Wongeela Maatewos 8
8
Yesus Namicha Waashayaa Fayyisuu Isaa
(Mar 1:40-45; Luq 5:12-16)
1Yesus yeroo Gaara irraa bu'etti, namoonni haalaan baayi'e'ee ni horddofaniin. 2Yeroo kanatti namichi waashaye#8:2 Waashaye:- Nama gogaan qaamaa isaa dhukkuba adda addaatiin madaayee, biftti gogaa isaa adii taasise. tokko dhufee sagadeefiiti, «Yaa Gooftaa! Yoo eeyyamtte ana fayyisu'uuf ni danddeetta» jedhe.
3Yesus'llee harka isaa diriirssee qaqabeeniiti, «Eeyyamee jira fayyi!» jedheen. Waashaye'llee bakkumatti waashayinna isaa irraa ni fayye. 4Kanaan duubatti Yesus, namicha waashayinna irraa fayyeen akkana ni jedheen, «Waan kana eennutti'llee hin dubbatin, garuu deemiitii fayyuu kee qeesicha kee titti muldhisi, ragaa isaanitti akka ta'uu danda'u, waayee fayyuu keetiitiif kennaa Museen ajaje, Waaqaaf dhiyeessi!» jedheen.
Yesus Tajaajilaa Ajajaa Dhibbaa Akka Fayyise
(Luq 7:1-10)
5Yesus gara magaalaa Qifrnnaahoomii yeroo aseenetti, ajajaan worra Rooma'aa ka dhibbaa tokko gara isaa dhiyaatee, kadhachu'uun, 6«Yaa Gooftaa, tajaajilaan kiyya naafa ta'ee, haalaan makkaraaru'uun, mana ciisee jira» jedheen.
7Yesus'llee, «Ani dhufee ni fayyisaan» jedheen.
8Ajajaan dhibbaa garuu akkana jechu'uun ni deebise, «Yaa Gooftaa! Ati gara mana kiyyaa akka aseentu'uuf ani nama malee miti, garuu dubbii tokko qofa dubbadhu, tajaajilaan kiyya'llee ni fayya. 9Ani mataan kiyyaa namoota aangoo qabaniif ajajamaa yoo ta'u, anaa gadi lolttoota ajaju ni qaba, isaan keessaa tokkoon, ‹deemi!› yoo jedhuun ni deema, ka bira'aatiin'llee, ‹koottu!› yoo jedheen ni dhufa, tajaajilaa kiyyaan'llee, ‹kana raawwadhu!› yoo jedhuun, ni raawwata.»
10Yesus'llee kana yeroo dhagayetti ni maalalffate, isa horddofan namoota turaniin'llee akkana ni jedhe, «Dhugamaan isiniin jedha, amantii hagana gayu guddaa ka qabu, nama tokko'llee Israa'eelumaan keessattuu hin arganne. 11#Luq 13:29.Baayi'eewwan baya adu'uutii fi gara dhiyaatii ni dhufan, Abraahaam, Yisaaqii fi Yaaqoobiin woliin'llee Mootummaa Sami'ii titti, nyaataaf ni taa'an. 12#Mat 22:13; 25:30; Luq 13:28.Dhaaltota Mootummaa kana ta'uun ka isaaniin malu turan garuu, gara dukkana ala jiruu titti ni gataman. Achitti'llee booyaa fi ilkaan qaruun ni ta'a.» 13Kanaan duubatti, Yesus ajajaa dhibbaatiin, «Deemi akka amantii keetii siif haa ta'u!» jedheen. Tajaajilaan isaa'llee saa'aatima sanitti ni fayye.
Yesus Dhukubsattoota Baayi'ee Fayyisuu Isaa
(Mar 1:29-34; Luq 4:38-41)
14Achii'llee Yesus gara mana Phexirosii yeroo aseenetti, soddaatiin Phexirosii dhukkuba oo'isee qaama gubuun dhukkubsattee, akka ciiftte ni arge. 15Harka isi'ii'llee yeroo qaqabetti bakkumatti dhukkubinni oo'isee qaama gubu gad dhiiseeniiti ni fayyite, kaatee'llee Yesusiin tajaajiluu jala ni qabdde.
16Yeroo dhiitetti'llee namoonni namoota jinni'iin qabaman dhukkubisatoota baayi'ee gara Yesusii ni fidan, inni'llee dubbii isaatiin hafuurota battiiwwan jinni'ii isaan keessaa ni baase, dhukubsatoota mara'llee ni fayyise. 17Kana'llee raawwachuu isaatiin nabiyyicha Isaayaasiin, «Inni dhibee keenna ni fudhate, dhukkubsata keenna'llee ni baadhate» raaginni jedhame, ni raawwatame.
Horddofttoota Yesusii Rakkinna Isaan Muudatu
(Luq 9:57-62)
18Yesus namoonni baayi'een naannaya isaa titti wolgayanii yeroo argetti, gara garba ciisa'aan gamaa akka ce'aniif, barattoota isaa ni ajaje. 19Kanaan duubatti barsiisaan seeraa tokko, gara Yesusii dhufee, «Yaa barsiisaa, gara ati deemittu mara si haa horddofuu!» jedheen.
20Yesus'llee, «Jeedallan boolla ni qaban, sinbirroonni qilleenssa irra bararan'llee mandhee keessatti boqatan ni qaban, Ilmi Namaa garuu matama ufiituu bakka itti boqachiisu hin qabu» jechu'uun ni deebiseef.
21Barattoota isaa keessaa'llee tokko, «Yaa Gooftaa jalqaba deemee abbaa kiyya akka awaaladhuuf naa eeyyami!» jedheen. 22Yesus'llee, «Ati ana horddof, du'oonni garuu du'oota isaanii akka awwaalaniif, isaan dhiisi!» jedheen.
Yesus Danbalii Bishaanii Akka Caldhisiise
(Mar 4:35-41; Luq 8:22-25)
23Yesus'llee gara hobolo'oo irraa yeroo bayutti, barattoonni isaa isa ni horddofaniin. 24Danbaliin ol aanaan garba ciisaa irratti waan ka'eef, danbaliin hoboloo garagalchee jala dibu'uun ni gaye, Yesus garuu rafee jira ture. 25Barattoonni isaa'llee gara Yesusii dhiyaatanii, «Yaa Gooftaa! Badu'uuf jiraatii nu oolichi!» jedhanii hirribaa ni kaasaniin.
26Inni'llee, «Isin yaa worra amantiin isinitti dhidhate nana! maali'iitiif sodaattan?» isaaniin jedhe. Saniin duubatti'llee Yesus ka'ee bubbe'ee fi garba ciisa'atti ni baanate, cadhisiinssi ol aanaan'llee ni ta'e. 27Namoonni'llee maalalffatanii, «Kun ka bubbe'ee fi ka garb ciisaan'llee ajajamaniif, nama attamiit?» jedhan.
Yesus Hafuura Jinni'iitiin Ka Qabaman Namoota Lamaa Akka Fayyise
(Mar 5:1-20; Luq 8:26-39)
28Yesus garba ciisaa Galiila'aa ce'ee gara Gergesenoon yeroo dhufetti, jinni'iin ka isaan qabee jiru namoonni lamaa, bakka awwaalaatii bayanii gara isaa ni dhufan, haalaan'llee hamaaleyyii waan turaniif naminni kumi'llee, karaa saniin dabrru'uuf hin danda'u ture. 29Isaan'llee, «Ati yaa Ilma Waaqaa, ati nu'uun woliin dhimma maal qabdda? Uduu yeroon hin gayin nu makkaraarsu'uuf dhufitte moo?» jedha'aa, ni iyyan.
30Isaan irra bakka muraasa achi fagaatee jirutti, gobbuun booyyeewwan baayi'een, bobbayee jira ture. 31Jinniiwwan'llee, «Ka nu baafttu yoo ta'e, yabo'oo garas, gara gobbuu booyyeewwanii nu ergi!» jechu'uun, ni kadhataniin.
32Yesus'llee, «Deemaa» isaaniin jedhe. Kanaaf namoota keessaa bayanii gara booyyeewwanii dhaqanii isaanitti ni aseenan. Booyyeewwan marri'llee qarree qile'ee irraa gatantara'aa bu'anii, garba ciisaa keessatti kufanii ni du'an.
33Tissitoonni booyyeewwanii'llee dheessanii, gara magaala'aa galaniiti waan maraa ni odeessan, waayee namoota jinni'iin qabaman irratti ta'e'llee ni dubbatan. 34Kanaan duubatti namoonni magaala'aa marrinuu Yesusiin laalu'uuf ni bayan, yeroo arganiinitti'llee, biyya isaaniitii bayee akka isaanii deemuuf ni kadhataniin.
Àwon tá yàn lọ́wọ́lọ́wọ́ báyìí:
Wongeela Maatewos 8: ArsiDNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
