Salmos 8
8
1¡Xanaʼ Dios,
bicaʼ ba Loʼ idútë yödzölió!
¡Xitsáʼtërö ca lúzxiba nayë́pisuʼ Liʼ!
2Túl-labiʼ bíʼidoʼ, encaʼ biʼi huë́ʼënidoʼ yöl-laʼ zxön quiuʼ
sal-laʼ nacuáʼ nupa taʼdáʼbagaʼ Liʼ.
Uzóa dxíuʼ nupa naʼ bitiʼ taʼléʼe Liʼ dxiʼa, encaʼ nupa taʼdáʼbagaʼ Liʼ.
3Cateʼ ruyúaʼ lúzxiba quiuʼ, le nunuʼ len xibö́n naʼzuʼ,
encaʼ beuʼ, en yuguʼ bölaj beníʼ nuzúʼ xilátjaguequi,
4níʼirö rnníaʼ: ¿Bizxi caz bönniʼ, tuʼ röjné cazuʼ lëʼ?
¿Bizxi caz nu naca bönáchisö, tuʼ ruíʼi ládxuʼu Liʼ nu naʼ?
5Nunuʼ ga naquiëʼ bönniʼ iaʼlatiʼ cuidiʼ ca naca cazuʼ Liʼ.
Nuzúʼ queëʼ yöl-laʼ ba quiuʼ, en yöl-laʼ run bal ca
tu le néquini oro dxía icjëʼ.
6Nunuʼ ga rinná béʼenëʼ yuguʼ le nun cazuʼ Liʼ.
Yúguʼtë nuzúʼ xiniʼë lëʼ.
7Nuzúʼ xiniʼë yúguʼtëbaʼ böʼcuʼ zxilaʼ, en yúguʼtëbaʼ bëdxi,
8en lës caní nunuʼ caʼ quégacabaʼ biguínnidoʼ,
en quégacabaʼ böla dzö́ʼöbaʼ nísadoʼ,
encaʼ quégacabaʼ yúguʼtëbaʼ böaʼ taʼdö́dibaʼ lu nísadoʼ.
9¡Xanaʼ Dios,
bicaʼ ba loʼ idútë yödzölió!
Àwon tá yàn lọ́wọ́lọ́wọ́ báyìí:
Salmos 8: zar
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2009, Wycliffe Bible Translators, Inc. All rights reserved.