha í aa sammi, lam shi chamal eq sam ni?”