ၥ မိ 4
4
4
စကံၫ့ဒဲစအၫဘလၭ.
1စအၫဒၫ့ၥ့ၪယၫအမၫ နးအံၫတၭ, အဝ့ၫဒၧၩ့ထၪ့ဝ့ၫ နီၪ, အီၪဖျဲၪန့အဖိၪ စကံၫ့တၭ, စံၭဝ့ၫဒၪ, ယန့ဘၪယူၭ 2ၦၡၩအခွၫလဂၩ လၧယဟိဝၩယူၭ.- တၭအီၪဖျဲၪန့ဒီၭ အဖုစအၫဘလၭလီၫ. စအၫဘလၭနီၪ မွဲၦယူၬၥိၪအ ဒီၪ့လဖၪလီၫ, အ့ၪမွဲစကံၫ့လဂၩနီၪ မွဲၦမၩအၪ့ ကၩ လၧဂၪ့ခိၪလီၫ.
3တၭဆၧမၩအၥၭလၧ အဆၧၫ့အထီဖီၩ့ခွံၬနီၪ,စကံၫ့ ဂဲၫဆိၬဂၪ့ခိၪအဆၧၥၪတၭ, မၩဘိၪ့ယဟိဝၩလီၫ. 4တၭစအၫဘလၭ ဂဲၫဆိၬဆ့ၥိၪအဖိၪဝဲၡါလဖၪ ဒဲအၥိၪ 5လီၫ.- တၭဘၪယဟိဝၩအၥၭ လၧစအၫဘလၭ ဒဲအ ဆၧမၩဘိၪ့လီၫ. အ့ၪမွဲစကံၫ့ ဒဲအဆၧမၩဘိၪ့နီၪလ ဘၪဘၪအၥၭတၭ, စကံၫ့အၥၭထၪ့ဒိၪမၬတၭ အမ့ၬ 6လၩ့ၡါဝ့ၫဒၪလီၫ.- တၭယဟိဝၩစံၭစကံၫ့နီၪ, မွဲဘၪနီၫ 7နၥၭထၪ့လဲၪ, မွဲဘၪနီၫနမ့ၬလၩ့ၡါလဲၪ.- နအ့ၪမၩဆၧ ဂ့ၩတၭ, ဆၧအီၪက့ၪထၪ့ထီၫနၧၩနီၪ, မွဲအ့ၬဧၪ, နအ့ၪ မၩဆၧ လဂ့ၩဘၪနီၪ, ဆၧဒဲၩဘၭခိၭဆၧ လၧတရၫ့ ထံၭတၭ, အဆၧဆိၫ့န့ဘၪနီၪ, မွဲလၧနၧၩတၭ, နဝ့ၫဒၪ မၩနၧၩ့မၩစၪဆၧနီၪဆံၭ.
8စကံၫ့လီၩဘၪဝ့ၫလၧအဖု စအၫဘလၭတၭ,ဆၧမၩ အၥၭလၧအဝ့ၫၥံၪ အီၪလၧဆၧပျၩ့ဖၧၩ့ အဘိၩ့ဘၭနီၪ, စကံၫ့ဂဲထုၪ့ထၫ့ဒုၪဒၩ အဖုစအၫဘလၭတၭ, မၩၥံၫဝ့ၫ 9လီၫ.- တၭယဟိဝၩစံၭစကံၫ့, နဖုလဂၩနီၪ, မွဲအအီၪခီၫ ခီၫလဲၪ, တၭအဝ့ၫဒၪစံၭဆၧၫ့ဝ့ၫ, ယၥ့ၪယၫအ့ၬ, ယ 10ဝ့ၫဒၪယီၩ ယမွဲၦခိၭယိယဖုဆ့ဧၪ.- တၭအဝ့ၫဒၪစံၭ ဆၧၫ့ဝ့ၫ, မွဲနမၩယူၭဆၧနီၪ လမံၩ့လဲၪ, နဖုအၥွံၪအၥီၫ 11နီၪကိၭထၪ့ယၧၩ လၧဂၪ့ခိၪလၬလီၫ.- တၭဘိၩ့နဲၪ့ယီၩ နဘၪဆိၪအၧၩ့ လၧဂၪ့ခိၪလၧအအၩ့ထၪ့ အနိၭဘဲၫၥိၭ 12အမိဒိၭန့နဖုအၥွံၪ လၧနစူၪဖၧၩ့လီၫ.- ထီးနမၩကၩ လၧဂၪ့ခိၪနီၪ, ဆၧလမိဖ့ၪလၫ့ဘၪနၧၩ လၧအဂဲးအဘၭ တၭ, နမိကဲၪထၪ့ၦလ့ၩလိၭဝၭၡၫ, ဒဲၦစဲၪ့ဝံၩ့ဝၩ့ လၧ 13ဂၪ့ခိၪချိၫ့လီၫ.- တၭစကံၫ့စံၭယဟိဝၩ, ယဆၧဒဲၩဘၭ 14ဒိၪထီးယထိးနၧၩ့အ့ၬ.- ယိခွါ, မုဆၫလနံၩယီၩနနၫ့ ထၪ့ခွံၬယၧၩ လၧဂၪ့ခိၪချိၫ့တၭ, ဒဲယဘၪအီၪကဒုၩ ခွံၬယၥၭလၧနမ့ၬ, ဒဲယမိကဲၪထၪ့ၦစဲၪ့ဖျိၭ, ဒဲၦစဲၪ့ဝံၩ့ ဝၩ့လၧဂၪ့ခိၪချိၫ့လီၫ. တၭဆၧမိမၩအၥၭ ထီးဒၪၦလၧ 15အဒၪန့ယၧၩ လဂၩလါလါနီၪ မိမၩၥံၫယၧၩလီၫ.-တၭ ယဟိဝၩ စံၭအဝ့ၫဒၪ, မၩအၥၭဘဲၫနီၪတၭ, ကယဲၦ လၧအမၩၥံၫစကံၫ့ လဂၩဂၩနီၪ မိဘၪထိးဆၧဒဲၩဘၭ နွ့ၫစၩလီၫ. တၭယဟိဝၩ အီၪက့ၪဆၧမၩနဲၪ့ လၧစကံၫ့ အဂး, ဘဲၫၥိၭၦလၧအဒၪန့အဝ့ၫနီၪ, မွဲအထီးမၩၥံၫဝ့ၫ နးဂၩလဂ့ၩလီၫ.
စကံၫ့အဆၨၩအဆၬလဖၪ
16စကံၫ့စဲၪ့ထၪ့ခွံၬ လၧယဟိဝၩ အမ့ၬယၫတၭ,လ့ၩ အီၪဝ့ၫလၧခးနီၭအဖၧၩ့ အီၪလၧအံဒံၫ့မုထၪ့လခီၫ 17လီၫ.- တၭစကံၫ့ၥ့ၪယၫအမၫတၭ, အဝ့ၫဒၪဒၧၩ့ထၪ့ တၭအီၪဖျဲၪန့ စအံနၧၭလီၫ. မွဲအမၩကဲၪထၪ့ ဒိၩ့လ ဖျိၪ့တၭ ဖျိၬဝ့ၫအမံၩ့ ဘဲၫအဖိၪခွၫစအံနၧၭ အမံၩ့အၥိၭ 18နီၪလီၫ.- စအံနၧၭထၪ့ဖိၪ စအဲရၭတၭ, စအဲရၭနီၪထၪ့ ဖိၪ စမဟုယလၭတၭ, စမဟုယလၭနီၪ ထၪ့ဖိၪစမၥု စလၭတၭ, စမၥုစလၭနီၪ ထၪ့ဖိၪစလၫမ့ၭလီၫ.
19တၭစလၫမ့ၭနီၪ န့အမၫနံၫဂၩလီၫ. အလဂၩနီၪအ မံၩ့မွဲနးအၫဒၫတၭ, အဝ့ၫလဂၩအမံၩ့မွဲ နးဇံလၫလီၫ. 20နးအၫဒၫနီၪအီၪဖျဲၪန့ စယၫဘလၭလီၫ, အဝ့ၫနီၪ မွဲၦ လၧအအီၪဝ့ၫ လၧတဲၩဖၧၩ့ ဒဲယိအဆၧဖိၪဆၧဎါအဒိၩ့ 21လဖၪအဖါလီၫ.-အထၧၫ့ဖုဝဲလဂၩ အမံၩ့မွဲစယုဘလၭ လီၫ. အဝ့ၫလဂၩနီၪ မွဲၦလၧအဒံၩ့နါဒံၩ့, ဒဲအူၪပံၩလ 22ဖၪအဖါလီၫ.- တၭနးဇံလၫအီၪဖျဲၪန့ စတုၫဘလၭကံၫ့ ၦလၧအၥီၪ့လိၪ ကယဲၦ လၧအမၩထမၬထၭ ဒဲထမၬ ထီးကိၭဂၩဒ့ၭလီၫ. တၭစတုၫဘလၭကံၫ့ အထၧၫ့ဖုဝဲ မုၪမွဲနးန့အမၫလီၫ.
23စလၫမ့ၭစံၭအမၫၥံၪ, နးအၫဒၫ, ဒဲနးဇံလၫလဖၪနီၪ, နါဂၧၫ့ယလူစလၫမ့ၭအမၫၥံၪဧ့, ခိၭနၪယဆၧချဲၩ့ယီၩ ဆံၭ, အဂဲးဘဲၫယီၩ ယမၩၥံၫၦလဂၩ လၧယဘၪထူၬ အဂး, ဒဲဖိၪၥၪခွၫလဂၩ လၧယဘၪထး အလး အဂး 24လီၫ.- တၭၦလၧအမၩၥံၫ စကံၫ့နီၪ အ့ၪဘၪထိးဆၧဒဲၩ ဘၭနွ့ၫစၩတၭ, မွဲမၬၦလၧအမၩၥံၫ စလၫမ့ၭနီၪမိဘၪ ဆၧဒဲၩဘၭ နွ့ၫဆံၫနွ့ၫစၩလီၫ.
စစ့ၥၭဒဲစအံနိၭ.
25စအၫဒၫ့ၥ့ၪယၫဒီၭ အမၫတၭ, အဝ့ၫဒၪအီၪဖျဲၪန့အ ဖိၪခွၫတၭ, ကိၭဝ့ၫအမံၩ့စစ့ၥၭလီၫ. အဂဲးဘဲၫယီၩယွၩ အီၪက့ၪယၧၩ လၧဆၧအချံၫအၥၪအဂူၫဂၩ လၧစအၫ ဘလၭအလး, အဂဲးဘဲၫယီၩ စကံၫ့မၩၥံၫအဝ့ၫလဂၩ လီၫ.
26စစ့ၥၭထၪ့ဖိၪအဖိၪခွၫဆ့တၭ, ကိၭဝ့ၫအမံၩ့လၧ စအံနိၭလီၫ. ထီးနီၪလဖၧၫ့ ၦကိၭထၪ့ၥၫ့ယဟိဝၩအ မံၩ့လီၫ.
Pwo Kayin Bible © Bible Society of Myanmar, 1883.