获取软件उद्दिष्टपूर्ण जीवन जगा!预览
"इतरांची सेवा करा"
इतरांची सेवा करण्याची व्याख्या म्हणजे एखाद्याच्या गरजेला प्रतिसाद देण्यासाठी उपलब्ध असणे. त्या प्रतिसादासाठी आपला वेळ, प्रतिभा, संसाधने आणि प्रयत्नांची आवश्यकता असू शकते; परंतु देवाबद्दलच्या आणि इतरांबद्दलच्या प्रेमातून सेवा करणे हा सर्वात आनंददायक आणि फायद्याचा अनुभव असू शकतो.
“प्रत्येकाला जसे कृपादान मिळाले आहे तसे देवाच्या नानाविध कृपेच्या चांगल्या कारभार्‍यांप्रमाणे ते एकमेकांच्या कारणी लावा.” १ पेत्र ४:१०
“पवित्र जनांच्या गरजा भागवा; आतिथ्य करण्यात तत्पर असा.” रोम. १२:१३
इतरांच्या गरजांना प्रतिसाद देणे अनेक प्रकारे घडू शकते आणि ख्रिस्ती व अविश्वासणाऱ्या लोकांच्या गरजांवर लक्ष केंद्रित करू शकते. स्थानिक मंडळीत वैयक्तिकरित्या किंवा संघाचा भाग म्हणून सेवा करण्याची नेहमीच संधी असते. तुमच्याकडे देण्यासाठी अत्यंत मौल्यवान काहीतरी आहे!
अशा काही संधी देखील आहेत ज्या लोकांशी वैय्यक्तिक संपर्क साधून किंवा फक्त एखाद्याच्या गरजेचे निरीक्षण करून आणि अवांछित सहाय्याने प्रतिसाद देण्याद्वारे उत्पन्न होतात.
तुम्ही दिलेला कोणताही प्रतिसाद, मग तो वेळ, संसाधने, प्रतिभा किंवा केवळ उत्साहवर्धक शब्द असो, ती सेवा करण्याची कृती आहे. परंतु देव हे देखील समजून घेतो की आपण जे देऊ शकतो त्यामध्ये आपल्याकडे मर्यादित क्षमता आहे, म्हणून वचनबद्धता देताना आपण जबाबदारी आणि चांगले नेतृत्व दाखवावे अशी त्याची अपेक्षा आहे.
“प्रत्येकाने आपापल्या मनात ठरवल्याप्रमाणे द्यावे; दु:खी मनाने किंवा देणे भाग पडते म्हणून देऊ नये; कारण ‘संतोषाने देणारा देवाला’ प्रिय असतो.”
२ करिंथ. ९:७
देवाची इच्छा आहे की आपण आनंदाने आपले दान द्यावे. कधीकधी आपल्यापैकी काहींना नाही म्हणणे अवघड असते, परंतु सत्य हे आहे जो आनंद आणि हर्ष आपल्याला मिळावा अशी देवाची इच्छा आहे तो आपण स्वत: चा अतिरेक केल्याने शेवटी गमावू शकतो.
读经计划介绍
आनंदी, उद्दिष्टपूर्ण जगणे नातेसंबंध, प्रेम आणि विश्वासावर आधारित आहे. जर तुम्ही तुमच्या जीवनासाठी देवाच्या योजनेबद्दल अधिक स्पष्टता शोधत असाल तुमचा पाठपुरावा आणि शोधावर लक्ष केंद्रित करण्यात मदत करण्यासाठी या योजनेत स्वतःला गुंतवा. डेव्हिड जे. स्वांड यांनी लिहिलेल्या "या जगातून बाहेर; विकास आणि हेतूसाठी ख्रिस्ती मार्गदर्शिका" या पुस्तकातून हा मजकूर घेण्यात आला आहे.
More
