熱門經文出自 Lúcas 8

分享

Umi mba’e ra’ỹi ho’ava’ekue yvy porãme ningo umi ipy’a porãva ha hekopeteguáva, oñongatu porãmba ipy’apýpe ohenduva’ekue guive ha hi’a porã paciéncia reheve.

Umi ho’áva ñuatĩndýpe katu ningo umi ohendúva, ha oho rire, ojepy’apy pláta ha ko yvyarigua rekove vy’a rehe ha upévare ndaikatúi hi’a.

Umi ita ári guare katu ningo umi ohendúva pe ñe’ẽ ha vy’apópe oñongatu ipy’apýpe. Ko’ãva katu ndahapói ojerovia porã hag̃ua, ha og̃uahẽ ramo pe jepy’ara’ã peteĩha opoi jevy ijerovia pyahúgui.

Upérõ Hesu he’i ichupekuéra: Moõ piko oime pende jerovia. Ha’ekuéra ohecharamoitévo, he’i ojupe: Máva piko Ha’e, pe yvytu ha y pochy jepe iñe’ẽrendu ha ojapóva iñe’ẽ (hembipota).

Ha umi mba’e ra’ỹi ho’ava’ekue tapére ningo umi ohendúva, ha voiete ou Satana (aña) oipe’a hag̃ua pe ñe’ẽ oñeñotỹmava ipy’apýpe, ani hag̃ua ojerovia ni ojesalva hikuái.

Ndaipóri voi ningo mba’eve oñemíva ojehechauka porã’ỹva’erãva, térã peteĩ ñemimby ojekuaa porã’ỹ hag̃ua.

Ha upe kuñakarai ohechávo ndaikatuveimaha oñemi, ryryipópe ojeity henondépe ha omombe’upa Hesúpe hetãyguakuéra renondépe mba’éichapa ha’e okuera opoko rire Hesu ao rembe’ýre. Ha Hesu he’i ichupe: Nde jerovia ningo ndesalva, tereho py’aguapýpe.

Ha oñemboja hendápe ha omombáy Hesúpe he’ívo: Mbo’ehára, mbo’ehára, ñañehundítama ningo. Ha Hesu opáyvo okorõi pe yvytúre ha pe y pochýpe, ha okirirĩ ha opiete.