MARIKO 11
11
Yeso ogochengerwa kagosoa Yerusalemu
(Mat 21:1–11; Luk 19:28–40; Yoh 12:12–19)
1Ekero bachia goika ang’e na Yerusalemu, bagaika Betifage na Bethania, ase egetunwa ki’Emezeituni, agatoma babere b’aborokigwa baye, 2akabatebia, “Genda ase agachie karia mokoorokera, erio kamogosoa aroro, namorore emori y’etigere esibire, etana koriinwa na monto; moyendetere. 3Na omonto karababorie: Naki mogokora iga? Momotebie: Omonene nayeganetie, na bwango nayeiranie naende aa.” 4Bakagenda, bakarora emori y’etigere esibire geita isiko ase enchera enene; bakayesibora. 5Abanto bande bateneine aroro, bakababoria, “Inki ekio mogokora, mogosibora emori y’etigere?” 6Bakabatebia buna Yeso abachigete; na abwo bakabatiga bagende. 7Bakarentera Yeso emori eria y’etigere, bakaara chianga igoro asero, na Yeso akayeriina. 8Abanto abange bakaara chianga chiabo inchera; abande bakanacha chinsagia chi’emete na gochiaara inchera. 9Abanto abatang’aine na baria baare komotunyana bagaaka eriogi, bakabora, “Hosana! Nasesenirie oyogocha ase erieta ri’Omonene! 10Mbosesenirie oboruoti bogocha, oboruoti bwa sokoro yaito Daudi! Hosana aye ore igoro!”
11Yeso agasoa Yerusalemu agaika ase Hekalu ime; gachia korigereria chinsemo chionsi, ekiagera nigo kiarenge ekero kia mogoroba, agasoka, akagenda Bethania amo na baria ikomi na babere.
Omoko omogomba
(Mat 21:18–19)
12Goika mambia yaye kobakorwa Bethania Yeso akaigwa enchara. 13Akarora korwa are omoko ore namato, akagenda arore gose amako nareo. Agachia goika aroro tarora gento otatiga amato, ekiagera tikiarenge ekero ki’amako. 14Yeso akayotebia, “Korwa bono monto taria amatunda ao nonya ndinde.” Aborokigwa baye bakaigwa aya.
Yeso ogochena Hekalu
(Mat 21:12–17; Luk 19:45–48; Yoh 2:13–22)
15Bagaika Yerusalemu. Yeso agasoa ase Hekalu ime, agachaka goseria abanto abarenge koonia na kogora aroro, akaonchorana chimesa chi’abaare koonchoreria chibesa, na ebirogo bi’abaare koonia amaruma; 16tatiga monto abogorie gento ase egati ye Hekalu. 17Akorokereria, okobatebia, “Inee! Terikiri iga: Enyomba yane nerokwe enyomba y’ogosaba ase ebisaku bionsi? Korende inwe mwayekorire koba ribwago ri’abauri.” 18Abakuani abanene na aborokia b’amariko bakanyora amang’ana, bakarigia enchera y’okomosiria, ekiagera bamoirogete; naki emeganda yonsi egakumia ase okworokereria kwaye. 19Koriaba mogoroba akarua ase omochie.
Chinguru chi’okwegena
(Mat 21:20–22)
20Na mambia kobagoeta, bakarora omoko oria bwomire bwonsi korwa ase emeri yaye. 21Petero akainyora amang’ana aria, akamotebia, “Rabii, rora, omoko oria kwaragereretie bwomire.” 22Yeso akabairaneria, “Mobe nokwegena ase Nyasae. 23Ekeene nabatebirie: Onde bwensi oratebie egetunwa eke: Tegoka, otugutwe enyancha ime; oyo atabeti nogosiereria ase enkoro yaye, korende egene ng’a ayio ateba nabe, ayio nakoreke. 24Ase ayio nabatebirie, ebinto bionsi morasabe, egene ng’a mwabinyorire, na‐birobio nabibe ebiaino. 25Na inwe, ekero mogotenena na gosaba, onye more ne ring’ana ase omonto, mwabere, erinde na Iso oino ore igoro abaabere nainwe amamocho aino. [ 26Onye inwe timokwabera, nonya n’Iso oino ore igoro takobaabera inwe amamocho aino.]”
Riborio igoro y’okobua kwa Yeso
(Mat 21:23–27; Luk 20:1–8)
27Bagaika Yerusalemu naende. Ekero are gotaara Hekalu ime, abakuani abanene, na aborokia b’amariko, na abagaaka bakamochiera, 28bakamoboria, “Nase okobua ki ogokorera aya?” 29Yeso akabatebia, “Nainche nimbaborie ring’ana erimo, nainwe mong’iranerie, erio nimbatebie ase okobua ki ngokorera aya. 30Ebatiso ya Yohana, nigoro yarwete, gose nase mwanyabanto? Ng’iranerie.” 31Bagatebania barabwo ase barabwo, bakabora, “Toise goteba: Nigoro yarwete, nigo aratoborie: Naki rende motamwegenete? 32Gose toise goteba: Nase mwanyabanto yarwete?” — Bakairoka abanto, ekiagera abanto bonsi mbaroche ng’a Yohana nomobani bw’ekeene. 33Ase ayio bakairaneria Yeso, “Titomanyeti.” Na Yeso akabatebia “Nonya ninche tinkobatebia inwe nase okobua ki ngokorera aya.”
OLD EKEGUSII BIBLE PROTESTANT EDITION
©Bible Society of Kenya, 2020