Matej 1
1
Spisko tare Isusese kuštika
1Kava si spisko tare kuštika e Isusese savo si Hrist, savo sasa potomko e Davideso thaj potomko e Avraameso.
2E Avraamese bijandilo o Isaak.
A e Isaakose bijandilo o Jakov.
A e Jakovese bijandile o Juda thaj lese phrala.
3A e Judase i Tamara bijanda e Farese thaj e Zare.
A e Faresese bijandilo o Esrom.
A e Esromese bijandilo o Aram.
4A e Aramese bijandilo o Aminadav.
A e Aminadavese bijandilo o Naason.
A e Naasonese bijandilo o Salmon.
5A e Salmonese i Rahava bijanda e Vooze.
A e Voozese i Ruta bijanda e Jovide.
A e Jovidese bijandilo o Jesej.
6A e Jesejese bijandilo o caro o David.
A e Davidese, e Urijasi romni bijanda e Solomone.
7A e Solomonese bijandilo o Rovoam.
A e Rovoamese bijandilo o Avija.
A e Avijase bijandilo o Asaf#1,7 ane nesave rukopisura ačhol “Asa”.
8A e Asafese#1,8 ane nesave rukopisura ačhol “Asa” bijandilo o Josafat.
A e Josafatese bijandilo o Joram.
A e Joramese bijandilo o Ozija.
9A e Ozijase bijandilo o Joatam.
A e Joatamese bijandilo o Ahaz.
A e Ahazese bijandilo o Ezekija.
10A e Ezekijase bijandilo o Manasija.
A e Manasijase bijandilo o Amos#1,10 ane nesave rukopisura ačhol “Amon” .
A e Amosese#1,10 ane nesave rukopisura ačhol “Amon” bijandilo o Josija.
11A e Josijase bijandile o Jehonija thaj lese phrala. Sasa gova ano vreme kana e Izraelcuren inđarde ano Vavilon.
12A palo džajipe ko ropstvo ano Vavilon, e Jehonijase bijandilo o Salatiilo.
A e Salatiilose bijandilo o Zorovavel.
13A e Zorovavelese bijandilo o Aviud.
E Aviudase bijandilo o Eliakim.
A e Eliakimese bijandilo o Azor.
14A e Azorese bijandilo o Sadok.
A e Sadokase bijandilo o Ahim.
A e Ahimese bijandilo o Eliud.
15A e Eliudase bijandilo o Eleazar.
A e Eleazarese bijandilo o Matan.
A e Matanese bijandilo o Jakov.
16A e Jakovese bijandilo o Josif, o rom e Marijako, savi bijanda e Isuse akhardo Hrist.
17Golese e kuštika taro Avraam dži o David, dešuštar kuštika, a taro David dži ko džajipe ko ropstvo ano Vavilon, dešuštar kuštika, a taro džajipe ano Vavilon dži o Hrist, dešuštar kuštika.
Bijandipe e Isuseso e Hristeso
18A o bijandipe e Isuseso e Hristeso sasa gija: Kana i Marija lesi dej sasa mangli romnjaće taro Josif thaj vadži ni lije pe thaj voj sasa čhej, ačhili khamni taro Sveto Duxo. 19A o Josif lako rom, golese so sasa pravedno manuš thaj kaj ni manglja te ladžarol la, manglja čorale te ačhavol la.
20Thaj kana gija dija gođi golestar, zasuta thaj ano suno iklilo lese o meleko e Gospodeso savo vaćarda: “Josife, čhaveja e Davideso! Ma te dara te le e Marija romnjaće. O čhavoro save voj ađućarol si taro Sveto Duxo. 21Ka bijanol čhave, a tu de le alav Isus#1,21 so značil: “O Gospod amencar” golese kaj ka ikalol pe manušen tare grehura lenđe.” 22A sa kava sasa te ćerdol kova so o Dol vaćarda prekalo proroko:
23“Ak, i čhej ka ačhol khamni,
thaj ka bijanol čhave thaj von ka den le alav Emanuel”
so gova značil: “O Dol si amencar.”
24Kana o Josif uštilo taro sojipe, ćerda sar so vaćarda lese o meleko e Gospodeso – anda e Marija pe čhereste thaj lija la romnjaće. 25Thaj ni suta lasa sa dži kaj ni bijanda murše čhave thaj dija le alav Isus.
