उत्पत्ति 7
7
जलप्रलय
1परमप्रभुले नोआलाई भन्नुभयो, “आफ्ना जहान सबै सँगै लिएर भित्र जा। संसारभरिमा ठीक काम गर्ने तँलाई मात्र मैले पाएँ। 2विधिअनुसार जुन पशुहरू शुद्ध छन्, तिनका सात-सात जोडी तर अशुद्ध पशुहरूका चाहिँ एक-एक जोडी मात्र आफूसँग लिनू। 3पंक्षीहरू पनि हरथरी सात-सात जोडी लिनू। त्यसो गर्नुपर्छ किनभने हरथरीका पशु-पंक्षी बचाएर राख्नुपर्छ र तिनीहरू फेरि पृथ्वीमा बढ्दै जानेछन्। 4अबको सात दिनपछि म वर्षा ल्याउनेछु, पानी चालीस दिन र चालीस रातसम्म पर्नेछ र मैले बनाएका सबै जिउँदा प्राणीहरू नाश हुनेछन्।” 5परमेश्वरले आज्ञा गर्नुभएअनुसार सबै कुरा नोआले गरे।
6नोआको उमेर ६०० वर्षको हुँदा पृथ्वीमा जलप्रलय भएको थियो। 7#मत्ती 24:38,39; लूका 17:27नोआ, उनकी स्वास्नी, उनका छोराहरू र बुहारी, जलप्रलयको भलदेखि बाँच्न नाउभित्रै गए। 8परमेश्वरले आज्ञा गर्नुभएझैँ शुद्ध वा अशुद्ध हरथरीका पशु-पंक्षी, जोडी-जोडी, भाले-पोथी गरी 9नोआसित नाउमा पसे। 10सात दिनपछि पानीको भल आयो।
11 #
२ पत्रुस 3:6
नोआ ६०० वर्षको हुँदा दोस्रो महिनाको सत्रौँ दिनमा पृथ्वीमुनिका अगाध पानीका मूलहरू फुटे, आकाशका पानीका ढोकाहरू सबै खुले र दिनरात 12चालीस दिनसम्म पानी परिरह्यो। 13त्यही दिन नोआ र उनकी स्वास्नी आफ्ना तीन जना छोराहरू शेम, हाम र येपेत र तिनका स्वास्नीहरूसँगै लिएर नाउमा पसे। 14तिनीहरूसँग हरथरीका ठूला-साना घरेलु र बन-पशुहरू र हरथरीका पंक्षीहरू पनि नाउमा गए। 15परमेश्वरले आज्ञा गर्नुभएअनुसार हरप्रकारका जिउँदा प्राणीहरू जोडी-जोडी, भाले-पोथी गरी, नोआसित नाउमा गए। 16त्यसपछि परमप्रभुले ढोका बन्द गरिदिनुभयो।
17जलप्रलय ४० दिनसम्म भइरह्यो। पानी बढेर यति गहिरो भयो कि नाउ उचालिएर तैरन लाग्यो। 18पानी अझै गहिरो भयो र नाउ माथि-माथि बग्न थाल्यो। 19पानी यति गहिरो भयो कि अग्लाभन्दा अग्ला पहाडहरू पानीमा डुबे। 20पानी अझै बढ्दै गयो र पर्वतहरूमाथि सात मिटर अग्लोसम्म पुग्यो। 21पृथ्वीमा भएका जम्मै जिउँदा प्राणीहरू सबै चरा-चुरुङ्गी, पशु र नर-नारीहरू मरे। 22पृथ्वीमा भएका सास फेर्ने प्राणीहरू सबै मरे। 23पृथ्वीमा भएका सबै जिउँदा प्राणीहरू मानिस, पशु र पंक्षीहरूलाई परमप्रभुले नाश पार्नुभयो। नोआ र उनीसित नाउमा हुनेहरू मात्र जिउँदा छोडिए। 24पानी १५० दिनसम्म घटेन।
Àwon tá yàn lọ́wọ́lọ́wọ́ báyìí:
उत्पत्ति 7: सरल नेपाली
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Simple Nepali Holy Bible © Nepal Bible Society, 2008.