ᒪrᐠ 6
6
ᒡᕮᙎᐢᒡᕍ ᐁᘛᕦᐃᕠ᙮
1ᑲᐦᗱ ᐃᐁᕠ ᐅᘚ ᐊᗱᑌᐢᕮ, ᑲᐦᗱ ᔪᐦᗰᑌᐢᕮ ᑊᗂᗴᕠ ᒪᕠᑫ; ᔭᐅᕦᕠᐨᓀ ᗱ ᔦᑫᐦᑌᐢᕮ᙮ 2ᑲᐦᗱ ᒣᓀjᐃᒡᕠ dᒃᐃᓀ ᐠᕭᐅᓂᐅᓂᒃuᕤᐦ ᕞ ᕞᕦᗴᒡᕄᕬ ᐠᐤᐊ ᕦᓀᑊᗃᐅᕦᕞᐨ ᓇᒡᕊᓀ ᑯᐅᕠᘔᑯᐅᐦ ᐠᕮᐤᐅᐊlᕄ, ᑊᗃᕠᐦ ᕞᗴ ᐅᘚ ᓂᔭᕠᕊᐣᕞ? ᑲᐦᗱ ᔦ ᐅ-ᐅᗰ ᒣᕭᐅᗴᔪ ᕠᑎ ᒪᗰᐅ, ᑯᐅᕃ ᔭᑊᗁ ᐅᗱ ᐁᑵᐅᕦᕠᗰ ᐊᔨᕍᐃ ᕠᕍ ᐃᕫ? 3ᐊᕤ ᐊᔨᕍ ᕦᗰᐣ ᐊᕦᕄ, ᒪry ᗱᐁ ᒣᑵ jᐊᒣᐢ, jᐅᓭᐢ ᗱ, juᑕ ᗱ, ᓯᒧᐣ ᗱ? ᑲᐦᗱ ᒣᐦᒡᕫᒃᒃᐁ ᗱᑌ ᒣᑵᗴᕠᐨ? ᑲᕄᗱ ᐊᕤ ᐅᗱ ᔭᘚᐃᐣᕠᑊᗃᑌᐢᐊ᙮ 4ᑲᐦᗱ ᙏᓭᐢ ᕤᐤᐁᕍ ᔦᐦᕠ, ᕦᓀ ᗰ ᐅᕠᓀ ᕤᓀ ᐊᕤ ᒧᐅᐦ ᐅᐣᕤᐁ ᐃᔪ ᐊᐅᐣᕞ ᒣᕫ ᒣᐊᗴᕦᗴᐃ, ᐊᕤᓀᒃᐅᐣ ᕦᕠᑫ ᐦᐤᐊ ᔪᕃ ᐃᔪ ᐊᐅᐣᕞ, ᑲᐦᗱ ᐊᕦᐃ ᕮᐦᕞ ᒣᓇᗰᓀ, ᑲᐦᗱ ᐊᕦᐃ ᕮᐦᕞ ᑊᗂᗴᕠᐦ ᒪᐠᐤᐊ᙮ 5ᑲᐦᗱ ᐊᔨᕠ ᐊᕤ ᑯᐅᔦ ᑫᐅᐊᐦcᐦᕊᐣ ᒣᐦᒪᐤᐅᗱᕄ ᑫᐤᐅᕠᗯ, ᕦᐦᑭᓀ ᑊᗃᕞᐦ ᑲᕞᐦᕠcᐦᕊᐣ ᔭᕠᕠᓀ, ᑲᐦᗱ ᓇᔭᑊᗁᐦᕦᕊᐣ᙮ 6ᑲᐦᗱ ᑲᐤᐅᕄᕊᐣ ᐊᕤ ᐊᕮ ᔪᕠᐁᐦ᙮ ᐊᐦᐤᐅᕃ ᐊᒡᕫ ᕦᓀ ᕦᓀᓇᕠᐦ ᐊᑫᕫ ᐠᕊᑌᐢᕮᕊᐣ, ᕦᓀᑊᗃᐅᕦᕞᐨ᙮
7ᑲᐦᗱ ᑫᓀᕠ ᐅᐣᑫᕠ ᒪᒡᕮ ᕞᗰ ᔦᐦᕠ, ᐁᐅᓀᕞ ᘚ ᔦᕞᕮ ᐅᐣᑵᕦᕦᕞ; ᑲᐦᗱ ᔦᐦᓇᒡᓴᒡᕠ ᔭᔨᕍ ᔭᕦᓇᒡᓴᒡᕠ ᓇᑊᗃᑊᗃᕦᐃ ᒣᘛᕄᕬ; 8ᑲᐦᗱ ᐊᔦᐦᕠ ᐊᕤᕄ ᔭᕤᕍᐃ ᑿᕞᐦᗱ, ᒡᕫᐢ ᒃᐅᐣ; ᐊᕤ ᐁᒡᓴᐣᒃᐃᐢ, ᐊᕤ ᗱ ᐅᒡᕃᐢ ᕞᐢ ᐊᕄ, ᐊᕤ ᗱ ᓱᓂᔭ ᑯᐅᑊᗀᕃ ᕦᓴlᕍ: 9ᕭᐅᐣᕞᑊᗂ ᑵᒡᕃᕬ ᐊᕭᐅ ᒃᐅᐣ ᕦᕞᒃ; ᑲᐦᗱ ᐊᕤ ᐅᐣᑫᕠ ᑫᐢᕤᐁ ᕦᐅᔭ᙮ 10ᑲᐦᗱ ᕤᐤᐁᕍ ᔦᐦᕠ, ᐅᕄᕦᐦ ᓂᕤ ᐠᐤᐊ ᐠᐤᐃᑊᗃᐊᗴᕞᕦᐦ, ᐊᔨᕠ ᐊᐦᕄ ᐊᗱᕦᕮᒃ ᕠ ᐅᘚ᙮ 11ᑲᐦᗱ ᐊᕤ ᓂᓇᑊᗃᕠᕃ ᐊᕠ, ᓇᑊᗃᕠᒡᓴᐠᑭ ᐊᕦ ᗱ, ᐃᐢᐃ ᐃᐃᕠ ᐅᘚ ᐊᗱᕦᐊᐨ ᐊᕞ, ᓇᑊᗃᑵ ᐤᐊᑊᗃᒡ ᐅᒡᕃᐢ ᐃᕫ ᑯᐅᔦᐦ ᐅᑊᗃᐦᕠᗰ᙮ ᐠᐤᐊ ᐦᕄ ᐊᓇᑊᗃᐃᓯᐃ, ᐅᕞᐦᗰ ᐊᑊᗃᕦᓀ ᐢᐅᑐᑦ ᔪ ᑊᐅᒧrrᕮ ᔪ ᐅᗱ ᐊᐤᐅᐦᕞᓯ ᐅᐦᕞ ᕦᓀ ᘚᐅᗴᕠᕬ dᒃᐃᓀ ᐃᐣᒡᔨᒃᐅᐣ ᐊᔨ ᕠᑫ᙮ 12ᑲᐦᗱ ᐊᗱᑊᗃᕞᐢᕞᒡl, ᑲᐦᗱ ᕦᓀ ᕦᑊᗃᕠᐦ ᑫᘛᕄᕬ ᐅᑊᗃᗴᕤᕠᐃ ᑊᗃ, 13ᑲᐦᗱ ᓇᒡᕊᐣ ᒣᘛᕄᕬ ᑊᗃᑊᗃᕞᕮ, ᑲᐦᗱ ᖆᐢ ᐃᕫ ᔭᑭᔦᐦᐠᕊᐠ ᔭᕠᕠᐃᓀ, ᑲᐦᗱ ᓇᔭᑊᗁᐣᕦ;
14ᑲᐦᗱ ᒣᕠᕬ ᒡᔨᔨ ᕫrᐅd ᐅᕠᒡᓴᐠ ᒣᐤᐅᔪ; (ᐊᒡᕫᒃᐁ ᕠᑫ ᐅᑫᕫ ᒥᑎᒃᐃ ᐠᕭᐅᗴᕠᐃᕫ;) ᑲᐦᗱ ᕤᐤᐁ ᐁᐦᕠ, ᙓᐣ ᒪᕤᑫᑊᗁᐣᖇᕠ ᐊᕦᐃ ᕤᐢᕞ ᐅᘚ ᓂᐃᔭ, ᑲᐦᗱ ᐊᔨᐤᐅ ᒣᕫ ᐅᐦᕞ ᑫᐅᗴᕠᗰ ᐁᐅᕦᕩ ᐊᐅᐣᕞ᙮ 15ᐊᗱᓀ ᑊᗃᕠ, ᐁᕄᐊᐢ ᐊᕦᐃ, ᑲᐦᗱ ᐊᗱᓀ ᑊᗃᕠ ᐊᕦᓀ ᕦᐃ ᐊᕦᐦᐤᐅᕠᓀ, ᐁᐦᕍᕠᓀ ᐁᐅᐣᕞ ᐊᕦᓀ ᕦᐃ ᐊᕦᐦᐤᐅᕠᓀ᙮ 16ᐅᕠᒡᓴᐠᗰ ᕫrᐅd, ᕤᐤᐁ ᐁᐦᕠ, ᙓᐣ ᐊᔨ ᒪᘚ ᐦᕄᐦᔨᒡl ᐃᐃ: ᘚᕠᑫ ᓀᐢᕦ ᕤᐢᒡᔨ ᐅᘚ᙮ 17ᐊᕦᐃ ᕫrᐅd ᑊᗂᗴᕠ ᐅᗰᔭᕞᕮ, ᙓᐣ ᗱ ᓂᔭᕠᐣᕠ, ᑲᐦᗱ ᕦᓀ ᐠᐤᐁᗴᔨᐦᕠ ᕦᔭᑊᗀᐢᐠᕊ ᕫrᐅᑎᐊᐢ ᐃᕫ, ᒣᑵ ᑉᕬᕄᑉ ᘚᔪᐁ ᐃᕫ: ᐊᕦᐃ ᐃᐣᑲᐦ ᐦᕍᑯᐅᘚᕍ᙮ 18ᐊᕦᐃ ᙓᐣ ᐊᔦᐦᕠᐃ ᕫrᐅd, ᐊᕤ ᐤᐅᕞᒃᐃ ᓇᐃ ᐊᐤᐅᕬ ᓀᑵ ᘚᔪᐁ᙮ 19ᐊᔦᐅ ᕫrᐅᑎᐊᐢ ᕠᑫ ᐅᗯᐦᕤᓀ ᔦᓱᕮᐃl ᐊᐠᕮᐃ; ᐊᐦᐤᐅᕃ ᐊᕤ ᕮᐤᐅᐅᒡᕄ ᐃᔪ ᒪᐊᐅᐣᕞ: 20ᐊᕦᐃ ᕫrᐅd ᙓᐣ ᐁᓀjᐃᕠᐁᐦ, ᐊᕦᔦᕠᐅ ᕞᐢᐤᐁ ᑊᗃᕦ, ᑲᐦᗱ ᒪᑊᗃᕦ ᐅᗱ ᕦᓀ ᐁᕄᐁᐦ ᕞᒃᐁ, ᑲᐦᗱ ᔭᒪ ᐃᐣᕠᕞᐢᕮ; ᑲᐦᗱ ᔭᕠᒡᓴᐠᗰ ᐅᐣᒡᕊᐣ ᑫᕫ ᑫᐅᐊcᐦᕊᐣ, ᑲᐦᗱ ᑵᓇᐤᐅᕃᓯᕊᐣ ᐊᔨᕞᐦ ᐅᕠᒡᓴᐠ ᐊᕞ᙮ 21ᑯᐅᕤ ᓱᑲᐦ ᓂᒡᓴᕤᐦ dᒃᐃᓀᐁ ᐠᕭᓂᐅᓂᒃuᕤᐦ ᕫrᐅd ᓂᔨ dᒃᐃᓀᐁ ᐠᕭᓂᐅᓂᒃuᕤᐦ ᕮᒡᕃᑫ ᐁᑊᗂᐦᕦᐃ ᑊᗃ ᐅᕍ ᕦᒣᕠᕬ ᑊᗃ, ᓯᒪᑯᐣᓂᐢ ᒣᕠᕬ ᒡᔨᔨ ᗱ, ᑲᐦᗱ ᕮᕍᑎ ᐠᕮ ᑲᑲᐅᒃuᓂ ᗃᕄᕃᐁ; 22ᑯᐅᐦ ᑯᐅᕤ ᕫrᐅᑎᐊᐢ ᒪᕤᐁ ᐠᐤᐃᔭ ᕦᐦᕠᒡᕍ, ᑲᐦᗱ ᔭᑫᓀᕄ ᕫrᐅd ᗱ, ᐊᔨ ᔭᑲᐢᐊᕦᐃ ᗱ, ᒣᕠᕬ ᒡᔨᔨ ᕤᐤᐁ ᐁᐦᕠ ᐊᔨ ᐊᕞᑎ, ᓱᑎᐣᑵᒡ ᐅᕄ ᐢᐊᗰᓂᐅᐣuᓂᓯᕦᐢᓯ, ᐊᕤᕄ ᓀᗱ ᒪᕤᐦᓭᓯ᙮ 23ᐠᐤᐁᕞ ᐅᗱ ᐊᔦᐦᕠ, ᐊᒡᕮᒃᐁ ᐅᕄ ᐊᐢᐢᔦᓯ ᐅᗱ ᑊᗂ ᓱᑎᐣᑵᒡ ᐊᕞ, ᒡᕮᕠᗰ ᐅᕄ ᐊᐢᓯ ᓇᐢᕃᕍᓯ᙮ 24ᑲᐦᗱ ᕮᑌᐢᕮ ᕤᘚ ᐊᐣᓇ᙮ ᔦ ᐅduᐢᑵᒡ ᐊᐅᐣᕞ ᕤᘚ ᐁᐦᕠᕊᐣ? ᘚᔪᐊ ᐢᐅ ᕤᐤᐁ ᐁᐦᕠ, ᙓᐣ ᒪᕤᑫᑊᗁᐣᖇᕠ ᘚ᙮ 25ᐃᕞᕞᐦ ᐠᐤᐁᕞ ᒣᕠᕬ ᒡᔨᔨ ᘚᑌᐢᕮ, ᑲᐦᗱ ᐊᕦᑵᒡ, ᑯᐅᐦ ᑯᐅᐢᕠ ᐊᕞᒃᐅᐣ ᐢᐊᕭᐊlᕄ ᘔ ᐃᐦᑵ ᙓᐣ ᒪᕤᑫᑊᗁᐣᖇᕠ ᘚ᙮ 26ᑲᐦᗱ ᐅᐦᕞ ᒣᕠᕬ ᒡᔨᔨ ᐊᕤ ᑫᓀᕄᕊᐣ; ᕭᐅᐣᕞ ᐅᕄ ᐅᗱ ᐊᕠ ᐃᕫ, ᑲᐦᗱ ᐊᑊᗃᕦᓀ ᐃᕫ ᑯᐅᑲᐢᐊᕦ, ᐊᕤ ᔭᒃᐊ ᐅᕠᐦᔪl᙮ 27ᐠᐤᐁᕞ ᗱ ᒣᕠᕬ ᒡᔨᔨ ᐅᘚᑌᕮ ᕞᒃᐁ, ᑲᐦᗱ ᒪᘚ ᓇᑊᗃᕮl ᔦᐦᕠᕊᐣ: ᑲᐦᗱ ᐅᘚᑌᐢᕮ ᕦᓀ ᐠᐤᐁᗴᔦᐦᕠ ᔦᘚ ᐦᕄᐦᔨᒡl᙮ 28ᑲᐦᗱ ᔦᘚ ᓇᓂᐅ ᘔᑵᐦ, ᑲᐦᗱ ᐊᕞᑎ ᑊᗁᐅ: ᐅᐦ ᐊᔨ ᐊᕞᑎ ᕤ ᑊᗁᐅ᙮ 29ᑯᐅᕤ ᔭᐅᕦᕠᐨᓀ ᐅᑊᗃᕠᒡᓴᐠ ᗰ, ᔭᗰᕮᕞᐢᕞᒡl ᑲᐦᗱ ᔭᒃᐁᗯ ᓂᑊᗃᕠᐦᒡᔨ, ᑲᐦᗱ ᓇᕠᓀ ᐠᐤᐊᕠ ᓇᑊᗃᓂᐦᒡᔨ᙮
30ᑲᐦᗱ ᐤᐅᗰᗴᕞᕮᓀ ᐊᑊᗃᓀᕞ ᐃᐣᕦᕦᑊᗃᕠ ᙏᓭᐢ ᐊᕄᐃᕠ ᐅᘚᕮᕞᐢᕞᒡl, ᐊᒡᕮᒃᐃ ᑭᕦᕦᕠ ᐅᕄ, ᑫᐅᐊᗰᐃ, ᑲᐦᗱ ᐅᕄ ᕦᓀᑊᗃ ᐅᕦᕞᗰᓀ᙮ 31ᑲᐦᗱ ᕤᐤᐁᐦᗱ ᔦᐦᕠ, ᕞᕦᐦᕞl ᓇᑊᗃᐃ ᒡᔨᐣᕦ ᐅᕄᕞ ᔭᑊᗁ ᑫᑦᐤᐁᐦᗰ, ᑲᐦᗱ ᐅᐣᒡᓴᒡᕄ ᓇᕦᐦᔨᐦ: ᑯᐅᕤ ᓇᒡᕊᐣ ᔪᐦᗰᑊᗃᕞᐢᕞᒡl ᑲᐦᗱ ᔨᕞᑊᗃᕞᐢᕞᒡl, ᐊᕤᕄᕦ ᐊᐦᐤᐅᓯᒡᐢ ᑯᒃᒃᐊ ᐅᕄ᙮ 32ᑲᐦᗱ ᓇᐅᓇᐃ ᐁᕍ ᕤ ᗱᐠ ᐁᐦᑵᐊᕦᗰ ᐁᐦᑵᑊᗃᑊᗁᕞᒡl᙮ 33ᑲᐦᗱ ᕦᓀ ᑯᐅᔭ-ᐃᐦ ᐊᗱᑊᗃᕞᐢᕞᒡᕊᐅᐦ, ᑲᐦᗱ ᓇᒡᕊᓀ ᐊᕦᑯᐅᔦᐦᕠ, ᑲᐦᗱ ᕦᓀ ᓇᕠᐦᕠ ᐅᘚ ᐊᒡᕫ ᐅᘚ ᐅᑊᗃᕞᐦᓴᒡ ᓂᕤ ᐠᐤᐊ ᐅᒡᔨᔨ ᐊᑊᗂᐅ ᐊᓀᕞ ᐅᑊᗃ-ᐃ, ᑲᐦᗱ ᕦᓀ ᘛ ᓂᑊᗃᓂᐣᕞᒡl, ᐊᑊᗃᓀᕞ ᑭᔪᓂᐣᕞᒡl᙮ 34ᑲᐦᗱ ᙏᓭᐢ ᕮᑌᐢᕮ ᓇᒡᕊᓀ ᕦᓀ ᑊᗃ-ᐃᐦ, ᐅᐦᕞ ᒪᒡᓴᐣ ᕦᕠᐦᕠ ᑵᕫ ᐃᐣᑎᕞᐢᐊ, uᐢᐸᐃ ᐁᒡᔨᐁᐦ uᐢᐸᐃ ᑊᗃᑊᗃᕦᓀ ᕦᓀ ᐊᕤ ᐊᔦᕬ: ᑲᐦᗱ ᕞ ᔭᑊᗂᕦᕠᐨ ᓇᒡᕊᐣ ᐅᕄ᙮ 35ᑯᐅᕤ ᐊᔨ dᒃᐃᓀᕊᐣ ᐠᐤᐊᑯᐅᕃ ᕤᐣᕞᕤ ᐠᕊᐁᐦ ᐅᕄ, ᔭᐅᕦᕠᐨᓀ ᔭᗰᕞᐢᕞᒡl, ᕤᐤᐁ ᔦᐦᕠᕊᐣ ᐁᐦ, ᑫᑦᐤᐁᐦᗰ ᐅᕄᕊᐣ ᗱᑌᐦ, ᑲᐦᗱ ᐠᐤᐊ ᐅᐣᗴᑌᐦ dᒃᐃᓀ ᐠᕊᐁᐦ ᐅᕄ: 36ᐊᗱᔭᑌᕮ ᕠᑫ ᐅᑫᕫ ᐅᘚᑊᗃᕦᕞl, ᑲᐦᗱ ᓂᕤ ᐠᐤᐊ ᐅᒡᕊᐣᗰ, ᑲᐦᗱ ᐊᕦᕫᑊᗃᕤᒡᕄᕬ ᑊᗃ ᐅᒡᕃᐢ ᕞᐢ: ᐊᕤᕄ ᑊᗃᘚᘚ ᐊᑊᗃᕬ ᐃᕫ᙮ 37ᐊᕞᔭᕞᒡᕍᕊᐣ ᕭᐅᕃ ᕤᐤᐁᐦᗱ ᔦᐦᕠ ᐃᕫ, ᓇᑊᗃᓂᕊᐣ ᑭᔨᐅᐦᕦᐃ ᑯᐅᔭᓇᐦᕄ᙮ ᑲᐦᗱ ᕤᐤᐁ ᑭᔦᐦᕠ, ᔭᑊᗀ ᐅᘚ ᕦᐤᐅᕞᕄ ᐊᕦᑊᗃᐤᐅᒡᕄᕬ ᐃᕍ ᓱᓂᔭ ᐅᐣᑵ ᑫᐅᓀᕠ ᑫᒡᔨ ᐢᐊᗱᓇᐃ ᐁᐦᕞ ᐅᒡᕃᐢ ᕞᐢᕦ, ᔭᑊᗁᓀ ᑊᗃᐅᐦᗱᕠ? 38ᕤᐤᐁᕍ ᐅᕄ ᓇᔦᕠᕊᐣ, ᕦᐃᕩ ᐅᒡᕃᐢ ᕞᐢ ᐊᕬᐤᐅ? ᐅᐣᑲᐤᐊᐦᔭ᙮ ᑲᐦᗱ ᐊᕦᑊᗂᐤᐊᕠᗰ, ᕤᐤᐁᕍ ᑊᗃᕠ, ᐦᕍᐦᗯᕠ, ᐦᕊᗀ ᗱ ᐅᐣᑫᕠ᙮ 39ᑯᐅᐦ ᔦᐦᕠᕊᐣ ᐁᐅᓀᕞ ᘚ ᕦᐦᘚ ᐠᕊᑫ ᕦᓀᑉᔦdᐢ ᒡᕮ᙮ 40ᑲᐦᗱ ᑊᗃᕞ ᑊᗀᐢᐠᔨᐦ ᐃᐣᗴᑫ, ᑫᐅᓀᕠ ᑫᒡᔨ ᕦᕞᐦᘚ ᐃᐣᗰᓇᕦᕞ, ᕦᑊᗃᓀ ᗱ ᐦᕍᐦᗯᕠ ᑫᒡᔨ ᐃᐣᗰᓇᕦᕞ ᕦᕞᐦᘚ᙮ 41ᑲᐦᗱ ᐦᕍᐦᗯᕠ ᐅᒡᕃᐢ ᕞᐢ ᓂᔭᕠᕍ ᐦᕊᗀ ᐅᐣᑫᕠ ᗱ, ᑯᐅᐦᕠᑫ ᐅᑲᐦᒡᕮ ᔭᘚ ᑲᐦᗱ ᒣrcᐃ ᔦᐦᕠ, ᑲᐦᗱ ᐅᒡᕃᐢ ᕞᐢ ᔭᕦᑊᗁᔨᒡᐢ, ᑲᐦᗱ ᔭᐅᕦᕠᐨᓀ ᑊᗁᕍ ᔭᓂᔪᕃl ᑊᗃ; ᐦᕊᗀ ᐅᐣᑫᕠ ᗱ ᐊᓀᕞ ᒡᕮᐁᐢᕠᐨ᙮ 42ᐊᑊᗃᓀᕞ ᐁᑊᗃᑊᗁᐣᕦᕊᐣ, ᐅᗱ ᕦᕦᑊᗃᓇᐢᕤᕊᐣ᙮ 43ᑲᐦᗱ ᑫᓀᕠ ᐅᐣᑫᕠ ᒪᒡᕮ ᐠᕊᑫ ᐊᐢᐠᕊ ᑊᗃᐃᓯᐢ ᕦᑌᐢᒪᓄᐅ ᒣᗴᑊᗁᐣᕦᐃ ᐃᕫ, ᐦᕊᗀ ᐃᕫ ᗱ᙮ 44ᑲᐦᗱ ᔦᑊᗃᑊᗁᐣᕦᐃᐃᓀ ᐅᒡᕃᐢ ᕞᐢ ᐅᕄᕦᐦ ᐦᕍᐦᗯᕠ ᑫᐅᓀᕠ ᑫᐅᓀᕠ ᑫᒡᔨ ᓯᐦᕊᐣ ᐁᓀᒡᔨ ᓯᐦᕊᐣ ᕞᒃᐅ᙮ 45ᐃᐁᕠ ᕞ ᐠᐤᐁᕞ ᐊᓀᕞ ᐃᕫ ᔪᕠᕊᐣ ᔭᐅᕦᕠᐨᓀ ᕦᗰᐣ ᐁᕍᐦᑵᐅᕞᕄ ᐠᕮ, ᑲᐦᗱ ᕦᐃᕞᗰ ᐅᘚᑊᗃᕤᕞᕄᑊᗃ ᕮᕍᑎᐦ bᐁᒡᐦᐢᐃᑕ, ᐊᗱᕞᕮᕤᐣ ᕦᓀ᙮ 46ᑲᐦᗱ ᑯᐅᕤ ᐊᗱᕞᕮ, ᐊᕦᐃ ᗱ ᔨᕦᐃᕞᐢᕮ ᐠᕬᐢ ᘚ ᔭᐅᕤᕞᐨ᙮ 47ᑲᐦᑲᗰ ᐊᐅᗴ ᘚ, ᕦᗰᐣ ᐁᕍ ᕦᕠᗯ ᘚ ᕤ ᗱᐠ ᕦᑊᗃᕄᕊᐅᐦ, ᐊᕦᓀ ᐣuᐣᑯᗰ ᐢᐊᐦᕠ ᐊᕄ᙮ 48ᑲᐦᗱ ᔭᐃ ᐅᐦᕞ ᑫᐅᕠᗱᐅ ᐊᕤᐤᐊᒃu; ᐃᐣᘚᕦ ᐅᕄᐁᐦ: ᐅᕄᕦᐦ ᕮᒡᕄᐣᑐ ᐊᐅᗴ ᓱ ᕦᓀ ᐤᐅᐦᓂᔭᕊᐣ, ᕤ ᗱᐠ ᐠᕮᐃ ᓂᔭᕊᐣ, ᑲᐦᗱ ᔭᐅᔦᐊᐢᓯᕊᐣ᙮ 49ᑭᔭᐃᐣᗰ ᕤ ᐠᕮᐃ ᓂᔭ, ᑯᐅᐦ ᑯᐅᑊᗃᕠ ᕦᓀ ᐊᘚᐣᑌ ᐊᕄ ᕊᐣᕞ ᑭᔪᕠᐦ, ᑲᐦᗱ ᐅᐦᕞ ᐅᓂᑊᗃᓂᕞᒡlᕊᐣ: 50ᐊᑊᗃᓀᕞ ᑭᔭᐃ, ᑲᐦᗱ ᐊᕤ ᐅᗱ ᐃᐣᑎᑊᗃᕞᐢᐊᕊᐣ᙮ ᐠᐤᐁᕞ ᐃᐣᗰ ᐅᑊᗃᕦᕞᐨ, ᑲᐦᗱ ᕤᐤᐁᕍ ᔦᐦᕠ, ᐅᐦᕞ ᓱᓇᐦᕞ: ᓴᓂ ᐊᐢᕄ ᐊᐅᐣᕞ; ᐊᕤ ᐅᓀᑊᗃᐦᕞl᙮ 51ᑲᐦᗱ ᐃᐣᐠᕮᑌᐢᕮ ᐁᕍᐦᑵ ᐊᕠᓀ; ᑲᐦᗱ ᐃᐣᘚ ᐊᑌᒃuᒡ: ᑲᐦᗱ ᐅᐦᕞ ᐠᕮᐤᐅᑊᗃᕄ, ᑲᐦᗱ ᐅ-ᐅᗰ ᐠᕮᐤᐅᑊᗃᕄ᙮ 52ᐊᕤ ᐊᔨ ᐃᐣᑎ ᑊᗃᕠ ᐃᕫ ᐊᔨ ᐅ-ᐅᗰ ᑫᐅᗴᐊᗰ ᑫᐦᗰ ᐅᒡᕃᐢ ᕞᐢ: ᐊᑊᗃᕦᓀ ᑯᐅdᒃᔦ ᓇᒡᓴᒡᕠᐁᐦ᙮ 53ᑯᐅᕤ ᓇᑊᗃᕞᐢᐠᔨ ᘚ, ᑯᐅᓇᑊᗃᑊᗁᐣᕞᒡl ᕠᑫ ᗀᐣᓀᐢᐊrᐁᒡ, ᑲᐦᗱ ᒡᕮᑊᗁᔦᒡl᙮ 54ᒡᕮᑊᗁᐦᔦᒡl ᘚ ᐁᕍ ᐁᐦᑵ ᘚ, ᐠᐤᐁᕞ ᐊᕦᑭᔦᕠ, 55ᑲᐦᗱ ᑵᕤᐣ ᑊᗃᕠᐨ ᐊᐅᓀᕞ ᐃᐁᕠ ᐅᕤᓯᐣᐠᕮ, ᑲᐦᗱ ᑵᑵᔦᐦᕠᐨ ᐊᔨ ᕞᕄᐢᐊᒡᔨᐃ ᕦᕠᕬ, ᐊᕄ ᐃᕞᐦ ᐅᕮᕠᒡᓴᑯᐅᐦ᙮ 56ᑲᐦᗱ ᐠᐤᐃᔭᐦ ᐊᐢᓯᕠᐦ ᓂᕤ ᐠᐤᐊ ᗰᓯᐣᗰ, ᓂᕤ ᐠᐤᐊ ᐅᒡᔨᔨ ᑯᐅᕃ, ᕠᑫ ᑯᐅᕃ, ᓂᑭᔨᒡᔨᐦ ᐊᔨ ᔭᕠᕠᓀ ᐊᒡᑊᐦuᐣᓂ ᕠᗯ ᑯᐅᕃ, ᑲᐦᗱ ᑭᗰᓂᐅᑊᗃᐣuᓂᓯᒡ ᑭᑲᕤᕠᕬ ᑊᗃ ᑊᗃᕞ ᒪᑫᐢᕤᐁ ᒪᐃᕫ ᐊᑊᗂᐅ ᑭᔪᐦᗱᕠ ᑊᗃ; ᔪᐦᗱᕦᐢᓯᐦᓀ ᐊᓀᕞ ᔭᑊᗁᕦᕊᐣ᙮
first published by the Society for Promoting Christian Knowledge (SPCK), 1886.