熱門經文出自 Luka 3

分享

E iaia i bapetizo i te au tangata katoa ra, i bapetizo katoaia Iesu, e te pure ra aia, mavete akera te rangi, E kua eke maira te Vaerua Tapu ki rungao iaia mei te kukupa ra te tu, e kua tae maira tetai reo mei runga mai i te rangi, i te na ko anga mai, Ko taku tamaiti akaperepere koe; kua mareka rava au ia koe.

Kua karanga aturā Ioane kia ratou ravarai, na ko atura, Ko au nei, te bapetizo nei ia kotou ki te vai; te aere mai na ra tetai, e mana maata tona i toku, kare au e tau kia tatara i te itiki i tona tamaka: nana e bapetizo ia kotou ki te Vaerua Tapu, e te ai

E tenana ka tuku mai na i te akonoanga tau i te tataraara; e auraka kotou e tuatua i roto ia kotou uaorai e, E metua to matou ko Aberahama: e karanga atu oki au kia kotou, Ka tika i te Atua i te akatupu i te tamariki na Aberahama no roto i teianei au toka.

Te vai nei rai te tarapa i te tumu rakau i teianei; e te rakau katoa kare i ua ma i te ua meitaki ra, ka tipuia ïa, e titiriia atu ki roto i te ai.

Mei tei tataia ki roto i te buka a te peroveta ra a Isaia, i te na ko anga e, “E reo no tetai i te tutu aere anga i te medebara, Ka akameitaki i te arataa o te Atu, e akatika ua i tona aereanga. Kia ope te au o i te akakiia, e kia ope te au maunga e te au tuaivi i te taakaakaia; kia akatikaia te ara mingi, e kia akamaniaia te au ngai pukupuku: Kia kite katoatoa te tangata i te ora a te Atua.”