Saint Maitthieu 1
1
Tchaip. I.
1Livre de lai dâscendance de Djîsus‐Christ, offant de Dâvid, offant d’Aibrâham.
2Aibrâham endgeonra Isaac. Isaac endgeonra Djâcob. Djâcob endgeonra Djuda et peu sas fréres.
3Djuda endgeonra de Thâmar Phârés et peu Dzâra. Phârés endgeonra Esron. Esron endgeonra Aram.
4Aram endgeonra Aminâdab. Aminâdab endgeonra Nâasson. Nâasson endgeonra Sâlmon.
5Sâlmon endgeonra Bôoz de Râhab. Bôoz endgeonra Obed de Ruth. Obed endgeonra Djessé. Et peu Djessé endgeonra Dâvid, que fut roi.
6Lou roi Dâvid endgeonra Sâlômon de c’tée qu’étât aivu fonne d’Urie.
7Sâlômon endgeonra Rôbôam. Rôbôam endgeonra Abias. Abias endgeonra Asa.
8Asa endgeonra Djôsaiphat. Djôsaiphat endgeonra Djôram. Djôram endgeonra Ozias.
9Ozias endgeonra Djôaitham. Djôaitham endgeonra Achaz. Achaz endgeonra Ezéchias.
10Ezéchias endgeonra Mânaissé. Mânaissé endgeonra Amon. Amon endgeonra Djôsias.
11Djôsias endgeonra Djîchônias et peu sas fréres, vés lou temps que las Djuifs funent transpoûetchas ai Baibylône.
12Et peu deu qu’es funent transpoûetchas ai Baibylône, Djîchônias endgeonra Sâlaithîl. Sâlaithîl endgeonra Zôrôbâbel.
13Zôrôbâbel endgeonra Abiud. Abiud endgeonra Eliaicîn. Eliaicîn endgeonra Azor.
14Azor endgeonra Sâdoc. Sâdoc endgeonra Achim. Achim endgeonra Eliud.
15Eliud endgeonra Eliazar. Eliazar endgeonra Mâthan. Mâthan endgeonra Djâcob.
16Et peu Djâcob endgeonra Djôset l’houmme de Mairie, de laiquée ost né Djîsus, qu’ost aippela Christ.
17E y ait don pou tout, deu Aibrâham djûnsqu’ai Dâvid, quaitoûedge dâscendants; deu Dâvid djûnsqu’ai ce que las Djuifs funent transpoûetchas ai Baibylône, quaitoûedge dâscendants; et peu deu qu’es funent transpoûetchas ai Baibylône djûnsqu’ai Djîsus‐Christ, quaitoûedge dâscendants.
18Pou ce qu’ost de lai néssaince de Djîsus‐Christ, l’airriva de c’te soûtche. Mairie sai mére, que s’étât mairia d’aivô Djôset, fut recoûegnue grosse pou étre aivu bouta enceinte pai l’ôpérâtion di Saint‐Esprit, devant qu’es ne sînt aivu ai lai fois.
19Et peu voiqui que Djôset son houmme qu’étât djuste, peu que ne vyai pont lai déshounoura, résoulut de lai renvie en coûaitchotte.
20Main di temps qu’è pensai ai çouqui, în andge di Seigneu li aippairut dans în réve, et peu li dit: Djôset offant de Dâvid, n’eussîz pais pau de penre aivô vous Mairie vôte fonne; paiche que ce qu’ost né dans lie ost aivu foûerma pai lou Saint‐Esprit.
21Peu le ferai în offant, ai qu vos beilleriz lou nom de Djîsus, c’ost‐ai‐dire, Sauveu; paiche que ce serai lu que sauverai son peupye, et peu que lou délivrerai de sas fautes.
22Et peu voiqui que tout çoulai se fut pou aiccompyi ce que lou Seigneu aivât dit pai lou prôphéte en ças mouts:
23Ne vîrdge concevrai, et peu ferai în offant, ai qu es beillerant lou nom de Magnuel, c’ost‐ai‐dire: Due aivô nous.
24Quand Djôset ost aivu révoûeillie, è fut ce que l’andge di Seigneu li aivât coummainda, è prit sai fonne d’aivô lu.
25Et peu è ne l’aivât pont coûegnue quand le fut son premie offant, ai qu è bouta lou nom de Djîsus.
Publiés par Strangeways et Walden à Londres en 1864.