लूका 21
21
गरीब विधवा दा असली दान
1पी यीशु ने अखीयाँ चुकियै मीर-मीर मानुऐं गी अपना-अपना दान पण्डार च पांदे दिखया। 2ते ओनें एक गरीब विधवा गी बी ओदे च दो ठेले #21:2 त्रअमे दे दो सीके पांदे दिखया। 3पी ओनें आखया, “आऊँ तुसेंगी सच आखना ऐं के एस गरीब विधवा ने सारें कोलां जादै पाया ऐ। 4किके ओनें सारें अपनी अपनी कमाई बिचा दान च केछ पाया ऐ, लेकन एनें अपनी कटी बिचा अपना सारा केछ पाई दित्ता ऐ।”
योग दे ऐन्त दे लक्षण
5जेलै केछ लोक मंदर दे बारै च बोला दे हे, के ओ कियां छैल पत्थरें कन्ने ते पेंट दी चीजें कन्ने बनाया गीया ऐ, तां ओनें आखया, 6“ओ देन औगन, जिन्दे च ए सब जेड़ा तोस दिखदे ओ, उन्देचा इत्थैं कुसे पत्थर उपर पत्थर बी नेई छुड़या जाग, जेड़ा टाया नेई जा।”
7उनै उसी पूछया, “ए गुरु, ए सब कदुं ओग? ते ए गल्लां जेलै पूरीयां ओनें उपर ओगन, तां ओस बेलै दा के चेन्न ओग?” 8ओनें आखया, “चकने रवो, के परमाए नेई जायो, किके मते सारे मेरे नां कन्ने आईयै बोलगन, के आऊँ उवै आं; ते एबी के, बेला कोल आई पूजया ऐ तोस उन्दे पिछें नेई चली जायो। 9ते जेलै तोस लड़ाईयें ते चगड़े दी चर्चा सुनो तां कबराई नेई जायो, किके इन्दा पैलैं ओना जरुरी ऐ; लेकन ओस बेलै फोरन ऐन्त नेई ओग।”
10ओस बेलै उनेंगी आखया, “जाती उपर जाती, ते राज उपर राज चढ़ाई करग। 11ते बडे-बडे पुंचल ओगन, थारें-थारें काल ते महामारीयां पौगन, ते अम्बर च डरौनीयां गल्लां ते बडे-बडे चेन्न परकट ओगन। 12लेकन इनें सारीयें गल्लें थमां पैलैं ओ मेरे नां दे कारन तुसेंगी पकड़गन, ते सतागन, ते प्रार्थनाकारें च कसीटगन, ते जेल खाणे सुट्टगन, ते राजें दे ते राजपालें दे अगें लेई जागन। 13लेकन ए थुआड़े लेई गवाही देने दा मौका ओई जाग। 14एसकरी अपने-अपने मन च सोचीयै रखो के अस पैलैं जबाब देने दी चेंता नेई करगे। 15किके आऊँ तुसेंगी ऐसा बोल ते बुद्धि देगा, के थुआड़े सारे वरोधी मकाबला जां तेरे सामने खड़ोई नेई सकगन। 16ते थुआड़े मा-प्यो, ते प्रा, ते खांनदान, ते दोस्त बी तुसेंगी पड़कागन; इत्थूं तकर के थुआड़े बिचा केछ लोकें गी मराई ओड़न। 17मेरे नाम दे कारन सारे लोक थुआड़े कन्ने बैर करगन। 18लेकन थुआड़े सेर दा एक बाल बी बाँका नेई ओग। 19अपनी स्बर कन्ने तोस अपने प्राणें गी बचाईयै रखगे।
यरूशलेम दा नाश
20“जेलै तोस यरूशलेम गी सैना कन्ने केरे दा दिखगे, तां समझी लियो के ओसदा उजडया जाना कोल ऐ। 21ओस बेलै जेड़े यहूदीया च ओगन ओ पाडें उपर नसी जान, ते जेड़े यरूशलेम दे अन्दर ओगन ओ बार निकली जान; ते जेड़े घरां च ओगन ओ उत्थें नेई जान। 22किके ए बदला लेने दे ऐसे देन ओगन, जिन्दे च लिखी दियां सारीयां गल्लां पूरीयां ओई जागन। 23उनै धयाडें च जेड़ी गर्भवती ते बच्चे गी दोध पलैने आली ओग, उन्दे लेई बसोस, बसोस! किके देश च बड़ा कलेश ते इनें लोकें उपर बडी आफत औग। 24ओ तलवार दे शकार ओई जागन, ते सब देशें दे लोकें च कैदी बनाईयै पजाए जागन; ते जेलै तकर दुए जातीयें दा बेला पूरा नेई ओग, अतुं तकर यरूशलेम दुई जातीयें थमां मिन्दया जाग।
यीशु दे बापस औने दी नशानीयां
25“सूरज, ते चण, ते तारें च चेन्न लबगन; ते तरती उपर, देश-देश दे लोकें गी संकट ओग; किके ओ समुद्र दे गरजने ते लैरें दी हल चल कन्ने कबराई जागन। 26ते डर दे कारन ते दुनियां च औने आली कटने गी दिखदे-दिखदे लोकें दे जी च जी नेई रौग, किके अम्बर दियां शक्तियाँ लाईयां जागन। 27ओस बेलै ओ मनुक्ख दे पुत्तर गी शक्ति ते बड़ी मैमा कन्ने बदल उपर औंदे दिखगन। 28जेलै ए गल्लां ओना लगगन, तां तोस सीधे ओईयै अपने सिर उपर चूकयो; किके थुआड़ा छुटकारा कोल ओग।”
परमेसर दा राज कोल ऐ
29ओनें उनेंगी एक कानी बी आखी; “अंजीर दे बूट्टे गी ते सारे बूट्टें गी दिखो। 30जेलै गै उन्देचा कोंपलां निकलदीयां न, तां तोस दिखियै अप्पुं गै समझी लैंदे ओ के गर्मी दा मोसम कोल ऐ। 31इसै चाली जेलै तोस ए गल्लें गी ओदे दिखो, पी समझी लियो के परमेसर दा राज कोल ऐ। 32आऊँ थुआड़े कन्ने सच आखना ऐं के जेलै तकर ए सारीयां गल्लां नेई ओगन, अतुं तकर एस पीढ़ी दा कदें बी ऐन्त नेई ओग। 33अम्बर ते तरती टली जागन, लेकन मेरीयां गल्लां कदें बी नेई टलगन।
मेशा त्यार रवो
34“एसकरी चकने रवो, ऐसा नेई उवै के थुआड़े मन खमीर, ते मतवाले, ते एस जीनें दी चेंतें कन्ने सोस्त ओई जान, ते ओ देन थुआड़े उपर फन्दे आला लेखा चानक आई पौन। 35किके ओ सारी तरती दे सब रौने आलें उपर इसै चाली आई पौग। 36एसकरी बिजे दे रवो ते अर बेलै प्रार्थना करदे रवो के तोस इनें सारी औने आली कटने आली गल्लें कोलां बचने, ते मनुक्ख दे पुत्तर दे सामने खड़ोने दे काबल बनो।”
37ते ओ देन गी मंदर च शिखया दिंदा हा, ते रात गी बार जाईयै जैतून नां दे पाड़ उपर रौंदा हा; 38ते बढ़ले बेलै सारे लोक ओसदी सुनने लेई मंदर च ओसदे कोल औंदे रौंदे हे।
This work is licensed under Creative Commons Attribution-ShareAlike 4.0 License.