- उत्पत्ति 28 的热门经文

分享

सुन, मैं तोरे संगै रैहों, और जितै कहूं तें जाए उतै तोरी रक्‍छा करहों, और तोहों ई देस में लौटा ल्‍याहों: मैं अपने कए भए हों जब लौ पूरो नें कर लेओं तब लौ तोहों नें छोड़हों।”

यहोवा परमेसुर ऊके ऊपर ठांड़ो होकें कैत आय, “मैं यहोवा परमेसुर, तोरे दादा अब्राहम कौ परमेसुर, और इसहाक कौ भी परमेसुर आंव; जो जमीन पै तें लेटो आय, ऊहों मैं तोए हों और तोरे बंस हों दैहों।

तब याकूब जग गओ, और कैन लगो, “पक्‍कौ ई जागां में यहोवा परमेसुर आय; और मैं ई बात हों नें जानत हतो।”

तब याकूब ने जा मन्‍नत मानी, “जदि यहोवा परमेसुर मोरे संगै रैकें ई यात्रा में मोरी रक्‍छा करे, और मोहों खाबे के लाने रोटी, और पैरबे के लाने उन्‍ना दे, और मैं अपने बाप के घर में अच्‍छो-भलो लौट आओं; तौ यहोवा परमेसुर मोरो परमेसुर ठैरहै। जौ पथरा, जीकौ मैंने खम्‍बा ठांड़ो करो आय, यहोवा परमेसुर कौ भवन ठैरहै: और जो कछु तें मोहों दे ऊकौ दसवों हींसा मैं जरूर तोहों दए करहों।”

तोरो बंस जमीन की धूरा के किनकों के जैसे मुतके हुईयें, और पच्‍छिम, पूरब, उत्तर, दक्‍खिन, चारऊं कुदाईं बढ़त जैहै: और तोरे और तोरे बंस के द्वारा पृथ्‍वी के सबरे कुल आसीस पाहें।

ऊने ऊ जागां कौ नाओं बेतेल रखो; परन्‍त ऊ नगर कौ नाओं पैलां लूज हतो।