Salm 8
8
Maorgacht Dé agus Gradam an Duine
1 Do stiúrthóir an chóir. Ar an “gittith”. Salm Dháiví.
2A Thiarna, ár dTiarna, nach éachtach é
dʼainm ar fud na cruinne!
Moltar do mhaorgacht os cionn na spéartha
3as béal naíonán agus leanaí cíche.
Bhunaigh tú daingean in aghaidh dʼeascairde
dʼfhonn naimhde agus ceannaircigh a chloí.
4Nuair a fheicim na spéartha, saothar do mhéar–
an ré agus na réaltaí a rinne tú–
5cad is duine ann go dtógfá ceann de?
ná mac an duine go ndéanfá cúram de?
6Rinne tú beagán níos lú ná dia é
gur chuir tú barr glóire agus gradaim air.
7Thug tú ceannas ar oibreacha do lámh dó
agus chuir tú gach aon ní faoina chosa,
8idir chaoirigh agus eallaí agus eile
agus ainmhithe uile an mhachaire,
9éanlaith an aeir agus iasc na mara
agus a ngluaiseann ar raonta na farraige.
10A Thiarna, ár dTiarna, nach éachtach é
dʼainm ar fud na cruinne!
© An Sagart 2012 Úsáidtear le cead. Used by permission.