लूका 3
3
यूहन्ना बाप्तिस्मा आपणारान संदेश
(मत्ती 3:1-12; मरकुस 1:1-8; यूहन्ना 1:19-28)
1तिबिरियुस कैसर ज्यान राजान पंधराव्या वर्षामाय ताहेरया यहूदी राज्यपाल पुन्तियुस पिलातुस एतो. एने ता गलील चौपत भागाम राजामाय हेरोदेस गलतीन, तान बाहाक फिलीप हा ईतुरिया, एने त्राखोनिती ज्याह देशान मांडलिक एने लुसानिया, अबिलेनेनान राजा एतो, 2एने जेवी हन्ना एने कायफा ज्या महायाजक एता, ता टाईमापोर बोगवानान वचन जख-यान सोरो यूहन्नाफाय जेंगलामाय पोचनो. 3तो यार्देनान आस-पासने आखा प्रदेशामाय जाइन, पापान क्षमान केरता एने पश्चाताप केरीन मोन फिरावणेन बाप्तिस्मान ओहलो पोरचार केरणे लागो. 4जीही यशाया भविष्यवक्ता वचनान पुस्तकामाय ओहलो लिखील हि का: “जेंगलामाय एक आयेडणारान शब्द होम्लानो तो ओहलो का, बोगवानान सिडिक तियार केरू, तान वाटू हास केरीन हेल्लीच केर. 5प्रत्येक खोरे बोरी, प्रत्येक डोंगर एने बोयडी सखल एयवाकडी हेल्लीच एती सापराट्यो वाटो सपाट एती. 6एने आखा माणहे बोगवानान किरील उद्धार देखणे.”
7जो ताह बाप्तिस्मा आपणे केरता आवील इही तेवी लोकसमुदयामाय केतेह इही, “हे गेयळेकान सोरा, तुमूह कूण कियील का तुमु आवणारा रोगा से दोवडो? 8ऐवी मोन फिरावो; का पश्चातापान हाजो फोल लीन आवो. एने आपणा मोना माय ज्यो विचार केरूह मा कि आपणो आबुक अब्राहाम हि; काहाकाय मी तुमूह किथु कि बोगवान ज्या देगडा केरीन भी अब्राहामान सोरा बोणाव सेकीह. 9कुराड ऐवी झाडान मूला हेरी मिलील हि, एने जो जो झाड हाजो फोल नाह आपती, तो तोडीन आकठाम टाकणेम आवी.” 10तेवी माणहे एखठा हेते ताह फुसतेन, “तर आमु काय केरणू?” 11तो ताहाच उत्तर आपतेन एतो, “न्यानहेऱ्यो दुय डेगला हेते तास न्यानहेऱ्यो नाहं जेवी वाटीन लेजी एने न्यानहेऱ्यो खाणो हि तान पुण ओहलाच केरणू.” 12पोशो तास ताह बाप्तिस्मा, “हे गुरु, आमु काय केरणे जुवी?” 13तेवी तो ताह कियील, “जोलाक जूइ हि तापेक्षा होवटो टुलू केरूह मा.” 14काही शिपायांनी ताह फुसील, आमु काय केरणे जूइ? तेवी तान ताह कियील, जबरदस्ती कुणीफायरीन धन-दौलत लेहु मा, कुणापोर ठेग-यु आरोप लागाडू मा आपणो पगारात संतुष्ट ओहलो. 15माणहे ताहेरया मटली आशा लीन वाट दिखिह एता एने यूहन्नान बारामाय आपणो मोनाम विचार केरीन एता, कि जोस तर मसीह नाहं ना? 16तेवी यूहन्ना उत्तर आपतेन कियील, “मी ते तुमूह पाण्यानकेरीन बाप्तिस्मा आपथु, पुण जो आवण्यो हि तो मारेहरिन होवटो बलवान हि तो आविह मी तान पायान खाहडान बोंद सोडणेन लायकीन नाहं सोतो तो तुमूह पवित्र आत्मा एने आग्ठा केरीन बाप्तिस्मा आपी” 17तान आथाम तान हुपडो हि, एने तो तान खेत हास केरीन साफ केरी, एने गोव तान कोठाराम मेली, रीगील बुहटाह ता आकठाम टाकी. 18ज्यानहोस ओहला शब्दामाय तो ताह होमजाडीन सुवार्ता किथी एतो.
हेरोदेस द्वारा यूहन्नाह जेलीम टाकणो
(मत्ती 3:13-17; मरकुस 1:9-11)
19ज्याबाद माय यूहन्ना ता चौपत प्रदेशाम मांडलिक राजा हेरोदेस ज्या तान बाहाकन बायकू हेरोदेसिया जीन हेर्यो वाईट संबध एने तान वाईट कामान वजसे धोमकाडणे एने दोष देखाडील. 20जो काही दुष्कर्म जोडीन लीईल ज्यापूर हेरोदेस राजाने यूहन्नाह बोन्दि बोनाडीन लीईल,
यूहन्ना द्वारा यीशुन बापतिस्मा
21जेवी आखा माणहे बाप्तिस्मा लेदा, एने यीशु भी बाप्तिस्मा लीन प्रार्थना केरतालो, तेवी आकाश उगडी गीयो
यीशुन वोच
(मत्ती 1:1-17)
22एने पवित्र आत्मा शरीरिक रूपामाय एने कबुतरान गेत तापुर उतेरनो, एने जी आकाशवाणी एनी का “तू मारो प्रिय सोरो हि, तार बारामाय मी आनंद हि.” 23यीशु तेवी आपणा सेवाकार्यान सुरुवात केरील तेवी तो कोमीत कोमी तीस वर्षान इतू माणहे ताह योसेफान सोरो इही होमजणू योसेफ एलियान, 24तो मतान लेविन, लेवी जो मल्खीनान, मताथा जो यन्नथाचा, यन्नय जो योसेफान, 25योसेफ जो मतीथ्यान, मातीथ्य जो अमोसान, अमोस जो नहुमान, नहुम जो हेल्सीचा, जो नग्गयाचा, 26नग्गय जो महथाचा, महथ जो मतीथ्यान, मातीथ्य जो शिमयान, शिमयी जो योसेखाचा, योसेख जो योदान, 27योदा जो यूहन्नान, यूहन्ना जो रेशान, रेषा जो जरुब्बबेलाह, जरुब्बाबेल जो शाळेतीएलाह, शल्तिएल जो नेरीन, 28नेरी जो मल्खीनान, मल्खी जो अद्दीयाचा, अददीय जो कोसामाचा, कोसाम जो एल्मदामान, एल्मदाम जो एराचा, 29एरा जो यीशुन, यीशु जो एलीयाजारान एलीयेजेर जो योरीमाचा, योरीन जो मताथाचा, मतान जो लेविन, 30लेवी जो शिमोनान, शिमोन जो यहूदान, यहूदा जो योसेफान, योसेफ जो योनान, योनाम जो एल्याकिमा, 31एख्याकिम जो माहूच, माहु जो मिन्नाचा, मिन्ना जो मताथाचा, मत्ताना जो नाथानान, नाथान जो दाविदान, 32दाविद जो ईशायान, ईशाय जो ओबेदान, ओबेद जो बोवाजाचा, बायाक जो सुलेमानान, सल्मोन जो नहशोनाह, 33नहशोन जो अम्मिनादाबान, अम्मिनादाब जो आदमीनाह, एदमी जो अर्नयान, अर्णय जो हेस्त्रोनान, हेस्रोन जो पेरेसान, पेरेस जो यहूदान, 34यहूदा जो याकूबान, याकूब जो ईसाहाकने, ईसाहाक जो अब्राहामान, अब्राहाम जो तेरहाचा, तेरह जो नाहोरान, 35नाहोर जो सरुगाचा, सरुंग जो राउचा, रऊ जो पेलेगान, पेलेग जो एबरान, एबर जो शेलहाचा, 36शेलह जो केनानाचा, केनान जो अर्पक्षादाचा, अर्पक्षाद जो शेमान, शेम जो नोहान नोहा जो लामेखान, 37लामेख जो मथुशलाहान, मथुशेलाह जो हनोखान, हनोख जो यारेदामाय, यारेद जो महललेल्यान, महललेल जो केनाचा, केण जो कनानान, 38एनोश जो शेथाचा, शेथ जो आदमान, आदम जो बोगवानान सोरो.
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.