Bl SƠ̆P HLA BƠAR MĂ MÔNH MÔIS CHIH
SƠ̆P HLA BƠAR MĂ MÔNH MÔIS CHIH
KRAO SƠ̆P
BLŬNG-A
Bơngai chih
Môis
Chih layơ
Dôm tơdrong lăm sơ̆p hla bơar 'nâu đei roi băl đơ̆ng jơhnơr 'nâu truh tơ jơhnơr nai, na tuch-luch đei chih kơplah lăm sơnăm 1450-1410 A.K, kơplah kon pơlei Isơrael oei tơ char glă tơ jê̆ kông Sinai.
Đei chih roi kơ lu bơngai
Ađam, Ewơ, Nôê, Abraham, Sara, Isăk, Rêbêka, Jakôp, Jôsep.
Lăm sơ̆p 'nâu đei 50 chăl păng 1533 trong.
Roi Tơbăt
Lăm sơ̆p hla bơar Blŭng-a 'nâu chih roi kơ tơdrong Kră Yang 'Bok Kei-Dei pơjing kơ plĕnh teh, đak hăm tôm tơmam, măt 'năr măt khei, lu hơnglŏng kon sem brem, hơdrông kơep lep-ler, sem păr, ka lăm đak, sem brem, sem dơrong păng kon bơngai bơ̆n. Tơm hmơm Blŭng-a ala chă mă đei kon bơngai bơ̆n, tơdrong yoch, tơdrong pơmat-tat kơpal teh păng tơdrong Kră Yang 'Bok Kei-Dei pơm kiơ hăm kon bơngai. Lăm sơ̆p hla bơar Blŭng-a đei asong kơ chăl tih.
1. Iŏk đơ̆ng chăl 1-11: Chih roi kơ Kră Yang 'Bok Kei-Dei pơjing teh, đak hăm đĭ-đăng tơmam păng kon bơngai bơ̆n. Lăm noh kư̆m đei chih roi kơ 'bok yă kon bơngai blŭng-a sơ̆, anăn 'bok Ađam yă Ewơ păng lu kon bre Kain, Abel, Set. Kŭm đei chih roi kơ Nôê ('bok yă Hơgơ̆r) đak lơ̆p. Chih roi kơ kung 'Ba'bel.
2. Đơ̆ng chăl 12-50 Chih roi hơ'mon kơ 'bok kơdră kră tơm lu bơngai Isơrael. 'Bok tơm kơ lu adrĕch adrung bơngai Isơrael noh anăn sư 'bok Abraham. Sư 'bok tơm lăm tơdrong lui, pơm kơmĭl đei đon lui kơjăp, roi tơdrong sư kiơ̆ Kră Yang 'Bok Kei-Dei, đơ̆ng noh roi kơ 'bok Isăk kon drŏ-nglo 'bok Abraham, Jakôp đe krao Isơrael, kon drŏ-nglo Isăk păng 12 'nu kon drŏ-nglo Jakôp wă khan 12 tŏ adrĕch adrung Isơrael. Chih roi chăl arih Jôsep, minh lăm 12 'nu kon drŏ-nglo Jakôp, kư̆m đei chih kơ lu adrĕch adrung Jakôp jur năm oei tơ dêh char Êyiptơ.
Mă khan lăm sơ̆p hla bơar Blŭng-a 'nâu roi kơ lơ lu adrĕch adrung kon bơngai arih lăm chăl sơ̆. Mă tơpă sư sơ̆p hla bơar 'nâu roi kơ tơdrong jang Kră Yang 'Bok Kei-Dei. Mă hơdrol hloh roi kơ Kră Yang 'Bok Kei-Dei boih tơ'ngla tơm pơjing kơ plĕnh teh, tôch truh tơ Nơ̆r Kră Yang 'Bok Kei-Dei pơkă pơkăm hăm kon bơngai Sư gô wei-lăng păng bơwei kon bơngai. Tơ'ngla tơm kơ sơ̆p hla bơar jơ̆ Kră Yang 'Bok Kei-Dei. Sư sek tơlang păng phak lu bơngai pơm yoch, bơtho tơbăt, tơgŭm kon bơngai.
Sơ̆p hla bơar so âu chih roi hơ'mon kơ minh adrĕch adrung wei răk bơwei đon lui ngeh, noh tơdrong arih ling-lang. Dah bơ̆n wă chă đŏk lăng kơ̆l tơm kơ tơdrong kiơ.
Kơ̆l tơm
1. Pơjing plĕnh teh păng kon bơngai bơ̆n 1:1-2:25
2. Tơdrong yoch păng tơdrong pơmat-tat. 3:1-24
3. Iŏk đơ̆ng 'bok Ađam truh tơ 'bok Nôê ('bok hơgơ̆r) 4:1-5:32
4. 'Bok Nôê păng đak lơ̆p 6:1-10:32
5. Kung 'Ba'bel 11:1-9
6. Đơ̆ng 'bok Sem truh tơ 'bok Abraham 11:10-32
7. Lu adrĕch adrung 'bok Abraham, 'bok Isăk, 'bok Jakôp. 12:1-35:29
8. Adrĕch adrung Êsâu 35:1-43
9. Jôsep păng lu 'nhŏng oh sư 37:1-45:28
10. Adrĕch adrung Isơrael oei tơ lăm dêh char Êyiptơ 46:1-50:26
Àwon tá yàn lọ́wọ́lọ́wọ́ báyìí:
Bl SƠ̆P HLA BƠAR MĂ MÔNH MÔIS CHIH: bdq
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bahnar Bible Association. All rights reserved.