Salmos 3
3
1Xan, chinayángacadaʼ nupa taʼlé nedaʼ.
Zián nupa taʼdáʼbagaʼ nedaʼ.
2Zián nupa taʼnnë́ quiaʼ, taʼnná:
“Bitiʼ usölë́ʼ Dios lëʼ.”
3Pero Liʼ, Xan, run chíʼiticaʼsuʼ nedaʼ.
Nacuʼ yöl-laʼ ba quiaʼ, en Nu rutipa nedaʼ.
4Bëʼa zidzaj didzaʼ, bulidzaʼ-nëʼ Xanruʼ,
ateʼ Lëʼ biyönnëʼ chiʼa ga naʼ zoëʼ lataj láʼayi queëʼ.
5Nedaʼ rataʼ, en rasiaʼ,
ateʼ rubanaʼ, tuʼ nazö́nticaʼsëʼ Xanruʼ Dios nedaʼ.
6Bitiʼ gádxidaʼ gayuáʼ gayuáʼ bönachi,
nupa naʼ nagúʼugaca nedaʼ lë́ʼajlö.
7¡Guyasa, Xan! ¡Busölá nedaʼ, Dios quiaʼ!
Budxía huëʼ xágaʼgaca nupa tuʼdíʼi nedaʼ,
en buquínnajdaʼ nupa nácagaca xihuiʼ.
8Xan, rusölá cazuʼ bönachi quiuʼ.
Ben ga gaca dxiʼa quégaca bönachi quiuʼ.
¡Caʼ gaca!
Àwon tá yàn lọ́wọ́lọ́wọ́ báyìí:
Salmos 3: zar
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2009, Wycliffe Bible Translators, Inc. All rights reserved.