Oseas 6
6
Israelen ne wazerene Xanllon
1Leda yeololtere, nench'na wazerenllo Xanllon.
Le'en bxhoxjtine'e lliw, na lekse wayune'e lliw.
Le'e benee lliw we, na lekse le'e gune'e rmell we kellon.
2To setegaze wazoe'e lliw wen,
na walise'e lliw nench'na sorenlloe'e txhen,
3Gunllo bien gunbiello Xanllon,
na Xanllon yede'e wadsorene lliw,
katk dalin lloj willen yeo lla,
na katk dalin yejwon llyiren raw yell-li'on,
keten dllib lay ka', na keten lliarj yej ka'.
Diozen ballie'e xtill Israelen
4Xanllon ne:
¿Bi ke gunla rwen Efraín?
¿Bixha ke gunla rwen Judá?
Dan nlliere nadan
naken ke bejen llze tziren,
na ke bzan dan llxhoa balen, na kete llenin le llaranten.
5Kelen'na bxhoxjtina re' konen be'nn ka' llayixjwe xtillan,
konen llwa xtilla'nan ba blleyia re'.
Yel korchis kian lliarjen ka beni.
6Llenla wruere nada' yel nllie keren,
kere gutre bayix na wzeyreba rawa,
llenla wazakere, nadan naka Dios kere,
kere wzeyre bayix rawa.
7Na re' yell kia llunre kan ben xustawre Adan'na,
le bine' gunle ke di'llen ba bchajllallon. Na bi gukre be'nn wendalixhej kone nada'.
8Galaaden naken to yell xhen ga sjalla be'nn wen daxhinj,
doxhente yellen den lle'n dan ba brarj aken.
9Bxus ka' sjanak ake' chkoe be'nn wan ake',
ze ake' llinaw ake' be'nn,
llut ake' be'nn, llun ake' dazerawze daxhinj
nezen zajze gan nzi Siquem.
10Zitere zban nak dan ba brera yell Israelen:
Efraín'na ba guke ka to nor ree,
Israelen ba ben bziw kwine.
11Na leskakse konen rwe' Judá,
ba braja llan wsakzia rwe'.
Keten llenla wayuna wen ke yell kia Israelen,
