ወንጌል ዘሉቃስ 17
17
ምዕራፍ 17
ዘከመ ይመጽእ መንሱት በግብር
1 #
ማቴ. 18፥6-7፤ ማር. 9፥42። ወይቤሎሙ እግዚእ ኢየሱስ ለአርዳኢሁ ግብር ይመጽእ መንሱት ወባሕቱ አሌ ሎቱ ለዘያመጽኣ ለመንሱት። 2እምኀየሶ ይእስሩ በክሣዱ ማኅረጸ አድግ ወያሥጥምዎ ውስተ ቀላየ ባሕር እምያስሕቶ ለአሐዱ እምእሉ ንኡሳን። 3#ዘሌ. 19፥17፤ ማቴ. 18፥15። ዑቁ ርእሰክሙ ለእመ አበሰ ለከ እኁከ ገሥጾ በባሕቲትከ ወለእመሰ ነስሐ ኅድግ ሎቱ። 4ወእመኒ ስብዐ ለለዕለቱ አበሰ ወስብዐ ለለዕለቱ ተጋነየ ኅድግ ሎቱ።
በእንተ ኀይል ዘሃይማኖት
5 #
ማር. 9፥24። ወይቤልዎ ሐዋርያት ለእግዚእነ ወስከነ ሃይማኖተ። 6#ማቴ. 17፥20፤ 21፥21። ወይቤሎሙ እግዚእ ኢየሱስ እመ ብክሙ ሃይማኖት መጠነ ኅጠተ ሰናፔ ወትብልዋ ለዛቲ ሰግላ ተመልሒ እምሥርውኪ ወተተከሊ ውስተ ባሕር ትትኤዘዝ ለክሙ። 7መኑ እምኔክሙ ዘቦ ገብር ሐረሳዊ ወእመኒ ኖላዊ አቲዎ እምወፍሩ ይብሎኑ እግዚኡ ዕርግ ፍጡነ ወነዓ ርፍቅ ምስሌየ። 8አኮኑ ይብሎ አስተዳሉ ሊተ ዘእዴረር ወቅንት ወመጥወኒ እስከ እበልዕ ወእሰቲ ወእምዝ ብላዕ ወስተይ አንተሂ። 9ቦኑ እንጋ ምዝጋና ለውእቱ ገብር ለእመ ገብረ ግብሮ ዘአዘዞ እግዚኡ። 10ከማሁኬ አንትሙኒ ገቢረክሙ ኵሎ ዘአዘዝኩክሙ በሉ አግብርት ፅሩዓን ንሕነ ወዘይደልወነ ለገቢር ገበርነ።
በእንተ ዐሠርቱ እለ ለምጽ
11 #
ዮሐ. 4፥4። ወእምዝ እንዘ የሐውር ኢየሩሳሌም ኀለፈ ማእከለ ሰማርያ ወገሊላ። 12#ዘሌ. 13፥2-46፤ 14፥2-32። ወእንዘ ይበውእ አሐተ ሀገረ ተቀበልዎ ዐሠርቱ ዕደው እለ ለምጽ ወቆሙ እምርኁቅ። 13ወዐውየዉ ወይቤሉ ኢየሱስ ሊቅ ተሣሀለነ። 14ወርእዮሙ ወይቤሎሙ ሑሩ ኀበ ካህን ወአፍትኑ ርእሰክሙ ወእንዘ የሐውሩ ነጽሑ። 15ወርእዮ አሐዱ እምኔሆሙ ከመ ነጽሐ ተመይጠ እንዘ የአኵቶ ለእግዚአብሔር በዐቢይ ቃል። 16ወሰገደ ታሕተ እገሪሁ ለእግዚእ ኢየሱስ በገጹ ወአእኰቶ ወሳምራዊ ውእቱ ብእሲሁ። 17ወአውሥአ እግዚእ ኢየሱስ ወይቤሎ አኮኑ ዐሠርቱ እሙንቱ አንትሙ እለ ነጻሕክሙ አይቴኑ እንከ ተስዐቱ። 18ሎሙሰ ተስእኖሙኑ ተመይጦ ወአእኵቶቶ ለእግዚአብሔር ዘእንበለ ዝንቱ ዘካልእ ሕዝቡ። 19#7፥50፤ 8፥48። ወይቤሎ ተንሥእ ወሑር ሃይማኖትከ አሕየወተከ።
በእንተ ምጽአተ መንግሥተ እግዚአብሔር
20 #
ማቴ. 24፥23-28፤ ዮሐ. 18፥36፤ 1ቆሮ. 4፥20። ወተስእልዎ ፈሪሳውያን ወይቤልዎ ማእዜ ትመጽእ መንግሥተ እግዚአብሔር ወአውሥአ ወይቤሎሙ ኢትመጽእ መንግሥተ እግዚአብሔር በተዐቅቦ። 21#ማር. 13፥21። ወኢይብልዋ ነያ ዝየ ወነያ ከሃክ መንግሥተ እግዚአብሔርሰ ነያ ማእከሌክሙ ይእቲ። 22ወይቤሎሙ ለአርዳኢሁ ይመጽእ መዋዕል አመ ትፈትዉ ትርአዩ አሐተ እምነ መዋዕሊሁ ለወልደ ዕጓለ እመሕያው ወኢትሬእዩ። 23#21፥8። ወለእመ ይብሉክሙ ነዋ ዝየ ወነዋ ከሃክ ኢትፃኡ ወኢትዴግኑ። 24#ማቴ. 24፥27። እስመ ከመ መብረቅ ዘይበርቅ ወያበርህ እምአጽናፈ ሰማይ እስከ አጽናፈ ሰማይ ከማሁ ውእቱ ምጽአቱ ለወልደ ዕጓለ እመሕያው። 25#ማቴ. 16፥21። ወባሕቱ እምቅድመ ዝንቱ ኵሉ ብዙኀ የሐምም ወታሜክሮ ዛቲ ትውልድ። 26#ዘፍ. 6፥5-8። ወበከመ ኮነ በመዋዕሊሁ ለኖኅ ከማሁ ይከውን በምጽአቱ ለወልደ ዕጓለ እመሕያው። 27#ዘፍ. 7፥7። እንዘ ይበልዑ ወይሰትዩ ወያወስቡ ወይትዋሰቡ እስከ አመ ቦአ ኖኅ ውስተ ንፍቀ ታቦት ወመጽአ ማየ አይኅ ወአጥፍአ ኵሎ ኅቡረ። 28#ዘፍ. 18፥20፤ 19፥24-25። ወበከመ ኮነ በመዋዕሊሁ ለሎጥ እንዘ ይበልዑ ወይሰትዩ ወየሐንጹ ወይተክሉ ወይሠይጡ ወይሣየጡ። 29እስከ አመ ዕለተ ወፅአ ሎጥ እምሰዶም ወአዝነመ እግዚአብሔር እሳተ ወተየ እምሰማይ ወአጥፍአ ኵሎ። 30ከማሁ ውእቱ ምጽአቱ ለወልደ ዕጓለ እመሕያው ወኢይትዐወቅ። 31#ማቴ. 24፥17-18፤ ማር. 13፥15-16። ይእተ አሚረ ዘሀሎ ውስተ ናሕስ ወንዋዩ ውስተ ቤት ኢይረድ ይንሣእ ወዘሂ ገዳመ ሀሎ ኢይግባእ ድኅሬሁ። 32#ዘፍ. 19፥26። ተዘከርዋ ለብእሲተ ሎጥ። 33#9፥24፤ ማቴ. 10፥39፤ 16፥25፤ ማር. 8፥35፤ ዮሐ. 12፥25። እስመ ዘይፈቅድ ያድኅና ለነፍሱ ይገድፋ ወዘሰ ገደፋ ለነፍሱ በእንቲኣየ ያሐይዋ። 34እብለክሙ በይእቲ ሌሊት ክልኤቱ ይሰክቡ ውስተ አሐዱ ዐራት አሐደ ይነሥኡ ወካልኦ የኀድጉ። 35ወክልኤቲ የሐርጻ በአሐቲ ማሕረጽ አሐተ ይነሥኡ ወካልእታ የኀድጉ። 36ወክልኤቱ ይሄልዉ ውስተ አሐዱ ገራህት አሐደ ይነሥኡ ወካልኦ የኀድጉ። 37#ኢዮብ 39፥30፤ ዕን. 1፥8፤ ማቴ. 24፥28። ወአውሥኡ ወይቤልዎኀ በአይቴኑ እግዚኦ ወይቤሎሙ ኀበ ሀሎ ገደላ ህየ ይትጋብኡ አንስርት።
