Genesis 4
4
Si Cain kag si Abel
1Karon si Adan nagpakighirop sa iya asawa, kag nagbusong sia. Nagbata sia sing lalaki kag nagsiling sia, “Nakabaton ako sing anak nga lalaki paagi sa bulig sang Ginoo.” Gani ginhingalanan niya ang iya bata kay Cain.#4:1 CAIN: Ini nga ngalan daw pareho sang Hebreo nga pulong nga kon sayuron “nakuha.” 2Sang ulihi nagbata pa gid sia kay Abel nga isa man ka lalaki. Si Abel nanginmanugbantay sang mga karnero, pero si Cain iya mangungoma. 3Sang wala madugay, si Cain nagdala sang isa ka bahin sang iya patubas kag ginhalad ini sa Ginoo. 4Dayon#Heb. 11:4. si Abel nagdala sang panganay sang isa sang iya mga hayop, gin-ihaw niya ini, kag ang pinakamaayo nga mga bahin iya ini ginhalad. Ang Ginoo nahamuot gid kay Abel kag sa iya halad, 5pero wala niya pagbatuna si Cain kag ang iya halad. Si Cain nagsingkal sa kaakig kag nagkusmod. 6Dayon ang Ginoo nagsiling kay Cain, “Ngaa naakig ka? Ngaa nagakusmod ka? 7Kon maayo ang ginhimo mo, kuntani manayanaya ang imo guya.#4:7 kuntani manayanaya ang imo guya: ukonkuntani ginbaton ko ang imo halad. Pero tungod nga malaut ang ginhimo mo, ang sala pareho sang mabangis nga sapat nga nagahukmong sa imo pwertahan kag handa sa pagsalakay sa imo. Maluyag ini sa paggahom sa imo, pero kinahanglan dag-on mo ini.”
8Dayon#Klm. Sol. 10:3; Mat. 23:35; Luc. 11:51; 1 Juan 3:12. si Cain nagsiling sa iya utod nga si Abel, “Dali makadto kita sa latagon.”#4:8 Ang iban nga dumaan nga mga pagbadbadDali, makadto kita sa latagon; sa Hebreo wala ini nga mga pulong. Sang didto na sila sa latagon, gindamhagan kag ginpatay ni Cain ang iya utod.
9Ang Ginoo nagpamangkot kay Cain, “Diin ang imo utod nga si Abel?”
Nagsabat sia, “Ambot! Ako bala ang manugbantay sang akon utod?”
10Karon#Heb. 12:24. ang Ginoo nagsiling, “Ngaa ginhimo mo ining makasiligni nga butang? Ang dugo sang imo utod nagasinggit sa akon halin sa duta subong sang isa ka tingog nga nagapangayo sang pagtimalos. 11Kag karon ginapakamalaut ka kag pagatabugon ka halin sa sini nga duta nga nagbuka sang iya baba subong sang isa ka gutom nga sapat sa pag-inom sang dugo sang imo utod gikan sa imo kamot. 12Kon magpananom ikaw, ang duta indi magpatubas sing bisan ano para sa imo, kag manginlayaslayas ikaw nga wala sing ilistaran sa duta.”
13Dayon si Cain nagsiling sa Ginoo, “Tama kabug-at ini nga silot para sa akon. 14Karon ginatabog mo ako halin sa sini nga duta kag halin sa imo atubang. Mangintiyugtiyog ako nga wala sing ilistaran sa sini nga duta, kag ang bisan sin-o nga makakita sa akon magapatay sa akon.”
15Pero ang Ginoo nagsabat sa iya, “Indi ina mahimo kay kon may magpatay sa imo, pito ka kabuhi ang itumbas sa imo kabuhi.” Gani ang Ginoo nagbutang sing tanda kay Cain sa pagpaandam sa bisan kay sin-o nga masugata niya nga indi sia pagpatyon. 16Kag si Cain nagpalayo sa Ginoo kag nag-estar sa nasidlangan sang Eden sa duta nga gintawag “Layaslayas.”
Ang mga Kaliwat ni Cain
17Si Cain nagpakighirop sa iya asawa. Ang iya asawa nagbusong kag nagbata sing isa ka lalaki kag ginhingalanan nila sia kay Enoc. Sang ulihi si Cain nagpasad sing isa ka siudad kag ginhingalanan niya ini sang ngalan sang iya anak nga si Enoc. 18Si Enoc may bata nga lalaki nga ginhingalanan kay Irad. Si Irad amay ni Mehujael, si Mehujael amay ni Metusael, kag si Metusael amay ni Lamec. 19Si Lamec may duha ka mga asawa nga amo sanday Ada kag Sila. 20Si Ada nagbata kay Jabal nga amo ang ginhalinan sang mga manugbantay sang mga hayop kag nagaestar sa mga tolda. 21Ang iya utod nga lalaki amo si Jubal nga amo ang ginhalinan sang tanan nga mga musikero nga nagatukar sang arpa kag plawta. 22Si Sila nagbata kay Tubal Cain nga ginhalinan sang tanan nga mga manugsalsal#4:22 Ang isa ka dumaan nga pagbadbadginhalinan sang tanan nga mga manugsalsal; sa Hebreomanugsalsal sang tanan nga sahi sang mga galamiton. sang bronsi kag sang salsalon. Ang utod nga babayi ni Tubal Cain amo si Naama.
23Si Lamec nagsiling sa iya mga asawa,
“Ada kag Sila nga akon mga asawa, pamatii ninyo ako:
nakapatay ako sing pamatan-on nga lalaki kay ginsakit niya ako.
24Kon may magpatay kay Cain pagatumbasan sing pito ka kabuhi,
ang bisan sin-o nga magpatay sa akon pagatumbasan sing setentay siete ka pilo.”
Si Set kag si Enos
25Si Adan nagpakighirop sa iya asawa kag nagbata sia liwat sing lalaki. Si Eva nagsiling, “Ang Dios naghatag sa akon sing isa ka anak nga lalaki sa pagtal-os kay Abel nga ginpatay ni Cain.” Gani ginhingalanan niya sia kay Set.#4:25 SET: Ini nga ngalan pareho sang Hebreo nga pulong nga kon sayuron ginhatag. 26Si Set may anak nga lalaki nga ginhingalanan niya kay Enos. Amo yadto ang tion nga ang mga tawo nagsugod sa pagmitlang sang ngalan sang Ginoo sa ila pagsimba.
Maayong Balita nga Biblia © Philippine Bible Society, 2012