ମାତିଉ ମାତିଉ ବଇ ବିଷୟ୍ତେ ଅଣ୍ଡୟ୍ ପଦ୍
ମାତିଉ ବଇ ବିଷୟ୍ତେ ଅଣ୍ଡୟ୍ ପଦ୍
ମାତିଉ କେତ୍ତାଦ୍ ସୁସମାଚାର୍ ପୁନେ ନିୟମ୍ତାଗ୍ ଜିସୁ କ୍ରିଷ୍ଟନ୍ ଜିୱୁଣ୍ଡ୍ତିଙ୍କ୍ ତିଆର୍ ମାଡ଼ମାନ୍ଦାନ୍ ନାଲୁ ବଇକିନ୍ ଲୋପେକେ ୱେରଡ଼୍ । ଇୱୁ ସାରେତିଙ୍କ୍ ଜିସୁ କ୍ରିଷ୍ଟନ୍ ଲେକେତାଦ୍ ସମାଚାର୍ ଇତ୍କେ ନେଲ୍ତାଦ୍ କବର୍ ଇଞ୍ଜ କେତିତଡ଼୍ । ଇୱୁ ସାରେ ଜିସୁନ୍ ଡଲ୍ତେ ଅଦିକ୍ ମାତିଉ, ମାର୍କ, ଲୁକ ନୁ ଯୋହନ୍ ଲେକିମାତ୍ତଡ଼୍ । ମାତିଉ କେତ୍ତାଦ୍ ସୁସମାଚାର୍ କେତ୍ତାଦ୍ ଟିକ୍ ତାରିକ୍ ପୁନ୍ୱେମାତ୍କେ ମିକା ପଣ୍ଡିତିଡ଼୍ କେତିତଡ଼୍, ଇଦ୍ କ୍ରିଷ୍ଟନ୍ ଜନମ୍ତେ ମାତର୍ ୬୦ ଏଣ୍ଡ୍କ୍ ଅଦିକ୍ ଲେକ୍ତାଦ୍ ଅସ୍ମାତ୍ତେ । ଇଦ୍ ମିକା ବିଶ୍ୱାସ୍ ମାଡ଼ାଙ୍କ୍ ଆଦ୍ତେ ଯେ ଇଦ୍ ବଇ ପାଲେଷ୍ଟାଇନ୍ ଦେଶ୍ତେ ଯିରୁଶାଲେମ୍ ସହର୍ତାଗାଙ୍କ୍ ଲେକାଆସ୍ ମାତ୍ତେ ।
ମାତିଉ ଇଦ୍ ସୁସମାଚାର୍ତେ ଲେକ୍ତେନଣ୍ଡ୍ । ଜିସୁ ଅଂକିଙ୍କ୍ ଶିଷ୍ୟ ଇଞ୍ଜ କାର୍ଙ୍ଗାନାଦ୍ ମାଡ଼ାନ୍ ମୁନେଙ୍କ୍ ଅଣ୍ଡ୍ ୱେରଣ୍ଡ୍ କରଗ୍ରାହୀ ମାତ୍ତଣ୍ଡ୍ । ଅନାଦ୍ ମେଣ୍ଡେଅନ୍ ପେଦେର୍ ଲେବୀ ମାତ୍ତେ । ଅଣ୍ଡ୍ ବାରଜାନ୍ ପ୍ରେରିତଡ଼୍ ଲୋପେଙ୍କ୍ ୱେରଣ୍ଡ୍ ମାତ୍ତଣ୍ଡ୍ । ଅଣ୍ଡ୍ ମୁକ୍ୟତ୍ ଯିହୁଦିଡ଼୍ ସେଙ୍ଗେ ଇଦ୍ ସୁସମାଚାର୍ ଲେକିମାତ୍ତଣ୍ଡ୍ । ଆଦ୍ ଅଣ୍ଡ୍ ତାନାଦ୍ ଲେକାତାଗ୍ ପାଃନେ ନିୟମ୍ତାଗ୍ ୬୦ ଟା ପଦ୍ ମୂଲ୍ୟାଙ୍କନ ଆଦାନାଦ୍ ପ୍ରମାନିତ୍ ଆଦ୍ତେ । ଜିସୁ ଯେ କ୍ରିଷ୍ଟ ଇତ୍କେ ମସିହ ଇଶ୍ୱର୍ ହେଞ୍ଚିମାନ୍ଦାନ୍ ଉଦ୍ଦାର୍ କର୍ତ୍ତାଲ୍ ନୁ ରାଜାଲ୍ ବେନ ୱାଦାନ୍ ବିଷୟ୍ତେ ପାନ୍ନ୍ତେ ନିୟମ୍ତାଦ୍ ଦର୍ମଶାସ୍ତ୍ରତାଗ୍ ବବିଷ୍ୟବାଣି ଆସ୍ମାତ୍ତେ ଇଦ୍ ମାତିଉ ସାୟେ ଲେକାମ୍ ଲେକାଙ୍କ୍ ଇଚ୍ଛା ମାଡ଼ମାତ୍ତଣ୍ଡ୍ । ଯିହୁଦିଡ଼୍ କ୍ରିଷ୍ଟ ଇତ୍କେ ମସୀହଙ୍କ୍ ରାଜନୀତି ରାଜ୍ୟତାଗ୍ ରାଜାଲ୍ ଆଦ୍ତନ୍ ଇଞ୍ଜ ଆଶେ ମାଡ଼ିତଡ଼୍ । ମାତିଉ ଆଦ୍ ବିଶ୍ୱାସ୍ତିଙ୍କ୍ ମେଣ୍ଡନ୍ଲେକାମ୍ ମାଡ଼ି ଆତ୍ମିକ ଇଶ୍ୱର୍ତେ ରାଜ୍ୟ ବିଷୟ୍ତେ ତିଆର୍ ମାଡ଼ାଙ୍କ୍ ଗାଟି ସାୟେ ଗୁରୁତ୍ୱ ହିତ୍ତଣ୍ଡ୍ ।
ମାତିଉ କେତ୍ତାଦ୍ ସୁସମାଚାର୍ତେ ପୁନେ ନିୟମ୍ତାଗ୍ ପ୍ରାତମିକ୍ ବଇ ଲେକାମ୍ ଦର୍କାର୍ ଆଦ୍ତେ ବାତେଙ୍କ୍ ଇତ୍କେ ପାଃନେ ନିୟମ୍ତାଦ୍ ବାକ୍ୟତିଙ୍କ୍ ନାର୍ଗେ ମାତ୍ରାତେ ଉଦ୍ଦୃତ ମାଡ଼ିମିନ୍ଦେଣ୍ଡ୍ । ଇଦ୍ ବଇ ପାଃନେ ନିୟମ୍ ନୁ ପୁନେ ନିୟମ୍ତିଙ୍କ୍ ଅଣ୍ଡୟ୍ ମାଡ଼ିତନ୍ । ପଣ୍ଡିତିଡ଼୍ ମିକା କେତିତଡ଼୍ ମାତିଉ ତାନ୍ ଲେକାତାଗ୍ ମୋଶାନ୍ ବ୍ୟବସ୍ଥା ବଇକିଂଙ୍କ୍ ଲେକାମ୍ ମାଡ଼ାନ୍ ମାଇଦିଙ୍କ୍ ଆଲ୍ସି ମାଡ଼ିମିନ୍ଦେଣ୍ଡ୍ । ଜିସୁନ୍ ମେଟେତ୍ ପର୍ରତ୍ କେତାନାଦିଙ୍କ୍ ୫–୭, ଇଶ୍ୱର୍ ମୋଶାନ୍ ବ୍ୟବସ୍ଥା ହିଦାନ୍ ବିଷୟ୍ ତଡ଼୍ ମିକା ସାମାନ୍ ମାଡ଼ିତଡ଼୍ ବିବରଣ ୧୯:୩; ୨୩ ।
ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ୍
୧. ଜିସୁ କ୍ରିଷ୍ଟନ୍ ଜନମ୍ ନୁ ଅନ୍ ସେବାକାମ୍ ଆରାମ୍ । ୧–୪
୨. ଜିସୁ କ୍ରିଷ୍ଟନ୍ ସେବାକାମ୍ ନୁ ଶିକ୍ଷା । ୫–୨୫
୩. ଜିସୁ କ୍ରିଷ୍ଟନ୍ ଡଲ୍ନାଦ୍ ନୁ ପୁନରୁତ୍ତାନ୍ । ୨୬–୨୮
Àwon tá yàn lọ́wọ́lọ́wọ́ báyìí:
ମାତିଉ ମାତିଉ ବଇ ବିଷୟ୍ତେ ଅଣ୍ଡୟ୍ ପଦ୍: NTKaa20
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament in Koya Language © The Word for the World International and Koya Translation Samithi, Malkangiri, Odisha 2020