SALMOS 20
20
1Ẕnnabla' X̱anžo Dios yenle' chi'o kate' bi žak chio',
na' gape chi'i Dios na'kze che Jakob le'.
2Ẕnnabla' Ḻe' ḻo latje la'y chie' gákḻene' le',
na' gan zoe' ḻaw Ya'a Sión yedjwíe' le'.
3Ẕnnabla' Ḻe' chejsá' ḻaže'e yógo'te da' bneẕjo' chie',
na' si' ḻo ne'e biado' ka' ẕzeyo' ḻawe' Ḻe'.
4Ẕnnabla' Ḻe' gonne' chio' yógo'te da' ẕdan ḻažo'o,
na' gone' yógo'te da' žak ḻažo'o.
5Yebéḻe'elto' kate' yeslé' le'.
Wchisto' to da' wḻoé'e ḻawn La la'y che Dios chežo.
Ẕnnabla' X̱anžon' gone' yógo'te da' ẕnnablo' Ḻe'.
6Na'a nnezla' žeslá X̱anžon' bennen' wžekze' Ḻe'.
Gan zoe' ya'abá la'y chie' yenle' chi'i bennen'.
Ḻen yeḻa' wak ẕente chie' yeslé' ḻe'.
7Baḻ benne' ka' žx̱en ḻáže'gake' karro ka' che wdiḻe,
na' yezíka'že' žx̱en ḻáže'gake' bia waḻe ka',
san žo'o žx̱en ḻáže'žo La X̱anžo Dios.
8Benne' ka' gotgak ni'a ná'gake', na' bejchégwgake',
san žo'o, beyasžo, na' zežo.
9Beslá neto', X̱anto' Dios. Le'kze ẕnna bi'o neto'.
Benle chi'ito' kate' žḻižto' Le'.
Àwon tá yàn lọ́wọ́lọ́wọ́ báyìí:
SALMOS 20: zty
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2002, Wycliffe Bible Translators, Inc. All rights reserved.