Matyu 1
1
Yesus Krais imi olal imi win uta ko
Luk 3:23-38; Rom 9:5
1Yesus Krais imi olal imi win uyo kalbu ko. Yesus beyo King Devit imi man ilop, minte Devit iyo Abraham imi man ilop no ko.
2Abraham beyo Aisak imi aalap,
Aisak beyo Jekop imi aalap,
Jekop beyo Juda so ilami isak atuk so ninggil imi aalap,
3Juda beyo afaang man Peres sino Sera so imi aalap, minte Tama uta afaang man alop imi ogen no kale,
Peres beyo Hesron imi aalap,
Hesron beyo Ram imi aalap,
4Ram beyo Aminadap imi aalap
Aminadap beyo Nason imi aalap,
Nason beyo Salmon imi aalap,
5Salmon beyo Boas imi aalap, minte Rahap uta Boas ilami ogen no kale,
Boas beyo Obet imi aalap, minte Rut uta Obet ilami ogen no kale,
Obet beyo Jesi imi aalap,
6minte Jesi beyo King Devit imi aalap no ko.
Minte Devit beyo Solomon imi aalap, minte Baseba uta Solomon imi ogen no kale, kamaki uyo Baseba boyo tinum migik Uria imi kalel kuta, siit-kulu e, Devit ita tagaa kula ilami kalel kebesu kale,
7Solomon beyo Rehoboam imi aalap,
Rehoboam beyo Abiya imi aalap,
Abiya beyo Asa imi aalap,
8Asa beyo Jehosafat imi aalap,
Jehosafat beyo Joram imi aalap,
Joram beyo Usia imi aalap,
9Usia beyo Jotam imi aalap,
Jotam beyo Ahas imi aalap,
Ahas beyo Hesekia imi aalap,
10Hesekia beyo Manase imi aalap,
Manase beyo Amos imi aalap,
Amos beyo Josaya imi aalap,
11minte Josaya beyo Jekonia so ilami isak atuk so ninggil imi aalap no ko. Kale Jekonia iso ilami isak atuk so ninggil iyo bom-bilip e, Israel tinum imi waasi Babilon kasel tinum iyo tal, Israel kasel iyo yemum o age tal dinan-bom kubaganip ita ita ke-bom-nilip e, yaafuu sok de imo imtamo unanbu no Babilon kasel ilimi abiip maak maak unemin kup kemsip ko.
12Kale Babilon kasel iyo Israel kasel iyo de imo kulep no ilimi abiip tolip e, Jekonia beyo Sealtiel dola e,
minte Sealtiel beyo Serubabel imi aalap,
13Serubabel beyo Abiut imi aalap,
Abiut beyo Eliakim imi aalap,
Eliakim beyo Aso imi aalap,
14Aso beyo Sadok imi aalap,
Sadok beyo Akim imi aalap,
Akim beyo Eliut imi aalap,
15Eliut beyo Eleasa imi aalap,
Eleasa beyo Matan imi aalap,
Matan beyo asegim Jekop imi aalap,
16minte Jekop beyo Josep imi aalap no kale, Josep imi kalel Maria uta Yesus dosu kale, Yesus beyo God imi ulaa dula kamok kesa tinum Krais o agan-nuubip ita ko.
17Kale Abraham imi ilaap daaba uyo ilop tiilam kwep talanbu tal Devit imi diim kwek diliit kesu uyo ki, ilop dagamin ulumi kup te tam mit kal fagasu ko. Kale ulutap kale, Devit imi ilaap daaba uyo ilop tiilam kwep top Babilon kasel imi tisip kwek diliit kesu uyo ki, ilop dagamin ulumi kup te tam mit kal fagasu kale, Babilon kasel iyo tebe Israel kasel imi waasi kebesipta kale, tal sok de imo imtamo unanbu no Babilon kasel ilimi abiip maak maak kugol fagagan-bii kupkalipta, bii-silip ko. Ulutap kale mungkup, abiip Babilon un-silip uyo ki, man ilop tiilam kwep talanbu tal God imi ulaa dula kamok kesa tinum Krais imi do-suu kwek diliit kesu uyo ki, ilop dagamin ulumi kup te tam mit kal fagaa no kesu ko.
Maria umi Yesus Krais dosu uta ko
Luk 2:1-7
18Kale kamaki Yesus Krais imi do-suu uyo kulbu kale, ogen Maria boyo Josep imi win baabelip bo kuta, atin ku-bom uso sinamin-tem bisop bom-silipta, God imi Sinik Tambal iyo tal Maria umi iibak tem iinata, utamuta, kumun so keli kalaa agelu kale, 19umi imak Josep o age win baabebip beyo tinum tambal kale, weng boyo kupkem daali alugum iyo tinangkulip Maria uyo fitom tebepmomu kale, sining age som-nilita, maagalo unang boyo kupkalan o age-nalata, 20bomi aget uyo fugun-salata minte, Bisel imi ensel maak tal ilam duluun weng uyo bogobe-nala e, “Devit imi man ilop Josep kabaa. Kapmi kalel o age win baapkebip Maria boyo kumun so kebu kuta, man mat tem kwek alba beyo God imi Sinik Tambal yagal tal bomi iibak tem iinata, kumun so kebu kale, kabo finanin ba kale, kalel uyo kulal o ageta kale, 21biilan-temu uyo, man dolan-temu beta tebe-nalata, alugum ilami tinum unang imi fengmin uyo takan kebelata, waalanan-temip kale, kabo bemi win uyo bogobe-nalap, ‘Dong dogobela waalanamin tinum o,’ age-nalapta, Yesus o agelal o,” age-nalata, ensel iyo bogobela ko.
22Kale sugayok uyo Bisel iyo tebe ilami profet Aisaya imi weng maak bogobelata, ita God imi suuk kon tem dola ko-se kale, ko tol mitam ti-suu kale, 23siin uyo bogobe-nala e,
“Ibo botamin. Son-temu uyo, unang maak tinum so sinamin-tem som-nuluta, kumun so ke man tinum maak dolan-temu kale, man dolan-temu bemi win uyo Emanuel o agelan-temip o,”
age-nalata, bogobe-se kale, win bomi magam uyo, “God iyo nuso alba o,” agesu ko.
24Kale Josep iyo agaal un-bom-sala Bisel imi ensel ilam duluun weng bogobela uta tinangku-nalata, fen-nalata, kalel uyo kula kuta, 25kalel so maak agam sina-bom utamamin-tem alba diim kugol man beyo doluta, Josep iyo man bemi win uyo bogobe-nala e, “Yesus o,” age-se ko.
Àwon tá yàn lọ́wọ́lọ́wọ́ báyìí:
Matyu 1: tlf
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 1988, Wycliffe Bible Translators, Inc. All rights reserved.
