ಯೋಹಾನೆ 5
5
ಸಬ್ಬತ್‌ದಿನೊಟು ಸೀಕ್‌ದಾಯನ್ ಗುಣ ಮಲ್ತಿನವು
1ಉಂದೆಡ್ದ್ ಬೊಕ್ಕ ಯೆಹೂದ್ಯೆರೆ ಪರ್ಬ ಇತ್ತಿನೆಡ್ದ್ ಯೇಸು ಯೆರೂಸಲೇಮುಗು ಪೋಯೆ. 2ಯೆರೂಸಲೇಮುಡು ಕುರಿ ಅಗಸೆ ಪನ್ಪಿ ಬಾಕಿಲ್‌ದ ಕೈತಲ್‌ಡ್ ಒಂಜಿ ಕೆದು ಇತ್ತ್ಂಡ್. ಉಂದೆಕ್ಕ್ ಇಬ್ರಿಯ ಭಾಷೆಡ್ #5:2 ಕೆಲವು ಮೂಲ ಪತ್ರಿಕೆಡ್ ಬೇತ್ಸಥಾ ಅಂದ್‌ದ್ ಉಂಡುಬೇತ್ಸಥಾ ಅಂದ್‌ದ್ ಪುದರ್ ಇತ್ತ್ಂಡ್. ಆ ಕೆದುತ ಸುತ್ತೊಡು ಐನ್ ಮಂಟಪೊಲು ಇತ್ತ್ಂಡ್. 3ಐಕ್ಲೆಡ್ ಕೆಲವು ಸೀಕ್‌ದಾಕುಲು, ಕುರುಡೆರ್, ಕಾರ್‌ದಾಂತಿನಾಕುಲು, ವಾತದಾಕುಲು ಏಪಲಾ ಜೆತ್ತೊಂದಿತ್ತೆರ್. 4-5ಅಲ್ಪ ಮುಪ್ಪತೆನ್ಮ ವರ್ಸೊಡ್ದಿಂಚಿ ಸೀಕ್‌ಡ್ ಇತ್ತಿ ಒರಿ ನರಮಾನಿ ಇತ್ತೆ. 6ಯೇಸು ಆಯನ್ ತೂದು, ಉಂಬೆ ಮಸ್ತ್ ಕಾಲೊಡ್ದಿಂಚಿ ಸೀಕ್‌ಡ್ ಉಲ್ಲೆ ಅಂದ್‌ದ್ ತೆರಿದ್, “ನಿಕ್ಕ್ ಗುಣ ಆಯೆರೆ ಮನಸುಂಡಾ?” ಅಂದ್‌ದ್ ಆಯಡ ಕೇಂಡಿನಪಗ,
7ಆ ಸೀಕ್‌ದಾಯೆ, “ಕರ್ತವಾ, ನೀರ್ ಉರ್ಕುನಗ ಎನನ್ ಕೆದುತ ಉಲಯಿ ಜಪುಡಾವುನಾಕುಲು ಏರ್ಲಾ ಇಜ್ಜೆರ್. ಯಾನ್ ಅಡೆಗ್ ಪೋನಗ ಎನಡ್ದ್ ದುಂಬು ಬೊಕ್ಕೊರಿ ಜಪ್ಪುವೆ,” ಪಂಡೆ.
8ಯೇಸು ಆಯಗ್, “ಲಕ್ಕ್‌ದ್ ನಿನ ಪಜೆನ್ ದೆತ್ತೊಂದು ನಡಪು,” ಅಂದ್‌ದ್ ಪಂಡೆ. 9ಆ ಗಳಿಗೆಡೇ ಆಯೆ ಗುಣ ಆದ್ ತನ ಪಜೆನ್ ಪತ್ತೊಂದು ನಡತೊಂದು ಪೋಯೆ. ಆನಿದ ದಿನ #5:9 ಸಬ್ಬತ್‌ದಿನ ಪಂಡ ಯೆಹೂದ್ಯೆರೆನ ಪುರ್‌ಸೊತ್ತುದ ದಿನ ಸಬ್ಬತ್‌ದಿನ ಆದಿತ್ತ್ಂಡ್.
10ಐಕಾದ್ ಯೆಹೂದ್ಯೆರೆ ಅಧಿಕಾರಿಲು ಗುಣ ಆಯಿನಾಯಡ, “ಇನಿ ಸಬ್ಬತ್‌ದಿನ ಆದುಂಡು, ನಿನ ಪಜೆನ್ ತುಂಬೊಂದು ಪೋಪಿನವು ಸರಿ ಅತ್ತ್.” ಪಂಡೆರ್.
11ಐಕ್ ಆಯೆ, “ಎನನ್ ಗುಣ ಮಲ್ತಿನಾಯೆನೇ, ನಿನ ಪಜೆನ್ ಪತ್ತೊಂದು ಪೋಲ, ಅಂದ್‌ದ್ ಎನಡ ಪಂಡೆ,” ಪಂಡ್ದ್ ಉತ್ತರ ಕೊರಿಯೆ.
12“ನಿನ ಪಜೆನ್ ಮಡ್ತೊಂದು ಪೋಲ, ಪಂಡಿನ ಆ ನರಮಾನಿ ಏರ್?” ಅಂದ್‌ದ್ ಯೆಹೂದ್ಯೆರೆನ ಅಧಿಕಾರಿಲು ಕೇಂಡೆರ್.
13ಆಂಡ ಗುಣ ಆಯಿನಾಯಗ್ ಆಯೆ ಏರಂದ್‌ದ್ ತೆರಿದಿತ್ತಿಜಿ, ಜನೊಕುಲೆ ಗುಂಪು ಮಸ್ತ್ ಇತ್ತಿನೆಡ್ದ್ ಯೇಸು ಅಲ್ತ್‌ಡ್ದ್ ಪೋದಿತ್ತೆ. 14ಐಡ್ದ್ ಬೊಕ್ಕ ಗುಣ ಆತಿನಾಯನ್ ಯೇಸು ದೇವಾಲಯೊಡು ತೂದು ಆಯಡ ಇಂಚ ಪಂಡೆ, “ಇಂದಾ, ಇತ್ತೆ ನಿನ ಸೀಕ್ ಗುಣ ಆತ್ಂಡತ್ತಾ ನನ ಪಾಪ ಮಲ್ಪೊಡ್ಚಿ, ಇಜ್ಜಾಂಡ ನಿನ ಸ್ಥಿತಿ ಉಂದೆಡ್ದ್‌ಲಾ ಭಯಂಕರ ಆವು.”
15ಆ ನರಮಾನಿ ಅಲ್ತ್‌ಡ್ದ್ ಪೋದು, ಎನನ್ ಗುಣ ಮಲ್ತಿನಾಯೆ ಯೇಸುವೇ ಅಂದ್‌ದ್ ಯೆಹೂದ್ಯೆರೆಗ್ ತೆರಿಪಾಯೆ. 16ಈ ಕಾರಣೊನು ತೆರಿದ್ ಯೆಹೂದ್ಯೆರ್, ಯೇಸು ಸಬ್ಬತ್‌ದಿನೊಟು ಇಂಚಿತ್ತಿ ಬೇಲೆಲೆನ್ ಮಲ್ಪುವೆ ಅತ್ತಾ ಅಂದ್‌ದ್ ಆಯಗ್ ಭಂಗ ಕೊರಿಯೆರೆ ತೂಯೆರ್. 17ಐಕ್ ಯೇಸು, “ಎನ ಅಮ್ಮೆ ಇನಿ ಮುಟ್ಟಲಾ ಬೇಲೆ ಮಲ್ಪುವೆ, ಯಾನ್ಲಾ ಬೇಲೆ ಮಲ್ಪುವೆ,” ಪಂಡೆ.
18ಈ ಪಾತೆರೊನು ಕೇಂಡ್ದ್ ಆಯೆ ಸಬ್ಬತ್‌ನ್ ಅಲಕ್ಷ ಮಲ್ತಿನೇ ಅತ್ತಂದೆ ದೇವೆರೆನ್ ಎನ ಅಮ್ಮೆ ಅಂದ್‌ದ್ ಪನೊಂದು, ತನನ್ಲಾ ದೇವೆರೆಗ್ ಸಮ ಮಲ್ತೊಂಡೆ ಪಂಡ್ದ್, ಯೆಹೂದ್ಯೆರೆ ಅಧಿಕಾರಿಲು ಆಯನ್ ಕೆರಿಯೆರೆ ಬೊಕ್ಕಲಾತ್ ಪ್ರಯತ್ನ ಮಲ್ತೆರ್.
ದೇವೆರೆ ಮಗನ ಅಧಿಕಾರ
19ಐಕ್ ಯೇಸು ಅಕ್ಲೆಗ್, “ನಿಕ್ಲೆಗ್ ನಿಜಾದ್ ಪನ್ಪೆ, ಅಮ್ಮೆ ಮಲ್ತಿನೆನ್ ತೂದು ಮಗೆಲಾ ಮಲ್ಪುವೆ ಅತ್ತಂದೆ ತಾನಾದೆ ದಾಲಾ ಮಲ್ಪೆರೆ ಸಾದ್ಯ ಇಜ್ಜಿ. ಆಯೆ ಮಲ್ಪು ಮಾತೆನ್ಲಾ ಮಗೆಲಾ ಮಲ್ಪುವೆ. 20ಅಮ್ಮೆ ಮಗನ ಮಿತ್ತ್ ಪ್ರೀತಿ ದೀದ್ ತಾನ್ ಮಲ್ಪುನೆನ್ ಮಾತೆನ್ ಆಯಗ್ ತೋಜಾವೆ. ಉಂದತ್ತಂದೆ ನೆಡ್ದ್‌ಲಾ ಮಲ್ಲ ಬೇಲೆಲೆನ್ ಆಯಗ್ ತೋಜಾವೆ, ಅವೆನ್ ತೂದು ನಿಕ್ಲೆಗ್ ಅಚ್ಚಿರ ಆಪುಂಡು. 21ಅಮ್ಮೆ ಎಂಚ ಸೈತಿನಾಕುಲೆನ್ ಲಕ್ಕಾದ್ ಜೀವ ಕೊರ್ಪೆನಾ, ಅಂಚೆನೇ ಮಗೆಲಾ ತನ್ಕ್ ಬೋಡಿತ್ತಿನಾಕುಲೆಗ್ ಜೀವ ಕೊರ್ಪೆ ಪನ್ಪಿನೆನ್ ತೆರಿಯೊನ್ಲೆ. 22ಉಂದತ್ತಂದೆ, ಅಮ್ಮೆ ಏರೆಗ್ಲಾ ನ್ಯಾಯತೀರ್ಪು ಮಲ್ಪುಜೆ, ನ್ಯಾಯತೀರ್ಪು ಮಲ್ಪು ಮಾತ ಅಧಿಕಾರೊನು ಮಗಕ್ಕ್ ಕೊರ್ತೆ. 23ಮಾತೆರ್ಲಾ ತನ್ಕ್ ಮರ್ಯಾದಿ ಕೊರ್ಪಿಲೆಕ್ಕನೇ ಮಗಕ್ಲಾ ಮರ್ಯಾದಿ ಕೊರೊಡು ಅಂದ್‌ದ್ ಅಮ್ಮೆ ಬಯಕುವೆ. ಮಗಕ್ಕ್ ಮರ್ಯಾದಿ ಕೊರಂದಿನಾಯೆ ಆಯನ್ ಕಡಪುಡ್ದು ಕೊರಿನ ಅಮ್ಮೆರೆಗ್ಲಾ ಮರ್ಯಾದಿ ಕೊರಂದಿನಾಯೆ ಆಪೆ.
24“ಯಾನ್ ನಿಕ್ಲೆಗ್ ನಿಜಾದ್ ಪನ್ಪೆ, ಏರಾಂಡಲಾ ಎನ ಪಾತೆರೊನು ಕೇಂಡ್ದ್ ಎನನ್ ಕಡಪುಡ್ದು ಕೊರಿನಾಯನ್ ನಂಬುಂಡ ಆಯಗ್ ನಿತ್ಯಜೀವ ಉಂಡು. ಆಯೆ ನ್ಯಾಯತೀರ್ಪುಗು ಗುರಿ ಆವಂದೆ ಮರಣೊನು ಕಡತ್‌ದ್ ಜೀವೊಗು ಸೇರ್ದ್ ಉಲ್ಲೆ. 25ನಿಕ್ಲೆಗ್ ಸತ್ಯಾದ್ ಪನ್ಪೆ, ಸೈತಿನಾಕುಲು ದೇವೆರೆ ಮಗನ ಸ್ವರೊನು ಕೇನುನ ಕಾಲ ಬರ್ಪುಂಡು, ಅವು ಇತ್ತೆನೇ ಬೈದ್‌ಂಡ್, ಕೇಂಡಿನಾಕುಲು ಬದುಕುವೆರ್. 26ಅಮ್ಮೆ ಎಂಚ ಸ್ವತಃ ಜೀವ ಆದುಲ್ಲೆನಾ ಅಂಚೆನೇ ಮಗನ್ಲಾ ಸ್ವತಃ ಜೀವೊಡುಪ್ಪುಲೆಕ್ಕನೇ ಮಲ್ಪುವೆ. 27ನರಮಾನಿ ಮಗೆ ಆದಿತ್ತ್‌ಂಡಲಾ ನ್ಯಾಯತೀರ್ಪು ಮಲ್ಪು ಅಧಿಕಾರೊನು ಮಗಕ್ಕ್ ಕೊರ್ತೆ. 28ಉಂದೆಕ್ಕ್ ಅಚ್ಚಿರ ಮಲ್ಪೊಡ್ಚಿ, ಸಮಾಧಿಡ್ ಇತ್ತಿನಾಕುಲು ಮಾತೆರ್ಲಾ ಆಯನ ಸ್ವರೊನು ಕೇಂಡ್ದ್ ಲಕ್ಕ್‌ದ್ ಪಿದಯಿ ಬರ್ಪಿ ಕಾಲ ಬರ್ಪುಂಡು. 29ಎಡ್ಡೆಂತಿನೆನ್ ಮಲ್ತಿನಾಕುಲೆಗ್ ಜೀವೊಗಾದ್ ಪುನರುತ್ಥಾನ ಆಪುಂಡು. ಹಾಳ್ ಮಲ್ತಿನಾಕುಲೆಗ್ ನ್ಯಾಯತೀರ್ಪುಗಾದ್ ಪುನರುತ್ಥಾನ ಆಪುಂಡು.
ಯೇಸುನ ಸಾಕ್ಷಿ
30“ಎನ್ನಾತೆಗ್ ಎನ ಅಧಿಕಾರೊಡು ದಾಲಾ ಮಲ್ಪಯೆ; ಅಮ್ಮೆ ಪಂಡಿನೆನ್ ಕೇಂಡ್ದ್ ನ್ಯಾಯತೀರ್ಪು ಮಲ್ಪುವೆ, ಬೊಕ್ಕ ಎನ ಸ್ವಂತ ಚಿತ್ತ ನಡಪೊಡು ಪಂಡ್ದ್ ಬಯಕಂದೆ, ಎನನ್ ಕಡಪುಡ್ದಿನಾಯನ ಚಿತ್ತ ನಡಪುಡುಡು ಪಂಡ್ದ್ ಉಪ್ಪುನೆಡ್ದ್ ಯಾನ್ ಮಲ್ಪು ತೀರ್ಪು ನ್ಯಾಯದವು ಆದುಂಡು.
31“ಎನ ಸಂಗತಿಡ್ ಯಾನೇ ಸಾಕ್ಷಿ ಪಂಡ್ಂಡ ಎನ ಸಾಕ್ಷಿ ನಿಜ ಆವಂದ್. 32ಎನ ಸಂಗತಿಡ್ ಸಾಕ್ಷಿ ಕೊರ್ಪಿನಾಯೆ ಬೊಕ್ಕೊರಿ ಉಲ್ಲೆ. ಎನ ಸಂಗತಿಡ್ ಆಯೆ ಪನ್ಪಿ ಸಾಕ್ಷಿ ಸತ್ಯದವು ಅಂದ್‌ದ್ ಎಂಕ್ ಗೊತ್ತುಂಡು. 33ನಿಕುಲು ಯೋಹಾನಡ ಕೇನಿಯೆರೆ ಜನೊಕುಲೆನ್ ಕಡಪುಡಿಯರ್. ಆಯೆ ಸತ್ಯದ ಸಂಗತಿಡ್ ಸಾಕ್ಷಿ ಪಂಡೆ. 34ಯಾನ್ ಎನ ಸಂಗತಿಡ್ ಜನೊಕುಲು ಸಾಕ್ಷಿ ಕೊರೊಡು ಅಂದ್‌ದ್ ಬಯಕುಜಿ. ಆಂಡಲಾ ನಿಕ್ಲೆಗ್ ರಕ್ಷಣೆ ಆವೊಡು ಅಂದ್‌ದ್ ಉಂದೆನ್ ಪನ್ತೆ. 35ಯೋಹಾನೆ ಅರ್ಲೊಂದಿತಿನ ಒಂಜಿ ತುಡರ್‌ದ ಲೆಕ್ಕ ಬೊಲ್ಪು ಕೊರಿಯೆ. ನಿಕುಲು ಆಯ ಬೊಲ್ಪುಡು ಒಂತೆ ಸಮಯ ಸಂತೋಷೊಡುಪ್ಪರೆ ಮನಸ್ ಮಲ್ತ್‌ದಿತ್ತರ್. 36ಆಂಡ ಎನ ಸಾಕ್ಷಿಲು ಯೋಹಾನಡ್ದ್‌ಲಾ ಹೆಚ್ಚ್‌ಗೆದವು, ಎಂಚ ಪಂಡ ಮಲ್ತ್‌ದ್ ತೋಜಾಯೆರೆ ಅಮ್ಮೆ ಎಂಕ್ ಕೊರ್ತಿನ ಕೆಲಸೊಲೇ. ಅಮ್ಮೆ ಎನನ್ ಕಡಪುಡ್ದು ಕೊರ್ತೆ ಅಂದ್‌ದ್ ಎನ ಕೆಲಸೊಲು ಸಾಕ್ಷಿ ಕೊರ್ಪುಂಡು. 37ಉಂದತ್ತಂದೆ ಎನನ್ ಕಡಪುಡ್ದು ಕೊರಿ ಅಮ್ಮೆ ಎನ ಸಂಗತಿಡ್ ಸಾಕ್ಷಿ ಪನ್ಪೆ. ನಿಕುಲು ಆಯ ಸ್ವರೊನು ಕೇಂಡ್ದಿನೇ ಇಜ್ಜಿ, ಆಯೆ ಎಂಚ ಉಲ್ಲೆ ಪಂಡ್ದ್‌ಲಾ ತೂತ್‌ಜರ್. 38ಆಯ ಪಾತೆರೊಲು ನಿಕ್ಲೆಡೊಪ್ಪ ನಿಲೆ ಆತಿನವುಲಾ ಇಜ್ಜಿ. ದಾಯೆಗಂದ್ಂಡ ಆಯೆ ಕಡಪುಡ್ದು ಕೊರಿನಾಯನ ಪಾತೆರೊನು ನಿಕುಲು ನಂಬುಜರ್. 39ಶಾಸ್ತ್ರೊಲೆಡ್ದ್ ನಿತ್ಯಜೀವ ತಿಕ್ಕುಂಡು ಅಂದ್‌ದ್ ಅವೆನ್ ಓದೊಂದುಲ್ಲರತ್ತಾ, ಆಂಡ ಶಾಸ್ತ್ರೊಡುಲಾ ಎನ ವಿಷಯೊಡು ಸಾಕ್ಷಿ ತೆರಿಪಾವುಂಡು. 40ಆಂಡ ನಿತ್ಯಜೀವ ಪಡೆಯೆರೆ ಎನ ಕೈತಲ್‌ ಬರಿಯೆರೆ ನಿಕ್ಲೆಗ್ ಮನಸಿಜ್ಜಿ.
41“ಯಾನ್ ನರಮಾನಿಲೆಡ್ದ್ ಬರ್ಪಿ ಮಾನ ಮರ್ಯಾದಿನ್ ಬಯಕುಜಿ. 42ಆಂಡ ಯಾನ್ ನಿಕ್ಲೆ ಮನಸ್‌ನ್ ತೆರಿದೆ. ದೇವೆರೆ ಮಿತ್ತ್ ನಿಕ್ಲೆಗ್ ಪ್ರೀತಿ ಇಜ್ಜಿ ಅಂದ್‌ದ್ ತೆರಿದುಲ್ಲೆ. 43ಯಾನ್ ಎನ ಅಮ್ಮೆರೆ ಪುದರ್‌ಡ್ ಬೈದೆ, ಆಂಡ ನಿಕುಲು ಎನನ್ ಒಪ್ಪಿಯೊನುಜರ್, ಆಂಡ ಬೊಕ್ಕೊರಿ ಸ್ವಂತ ಪುದರ್‌ದ ಮಿತ್ತ್ ಬತ್ತೆಡ, ಆಯನ್ ಒಪ್ಪಿಯೊನುವರ್. 44ದೇವೆರೆಡ್ದ್ ಒರಿಯಡ್ದೇ ಉಪ್ಪು ಮಾನೊನು ನಾಡಂದೆ; ಒರಿಯಡ್ದ್ ಒರಿ ಮಾನ ದೆತ್ತೊನುನಾಕುಲು ನಿಕುಲು ಎಂಚ ನಂಬೊಲಿ? 45ಯಾನ್ ಅಮ್ಮೆರೆ ಎದುರು ನಿಕ್ಲೆನ ದೂರುಲೆನ್ ತೆರಿಪಾದ್ ಕೊರುವೆ ಅಂದ್‌ದ್ ಎನ್ನಡೆ, ನಿಕುಲು ಭರವಸ ಮಲ್ತಿ ಮೋಶೆನೇ ನಿಕ್ಲೆನ ಮಿತ್ತ್ ದೂರುಲೆನ್ ಪಾಡ್ವೆ. 46ನಿಕುಲು ಮೋಸೆನ್ ನಿಜವಾದ್ ನಂಬುನಕುಲಾಂಡ ಎನನ್ಲಾ ನಂಬುದ್ವರ್. ದಾಯೆ ಪಂಡ ಮೋಶೆ ಎನ ಸಂಗತಿಡ್ ಬರೆತೆ, 47ಆಯೆ ಬರೆತಿನೆನ್ ನಿಕುಲು ನಂಬಿಜರ್ಡ ಎನ ಪಾತೆರೊಲೆನ್ ಎಂಚ ನಂಬುವರ್?” ಅಂದ್‌ದ್ ಪಂಡೆ.
Àwon tá yàn lọ́wọ́lọ́wọ́ báyìí:
ಯೋಹಾನೆ 5: ತುಳು
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
New Life Literature
